Fapea Kings 17:18 - Buka Blahi Ka Cheke Holo

¹⁸ Mana thono diꞌatagna fara ka naiknodi Israel, aonu mana khidi mala theome tangomana mare te au rhegna mana na. Vikegna Juda igne kolho te au balugna mana na.

Fapea Kings 17:18 ပူးပေါင်းရင်းမြစ်များ

Ululahu Kings 11:32

Nu mana ginauna funei fruni ni kaisei vike, naugna iara ne ghatho tahuni nogu mae gloku King Devet, eghuteuna iara ghatho tahuni Jerusalem, namono teke vahini iara na.

Ululahu Kings 11:13

Nu iara ginauna na theome hata fadelei vike te gnafa Israel igre ka mana, nu iara ginauna na snakreni mana funei frunini kaisei vike mala au ka khamegna mana. Naugna iara neke ghatho tahuni mae kmamu iagho nogu mae gloku iara King Devet ia, eghuteuna iara jaola ghatho tahuni namono biꞌo Jerusalem teke vavahi iara ia.”

Profet Hosia 11:12

Lord ne cheke eghu, “Naiknodi Israel igre chaichaghi koba ka iara. Nu naiknodi Juda igre au famaku ke parigu iara God mae ihei te eni ranghidi puhi te keli nei doglo teuna.”

Ululahu Kings 12:20

Kate nomhini maedi Israel igre te kela pulo meihi mae Jereboam na, mare ne kiloni mana mala mei ka kaisei nodi faidu goro mae biꞌo. Aonu mare ne vahini mana mala king gna Israel. Funu ka narane igne vikegna Juda kolho te leghuni thabuknagna mae Devet.

Ululahu Kings 11:36

Iara ginauna snakreni thugna mana na mala funei frunini kaisei vike kolho, eghuteuna vikegna King Devet te mala funei fruni ni fabrahu Jerusalem. Igne namono teke vahini iara te mala pogho soruni ghotilo Nanghagu iara na.

Profet Hosia 9:3

Eghuteuna ghotilo ginauna na theome au ka nogna namono Lord igne. Ghotilo ginauna mala ke tei sosolo fapulo ka kantri Ijep, nei jaola mala ke tei sosolo ka kantri Asiria. Aonu kate tei au teu ka kantri igre, ghotilo ginauna nake ima gano mala thosei ima teku God ra.

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Fapea Kings 23:27

Aonu Lord ne cheke eghu, “Iara ginauna khi fajifla ghami ghotilo naiknomi Juda gre jateula teke khi fajifladi iara naiknodi Israel tifa ra eghu. Iara ginauna tiroguni Sugablahi nei namono biꞌo Jerusalem teke vavahi iara igne. Iara neke cheke eghu eigna Sugablahi igne, ‘Jare te mala pogho soruni Nanghagu iara na.’ ”

Fapea Kings 13:23

Nu Lord keli ranghidi nei kokhonidi eghu naiknodi Israel gre. Aonu mana theome snakreni armi gna Siria gne te mei goigonidi mare na. Leghu fata na Lord toghodi mare naugna mana neke nhaꞌa cheke balugna mae Ebraham, mae Isak nei mae Jekop tifa. Eghuteuna mana neke khidi maedi Israel mala tei au fakhaba ka mana.

Josua 23:15

Jateula tuana eghu Lord neke edi gobigna lepo te keli teke nhaꞌa chekedi mana re, puhi biꞌo te gnafa teke kulu cheke eidi ka ghotilo ra, mana ginauna tangomana te edi puhi biꞌo igre mala thoke ghami ghotilo nei goigonini nomi namono ghotilo igne jame te theome leghuni ghotilo mana na.

Ululahu Kings 8:46

“Theo kaisei naikno ka nauthoglu igne te theo nakhibo gna na. Eghume kate tapla jafra nou naikno iagho re, glahu diꞌatamu iagho ka mare, lisa lao ka mae naoka are mala uludi mare, nei mala hata tei mare ka nodi kantri re, neuba ne namo, ba khaba fara Israel.

Fapea Kings 17:6

Ke lamnadi nheva finogha te funei King Hosea Israel igre, king gna Asiria ne uluni namono biꞌo Samaria, aonu king gna Asiria igne huhurudi naiknodi Israel igre hata ne tei ka nogna kantri na. Kehare au ka namono Hala, kehare au rhegna khoꞌu biꞌo Habor ka nohi Gosan, eghuteuna kehare ka namono Media.

Diutronomi 32:20

“Lord neke cheke eghu ka ghotilo, ‘Gognarona iara poru ka ghotilo. Aonu iara ginauna na filoni unha nate goigoni ghami ghotilo na, naugna ghotilo ne phaꞌu boto fara, eghuteuna ghotilo sua theome ghatho tahu ghau iara.

Jajis 18:30

Mare ne lisei haghe mumuju teke horo ka silva hata teke mei mare mala tarai. Eghuteuna Jonatan mae ihei teke karha ka vikegna Gesom, thugna Moses, teke pris ka mare na. Eghuteuna iheire te karha mei ke leghu ka vikegna mana igne, mare te mala loku jateula pris teu te ghilei thokeni narane te mei nodi naoka maedi Israel igre hata teke teidi mala sneka ka keha kantri te khaba fara delei.

Fapea Kings 21:14

Iara ginauna lisa lao naikno te karha nga teu igre ka khamedi mae naoka. Eghuteuna mae naoka igre ginauna uludi mare, eghuteuna mae naoka igre ginauna hata tei ka namono dire nodi gobigna lepore.

Fapea Kings 24:3

Hoholo te thokedi naiknodi Juda igre leghuni unha teke chekeni Lord na. Naugna King Manase neke edi kmana glepo te diꞌa tifa na.

Nodi Khoje Hatimare Mae Jiu 51:13

Eghuteuna iara ginauna farirhiu chekemu iagho na ka naikno te diꞌa puhidi gre mala ke pulo mei ka iagho.

Profet Jeremaea 7:15

Eghuteuna iara ginauna kuru fajifla ghami ghotilo ka vido te au teu ghotilo igne, jateula teke kuru fajifladi iara mae kherami ghotilo teke au ke raru Israel tifa ra eghu. Eghuteuna ghotilo ginauna tei koko ghau iara, eghuteuna iara na theome ke filo ari ghami ghotilo.’ ”

Profet Jeremaea 52:3

Lord diꞌatagna fara ka naiknodi Jerusalem ghe Juda igre ne khi fajifladi ka nogna namono na. Aonu King Sedekaea ne mamagra ka King Nebukadnesa gna Babilonia.

Profet Hosia 12:3

Tifa na, mae Jekop kuꞌedi mare igne neke magra balugna mae Iso ka thiꞌagna idodi na. Eghuteuna kate biꞌo haghe na, mae Jekop neke magra balugna God.