Fapea Kings 17:17 - Buka Blahi Ka Cheke Holo

¹⁷ Mare gahu ka khaꞌaghi thudi nalhaꞌu nei thudi gaꞌase teure mala fafara ka mumuju god. Eghuteuna mare ghusnadi mae iheire te au naitu nhaghe nei mae iheire te fafara te mala lasedi unha lepo nate thoke mei ginauna. Mare ghatho nhetani kolho te mala eni glepo te thono diꞌa fara ka tathagna Lord na, eghume mare fabrana ni fara diꞌatagna mana na.

Fapea Kings 17:17 ပူးပေါင်းရင်းမြစ်များ

Fapea Kings 21:6

Mana gahu neke fafara mae thugna thegna na ka mumuju. Mana loku ka nunughere nei khoraphaꞌu, khaekae, eghuteuna mana tei filodi iheire tangomana te cheke baludi tharungadi iheire tela lehehi. Eghuteuna mana edi kmana glepo te thono diꞌa fara ka tathagna Lord na, aonu Lord ne diꞌatagna fara ka mana.

Fapea Kings 16:3

Mana leghudi puhidi mae king di Israel te diꞌa tifa ra. Eghuteuna mana neke gahu thofno thugna na neke fafara ka mumuju. Glepo igne thofno leghuni puhidi naiknodi tifa te thofno diꞌa fara ra, eghuteuna Lord neke khi fajifladi naikno bongihehe igre ka nodi vido glose naiknodi Israel.

Profet Esikiel 23:37

Repa tapla jafra baludi keha nalhaꞌui, nei aknu falehe naikno eghu. Eghume repa la tei koko ghauhi iara la tei lalahu fadiꞌa ka mumuju, eghuteuna repa aknu falehe fafara ka mumuju thugu iara teke karha ka repa re.

Ululahu Kings 21:20

Kate filoni mae Elija na, King Ehab ne cheke eghu, “Sei! Nogu naoka iara gne kela mei filo ghauhi iara!” Mae Elija ne cheke eghu ka mana, “Uve, iara mei filo nigho iagho, naugna iagho ne eni puhi te thono diꞌa fara na ka tathagna Lord.

Profet Maeka 5:12

Iara ginauna atha koko nomi thina blahi te fatutuanidi ghotilo igre, eghuteuna iara ginauna aknu falehe naikno te au naitu nhaghe te mala chekedi gobigna lepo nate thoke mei.

Ululahu Kings 21:25

(Theo kaisei mae te jateula King Ehab teu te snakreni nakarhagna na te mala eni glepo te thono diꞌa fara ka tathagna Lord na. Gobigna lepo te edi mana igre thono diꞌa fara, khetogna mana Jesebel igne te batuni mana na.

Levitikas 19:26

“Ghotilo thosei ghamu nafnahi te au teu dadara tagna. “Eghuteuna ghotilo mala thosei eni kaisei glepo ka kastom meresin, ba fariuriu edi glepo ka kastom meresin mala laseni unha nate thoke mei ginauna.

Levitikas 18:21

“Blahi ihei ka ghotilo te faleheni thugna na, eghuteuna gahu ka khaꞌaghi te mala fafara ka god Molek, naugna puhi igne goigoni nanghagu iara te blahi nomi Lord God ghotilo.

Galesia 5:26

Thosei fahaehaghe ghita theda, thosei eꞌei puhi ranghini ihei nei thosei goghotu fari theda.

Mae Khuru 16:16

Kaisei narane kate tei ghehati ka vido te mala tarai na, kaisei gaꞌase gloku mei ne deni ghami ghehati. Kaisei naitu na au ka gaꞌase tuana mala tangomana naꞌa te toutonudi glepo te theome thoke mei nga teure. Aonu nogna mae funei naꞌa re hata sileni biꞌo fara kate eni naꞌa tuana.

Profet Esikiel 23:39

Ka narane igne la repa ne aknu falehe thugu iara re mala fafara ka mumuju, eghuteuna edi glepo te theome naba te mala edi ke lamnagna nogu vido blahi iara na. Igre glepo te edi repa ke lamnagna nogu Sugablahi iara na.

Profet Esikiel 20:31

Kate snakredi ghotilo te mala fafara lao thumi nalhaꞌure ka mumuju te diꞌa igre na, ghotilo fathona ghami themi fabrahu ka tathagu iara na la ghilei mei thoke ka narane gognarogne. Ghotilo naiknomi Israel ra! Naugna unha si ghotilo te edi koba glepo te diꞌa igrea, ba ghotilo tangomana ghami te mei te hironi gaoghathogu iara na? Iara eni nhaꞌa cheke igne ka nanghagu iara Lord God mae ihei te karha fabrahu tifa te tifa. Iara ginauna theome snakre ghami ghotilo te toreni kaisei glepo ka iara na!’ ”

Profet Esikiel 20:26

Iara lisa laodi mala fathonadi thedi ka tathagu iara na, naugna mare ne fafara thudi teke kulu karhare ka mumuju god. Iara eni igne, mala rhana nodi nei laseni eghu mare iara te Lord na.’

Profet Jeremaea 27:9

Eghume ghotilo thosei fanomho ka mae profet chaichaghi, ka mae khaekae, ka mae neilehe, ka mae glalase nei ka mae iheire te ruarutha mifi. Ghotilo thosei fanomho ka mae igre kate chekeni mare te mala thosei au ke pari gna nogna nolaghi king gna Babilonia teuna.

Profet Isaia 50:1

Lord ne cheke eghu, “Ghotilo naiknomi Israel. Ba, ne tei koko ghamihi iara jateula mae ihei te tei kokoni khetogna na ia neu jau si ghotilo? Aheva gneu pepa te mala koko gaꞌase na? Ba, ne foli ghamihi iara ka naiknodi keha kantri are mala falehe kaoni mala naikno sneka eghu? Theo. Mare neke atha ghami ghotilo neke tei ka keha kantri delei naugna ghotilo ne edi kmana nakhibo fara. Eghuteuna iara theome magnahaghei ghami ghotilo naugna puhimi ghotilore thono diꞌa fara.

Profet Isaia 47:9

Nu kokhoni nigho fara eghu, naugna glepo igre ginauna thoke nigho iagho. Khetomu nei thumu teu iagho igre ginauna lehe ka kaisei narane kolho. Neuba iagho ne au nou naitu te nolaghi fara te mala reireghi nigho na. Theo. Iagho ginauna thafoni narane te diꞌa fara na.

Profet Isaia 8:19

Naiknore ginauna cheke ka ghotilo mala tei ka mae nalhaꞌu nei gaꞌase teu te lasedi kastom nei au naitu khora phaꞌu teura, ba cheke baludi iheire tela lehehi ra. Naikno igre cheke faꞌikoi ka thua nafnata cheke mala theome tangomana kaisei naikno te nomhidire. Nu ghotilo thosei fanomho ka mare. God kolho te mala tore ghotilo na! Ba, mala unha si naikno gre te toredi iheire tela lehehi ra te mala toghodi iheire te karha nga teu igrea?

Fapea Kronikols 33:6

Mana gahu thugna thegna na ka glogu Ben-Hinom mala fafara ka mumuju god. Mana loku ka kuro, pophoji, khoraphaꞌu, fafara mala laseni unha nate thakle mei, eghuteuna mana tei filodi iheire te tangomana te cheke ka tharungadi naikno tela lehehi ra. Mana edi kmana glepo te thono diꞌa fara ka tathagna Lord, eghume Lord na thono diꞌatagna fara ka unha te edi mana igre.

Fapea Kronikols 28:3

Eghuteuna mana gahu fafara mala tarai ka keha god delei ka glogu Ben-Hinom. Eghuteuna glepo te thono diꞌa fara te eni mana na, mana gahu ka khaꞌaghi mae thugna re mala fafara ka god igre. Ka puhi igre, mana thofno leghudi puhidi naiknodi tifa te diꞌa ra, naikno igre Lord neke khi fajifladi ka nodi vido glose naiknodi Israel.

Fapea Kings 17:11

Eghuteuna mare gahu insens ke kligna olta, leghuni unha teke edi naikno tifa teke khi fajifladi Lord ka nodi vido glose naiknodi Israel ra. Eigna Lord neke thono diꞌatagna fara kate edi fabrahu naiknore puhi te diꞌa igre.

Letas Teke Riso Tei Mae Pol Ka Khiloau Rom 7:14

Eghuteuna te laseni tahati na, u vetula gne neke mei funu ka God, nu naugna iara maegu ka nauthoglu igne naikno kolho, iara au jateula nogna mae sneka eghu nakhibo.

Diutronomi 4:25

Neuba ghotilo ne au raugha ka glose igne ne au thumi nei grami neu, ghotilo jafra jame te sari mumuju ghotilo te tarai tagna na. Jame te eni ghotilo glepo te jafra nei theome doglo teu ka tathagna Lord igne na, mana ginauna diꞌatagna fara ka ghotilo.

Fapea Kings 17:31

naiknodi Ava re sari mumujudi phei god Nibas ghe Tatak, eghuteuna naiknodi Sefavaem re gahu thudire ka khaꞌaghi mala fafara ka phei nodi god, Adramelek ghe Anamelek.

Profet Jeremaea 7:31

Mare horo kaisei olta te kiloni mare, Tofet, ka Glogu Hinom. Aonu mare gahu ka khaꞌaghi thudi nalhaꞌu nei thudi gaꞌase teure ka olta igne mala fafara ka mumuju. Nu iara neke theome chekedi mare te mala eni puhi igne. Nafnata glepo te eni mare igne neke theome jifla mei ka gaoghathogu iara na.

Profet Jeremaea 19:5

Mare babana olta mala gahu thudi nalhaꞌure ka khaꞌaghi mala fafara ka god Baal. Nu iara neke theome chekedi mare te mala eni nafnata puhi igne. Nafnata puhi igne thono diꞌa fara theome jifla mei ka gaoghathogu iara na.

Profet Jeremaea 25:7

Nu neuba nogu mae profet iara igre ne toutonuni chekegu iara na, ghotilo tiromi fanomho kolho. Eghuteuna ghotilo tarai koba ka mumuju teke sari themire, naugna igne iara diꞌatagu fara ka ghotilo.” Igne chekegna Lord.

Levitikas 19:31

“Eghuteuna ghotilo thosei tei ka naikno te cheke baludi tharungadi iheire teke lehe tifa ra, ba ka keha naitu. Jame te hirodi ghotilo igre na, ghotilo goigoni ghami themi ka tathagu iara na. Iara Lord, nomi God ghotilo.

Diutronomi 32:16

Kate pogho soru ghotilo ka keha god delei na, mana goghotu. Mana diꞌatagna fara ka nomi mumuju god ghotilo are.

Ululahu Kings 14:15

Lord ginauna farhani ni Israel mala jateula fora te blele tafri ka nabritha ra eghu. Uve, Lord ginauna khi fajifladi naiknodi Israel mala tei kokoni mare nodi thofno namono te keli teke tusu lao Lord ka kuꞌedi mare tifa ra. Eghuteuna mana ginauna na eni igne mala tei fagaꞌu mare ka keha phile Khoꞌu biꞌo Iufretis. Mana ginauna eni igne, naugna mare ne tarai ka mumuju god gaꞌase Astarot.