Fapea Kings 16:9 - Buka Blahi Ka Cheke Holo

⁹ Kate nomhini king gna Asiria cheke igne, mana ne kuruni nogna armi na ne sukha Siria ka namono Damaskas. Mare magra ne hata namono igne. Aonu mare ne aknu faleheni King Resin, eghuteuna mare huhurudi naiknore mala tei au ka namono Kira.

Fapea Kings 16:9 ပူးပေါင်းရင်းမြစ်များ

Profet Emos 9:7

Lord ne ghusna eghu ka naiknodi Israel, “Ne ghatho tahu ghami kolho iara uludi naiknodi Kus eghu jau si ghotilo gaoghathomi na? Theo! Tutuani, kani au teku ghotilo ka kantri Ijep, iara neke hata fajifla ghami ka namono tuana. Nu filo si ghotilo! Naiknodi Filistia ra iara neke hata fajifladi Krit. Eghuteuna naiknodi Siria ra, iara neke hata fajifladi Kira.

Profet Isaia 22:6

Hatimare mae soldiadi Elam, mare saghe ka chariot balu nodi phaloho nei jata. Soldiadi ka namono Kira igre, mare hata nodi greoreo re tarabana mala magra.

Profet Isaia 9:11

Nu Lord ne diꞌatagna fara ne tusu lao nolaghi ka King Resin mala tangomana mana te magra ka maedi Israel.

Profet Isaia 7:16

King Ehas, iagho gognarona mhaghudi phei king te au ka kantri Israel ghe Aram. Nu te chekeni iara ka iagho na, ame laseni nga mae sua nalhaꞌu na puhi te keli na, nei puhi te diꞌa na teuna, phei mae king te mhaghudi iagho igre ginauna kafe lehe.

Fapea Kronikols 28:21

Aonu King Ehas tei ne hata gol nei glepo te keli teure ka nogna Sugablahi Lord, nei ka sugagna thegna nei ka sugadi nogna mae biꞌore, mana tei ne tusu lao ka king gna Asiria glepo igre, nu glepo igre theome toghoni mana kolho.

Fapea Kronikols 28:5

King Ehas edi kmana puhi te diꞌa, eghuteuna naiknodi Juda igre jaola figri tagruni Lord nodi God kuꞌedi tifa ra. Aonu God ne kuruni king gna Siria balugna nogna armi na mei magra ne uluni King Ehas balu nogna soldia. Eghuteuna mare hata kmana naiknodi Juda ne tei sosolo Damaskas. Eghuteuna ke leghu, Lord ne kuruni Peka king gna Israel thugna Remalaea. Nogna armi King Peka igne ne aknu falehe kaisei gobi varadaki thogha famane soldia di Juda ka kaisei narane kolho.

Profet Isaia 10:9

Mare uludihi namono Kakemis, Kalno, Apad, Hamat, Damaskas nei Samaria.

Profet Isaia 17:1

Lord neke cheke eghu eigna Damaskas, “Neuba Damaskas ne kaisei namono biꞌo, nu ginauna na kaisei bukrei chara kolho.

Profet Isaia 37:18

“Lord! Tutuani fara king di Asiria te goigonidi kmana naikno ke lamnadi kantri igre.

Fapea Kronikols 16:4

King Ben-Hadad nomhini nogna cheke King Asa igne ne leghuni nogna cheke mana na. Aonu mana ne kurudi hatimare mae komanda balugna nogna armi na ne tei magra ka namono te au ke raru Israel. Eghuteuna mare ne uludi thilo namono Ijon nei Dan, nei Abel-Maem, nei namono te gnafa te mala lilisei glepo ka nohi Naftali.

Profet Isaia 9:10

“Neuba mae naoka gre ne mei paꞌe soru nomi suga ghehati teke horo ka brik igre, nu ghehati ginauna nake horo fapulo suga igre ka thina te maku. Eghuteuna neuba mae naoka igre ne mei hata koko gaju teke sutu haghedi nomi suga ghehati igre, nu ghehati ginauna nake tughu ka khegra majaghani te thofno keli fara.”