Fapea Kings 16:4 - Buka Blahi Ka Cheke Holo

⁴ Eghuteuna king neke fafara nei gahu insens eghu ka mumuju ka nodi vido blahi mae bongihehe ke kligna thogele nei ke pari gaju biꞌo.

Fapea Kings 16:4 ပူးပေါင်းရင်းမြစ်များ

Diutronomi 12:2

Kate ngolhi fajifladi ghotilo naikno teke au ka glose igne na, ghotilo mala goigoni fahui nodi vido blahi te gnafa nodi god mare te au ka thogele nei ka gukhu, nei ke pari gaju.

Ululahu Kings 14:23

Mare horo vido blahi heva heva ke kligna thogele, ba ke pari gaju biꞌo. Mare jaola fakegra haghe thina blahi, ba sari mumuju god gaꞌase Astarot.

Profet Jeremaea 17:2

Ghotilo jaola leghudi fabrahu puhidi vikemi tifa teke pogho soru ka nogna olta mumuju god gaꞌase Asera, ba ke pari gaju blahi, ba ke kligna thogele biꞌo.

Profet Isaia 66:17

Lord ne cheke eghu, “Naikno igre fagaedi thedi mala blahi ka tathagna mumuju, eghuteuna mare kafe jajagha tei ka nodi nagare blahi mumuju igre mala ghamu nafnahi bosu nei nakusi nei keha nafnata gano te theome gae ka tathagu iara na. Nu mare te gnafa na ginauna ari hui theo nafudi.”

Profet Isaia 65:4

Eghuteuna fei bongi na, ghotilo tei ke lamna beku mala cheke ka tharungadi naikno tela lehehi ra mala falalase ka ghotilo unha nate thoke mei ginauna. Eghuteuna ghotilo ima nafnahi bosu, eghuteuna seu kholodi keha nafnata nafnahi te theome keli ka tathagu iara na.

Fapea Kings 14:4

Eghume mana theome paꞌe soru nodi vido mala tarai mae bongihehe re, eghuteuna naiknore fafara nei gahu insens eghu fabrahu ka vido blahi igre.

Nodi Khoje Hatimare Mae Jiu 78:58

Mare fa eꞌei mala diꞌatagna fara God eghu, ka puhi te tarai mare ka keha god delei ka thogele na. Ka puhi te fakegra haghe mare mumuju na igne ngala te thofno diꞌatagna fara God na.

Profet Esikiel 6:13

Kate filodi mare thinidi kheradi te lehe te thuru tafri kolho rhedi mumuju, nei olta, nei ke kligna thogele, nei ke pari gaju blahi, nei ke pari gaju biꞌo, eghu aheva mare teke fafara nei gahu insens ka mumuju teku re. Ka narane tuana, mare ginauna laseni te iara ngala Lord na.

Fapea Kings 12:4

Kaisei fata, King Joas ne cheke eghu ka hatimare mae pris, “Sileni teke fafara naiknore ka nogna Sugablahi Lord igre mala tusu lao ka mana, ghotilo mala tathajiu mala ke babana Sugablahi ana. Sileni teke takis ka sensas, sileni teke famei naiknore te mala fagnafa gna nodi nhaꞌa cheke na, nei sileni teke koko naiknore ka Sugablahi na leghuni unha teke magnahagheni mare na.

Profet Esikiel 43:7

Lord ne cheke eghu, “Maegna ka nauthoglu. Igne nogu sape nafnakno biꞌo iara te mala gnokro jateula king teuna. Iara ginauna au balumi ghotilo naiknomi Israel mala funei fruni fabrahu tifa tifa. Naiknodi balu nodi king, mare neke leghudi god te diꞌa, eghuteuna tarai ka mumuju te theo karha tadi, teke lisei haghe hatimare mae king ka vido blahi ra. Nu mare ginauna theome tangomana na teke lausasaba nanghagu iara te blahi na.