Fapea Kings 16:3 - Buka Blahi Ka Cheke Holo

³ Mana leghudi puhidi mae king di Israel te diꞌa tifa ra. Eghuteuna mana neke gahu thofno thugna na neke fafara ka mumuju. Glepo igne thofno leghuni puhidi naiknodi tifa te thofno diꞌa fara ra, eghuteuna Lord neke khi fajifladi naikno bongihehe igre ka nodi vido glose naiknodi Israel.

Fapea Kings 16:3 ပူးပေါင်းရင်းမြစ်များ

Diutronomi 12:31

Ghotilo thosei leghudi puhidi mare re kate pogho soruni ghotilo Lord nomi God. Naugna kate pogho soru mare ka nodi god re, mare edi glepo te thono diꞌa fara te tirognadi fara Lord. Ghotilo laseni, mare gahu thudire mala fafara ka nodi god re.

Levitikas 18:21

“Blahi ihei ka ghotilo te faleheni thugna na, eghuteuna gahu ka khaꞌaghi te mala fafara ka god Molek, naugna puhi igne goigoni nanghagu iara te blahi nomi Lord God ghotilo.

Fapea Kings 21:2

King igne neke theome keli ka tathagna Lord. Mana leghudi fabrahu puhidi naikno di Israel tifa ra. Naugna igne Lord teke khi fajifladi ka nodi namono naiknodi Israel.

Fapea Kings 21:11

“Mae Manase king gna Juda igne mana edi glepo te thono diꞌa fara igre. Mana edi kmana nakhibo ke tulaodi naiknodi Amo tifa ra, mana fatutuanidi mumuju igre ne batudi naiknodi Juda ka nakhibo.

Fapea Kings 17:17

Mare gahu ka khaꞌaghi thudi nalhaꞌu nei thudi gaꞌase teure mala fafara ka mumuju god. Eghuteuna mare ghusnadi mae iheire te au naitu nhaghe nei mae iheire te fafara te mala lasedi unha lepo nate thoke mei ginauna. Mare ghatho nhetani kolho te mala eni glepo te thono diꞌa fara ka tathagna Lord na, eghume mare fabrana ni fara diꞌatagna mana na.

Profet Esikiel 20:31

Kate snakredi ghotilo te mala fafara lao thumi nalhaꞌure ka mumuju te diꞌa igre na, ghotilo fathona ghami themi fabrahu ka tathagu iara na la ghilei mei thoke ka narane gognarogne. Ghotilo naiknomi Israel ra! Naugna unha si ghotilo te edi koba glepo te diꞌa igrea, ba ghotilo tangomana ghami te mei te hironi gaoghathogu iara na? Iara eni nhaꞌa cheke igne ka nanghagu iara Lord God mae ihei te karha fabrahu tifa te tifa. Iara ginauna theome snakre ghami ghotilo te toreni kaisei glepo ka iara na!’ ”

Profet Esikiel 20:26

Iara lisa laodi mala fathonadi thedi ka tathagu iara na, naugna mare ne fafara thudi teke kulu karhare ka mumuju god. Iara eni igne, mala rhana nodi nei laseni eghu mare iara te Lord na.’

Profet Esikiel 16:47

Iagho hata puhidi repa te thono diꞌa fara are, nu puhimu te gnafa iagho re gognarona raꞌe thono diꞌa fara salaꞌudi repa.

Profet Jeremaea 32:35

Mare horo nogna olta god Baal ka glogu Hinom, eghuteuna mare ne gahu thudi nalhaꞌu nei thudi gaꞌase teure mala fafara ka god Molek. Nu iara neke theome chekedi mare te mala eni puhi igne na. Nafnata puhi te eni mare te thofno diꞌa fara igne mala batudi naiknodi Juda igre mala snoꞌo ka nakhibo, eghuteuna nafnata glepo igne neke theome jifla mei ka gaoghathogu iara.”

Fapea Kronikols 33:6

Mana gahu thugna thegna na ka glogu Ben-Hinom mala fafara ka mumuju god. Mana loku ka kuro, pophoji, khoraphaꞌu, fafara mala laseni unha nate thakle mei, eghuteuna mana tei filodi iheire te tangomana te cheke ka tharungadi naikno tela lehehi ra. Mana edi kmana glepo te thono diꞌa fara ka tathagna Lord, eghume Lord na thono diꞌatagna fara ka unha te edi mana igre.

Fapea Kronikols 33:2

Mae king igne neke edi puhi te diꞌa re ka tathagna Lord na. Mana neke leghudi puhi te diꞌa teke edi naikno bongihehe tifa, iheire Lord teke khi fajifladi ka nodi namono naiknodi Israel.

Fapea Kronikols 22:3

Idogna mana Kuin Atalaea igne neke tusu ranghini mana gaoghatho te mala leghuni puhi te diꞌa na, eghume mae Ahasaea leghuni puhidi vikegna mae Ehab ra,

Fapea Kings 23:10

King ne thofno goigoni fara kaisei vido blahi te mala pogho soru mare na jare ka namono Tofet ka glogu Ben-Hinom mala theome tangomana naiknore te gahu thudi re ka khaꞌaghi te fafara ka god Molek.

Fapea Kings 21:6

Mana gahu neke fafara mae thugna thegna na ka mumuju. Mana loku ka nunughere nei khoraphaꞌu, khaekae, eghuteuna mana tei filodi iheire tangomana te cheke baludi tharungadi iheire tela lehehi. Eghuteuna mana edi kmana glepo te thono diꞌa fara ka tathagna Lord na, aonu Lord ne diꞌatagna fara ka mana.

Fapea Kings 8:18

Nu mae Jehoram ne leghuni puhigna mae king Ehab te diꞌa na baludi keha mae king di Israel tifa ra, naugna mana neke tolaghi ka kaisei thugna gaꞌase King Ehab. Mana eni unha te diꞌa ka tathagna Lord.

Ululahu Kings 14:24

Eghuteuna mae nalhaꞌu nei gaꞌase teu te au ka vido blahi igne mare eni puhi te diꞌa na ka naikno te mei tarai ka mumuju god igre. Neuba Lord neke brue fajifladi naikno te diꞌa puhidi igre ka nodi namono Israel, naiknodi Juda igre ne theome gnafa te leghudi puhidi naikno te thono diꞌa fara tifa ra.

Diutronomi 18:10

Ghotilo thosei snakreni kaisei naikno mala gahu fafara thugna nalhaꞌu ba thugna gaꞌase na. Ghotilo thosei snakreni kaisei naikno mala fafara mala laseni eigna unha nate thoke mei ke leghu na. Ghotilo thosei snakreni kaisei naikno mala loku ka neilehe ba poesen.

Fapea Kings 17:8

eghuteuna mare leghuni nodi kastom iheire Lord teke khi fajifladi ka nodi vido glose naiknodi Israel. Eghuteuna mare leghuni kastom majaghani teke farirhiu hatimare mae king di Israel.

Fapea Kings 17:19

Nu neuba, naiknodi Juda gre jaola theome leghudi nogna vetula Lord nodi God na. Mare leghuni puhi majaghani te mala tarai te fufunu haghe naiknodi Israel igre.

Profet Maeka 6:7

Jame tusu lao kmana thogha sipu tahati ka mana. Ba? Mana ginauna tangomana te glealeꞌa na? Ba jame atha mei kmana oliv oel tahati ka mana. Ba? Mana ginauna tangomana te glealeꞌa na? Jame aknu falehe tahati thuda teke kulu karha re mala tusu lao ka mana. Ba? Fafara tuana tangomana te folidi nakhiboda tahati re? Thono theo fara!

Fapea Kings 17:16

Mare huhughudi nogna vetula Lord nodi God na ne edi phei mumuju buluka, eghuteuna mare jaola neke eni kaisei mumuju gaꞌase Asera. Mare tarai ka nathunu nei loku ranghini god Baal.

Fapea Kings 21:9

Nu naiknodi Juda igre neke theome leghuni Lord, eghuteuna King Manase neke batudi naiknore ka nakhibo te thono diꞌa fara salaꞌudi naikno bongihehe teke goigonidi Lord kani teke hata mei mana naiknodi Israel teke au ka kantri igne.

Profet Isaia 57:5

Kate tarai ghotilo ka nomi god te chaichaghi are na, ghotilo tei eni puhi te diꞌa na baludi goro gaꞌase vine ke pari gaju biꞌo. Ghotilo tei ka gluma thina te au ka geri glogu, eghuteuna ghotilo aknu falehe thumire mala fafara ka nomi mumuju god.