Fapea Kings 16:10 - Buka Blahi Ka Cheke Holo

¹⁰ Kate tei King Ehas Damaskas mala filoni King Tiglat-Pilesa tekuna na, mana ne filoni kaisei olta jare. Aonu mana ne eni kaisei te ikoi jateula olta igne teuna neke hata neke pulo ka mae Pris Uraea Jerusalem.

Fapea Kings 16:10 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 12:2

Thosei lisa lao ghami themi mala leghuni puhigna naikno te diꞌa te au ka nauthoglu igne, nu lisa lao ghami ka God mala tughu mana nakarhamire, kate tusu ari gaoghatho majaghani ka ghotilo na. Ka puhi igne ghotilo ginauna tangomana te filo glanini unha te magnahagheni God na. Eghuteuna eni glepo te keli nei te doglo fabrahu teuna, nei eni glepo te keli tagnadi God.

Profet Isaia 8:2

Iagho kilo meidi phei mae te lalase mala filo ka nangha igne mala tangomana phiamare teke toutonu ka naiknore. Phei mae igre, mae pris Uraea ghe mae Sekaraea thugna mae Jeberekaea.

Ululahu Pita 1:18

Ghotilo laseni igne, tifa na ghotilo neke au ka nakarha te theo nafugna. Ghotilo neke hata u nafnata nakarha te diꞌa igne leghudi mae ku'emi tifa ra. Nu God neke fakarhi ghami ghotilo. Mana neke foli fapulo ghami ghotilo eidi nakarha te diꞌa teke edi ghotilo re. Mana neke theome foli fapulo ghami ka glepo tangomana te boto, jateula silva ba gol.

Matiu 15:9

Pogho soru te edi mare ka iara igre theo nafudi, naugna mare farirhiudi naiknore mala leghudi kolho nodi vetula teke horo haghe thedire.’ ”

Matiu 15:6

Ghotilo farirhiuni naikno tuana mala thosei toghodi idogna kmagnare. Eghume, te leghuni ghotilo nomi kastom themi tuana, ghotilo theome ghatho tahuni kolho chekegna God na.

Profet Esikiel 43:11

Jame thofno mamaja eidi puhi te diꞌa te gnafa teke edi mare meuna, iagho ginauna cheke ranghidi eidi gobigna lepo teke ghathodi malagna Sugablahi igne teku ra, grengatha mala ruma mei, nei grengatha te mala jifla kosi, nei fafajadi re, nei vido mala lilisei glepo tagna teura. Eghuteuna iagho jaola mala toutonu ranghidi u vetula eigna te mala tarai jare na, aonu iagho rioriso soru gobigna lepo igre, mala tangomana mare te lasedi nei leghudi teu vetula igre.

Profet Esikiel 43:8

Tifa na, mae king igre neke lilisei grengathadi nodi suga re, namo fara rhegna grengatha gna nogu suga iara na. Kaisei gringni kolho te au farihotei te fotadi mare ka iara na. Nodi puhi te diꞌa mare igne fadidiꞌa nanghagu iara te blahi na. Eghume iara neke goigonidi mare, naugna iara neke diꞌatagu fara ka mare.

Profet Jeremaea 10:2

Lord ne cheke eghu, “Thosei leghuni puhidi naiknodi keha kantri are. Eigna mare tangomana te filodi thua nafnata fagaglana te thakle mei ka maloa. Nu neuba mare ne mhaghudi fagaglana tuare, ghotilo thosei mhaghudi.

Nodi Khoje Hatimare Mae Jiu 106:39

Uve, ka puhi igne na mare fathonadi fara thedi ka tathagna God na, nei figri tagruni nei theome leghuni eghu nogna nhaꞌa cheke mana na.

Ululahu Kronikols 28:19

Mae Devet ne cheke eghu ka mae Solomon, “Gobigna lepo igre au ke lamnagna gaoghatho teke riso soru iara kani teke au ka iara nogna nolaghi Lord. Lord neke tusu mei glalase ka iara eidi glepo te ikodi te au ka gaoghatho igne.”

Fapea Kings 15:29

Ka narane tuare, King Tiglat-Pilesa gna Asiria mei ne magra Israel. Mana uluni magra igne ne hata namono igre: Ijon, Abel-Bet-Maka, Janoa, Kedes, Haso. Mana jaola ne uludi namono te au ka thilo nohi Gilead, Galili nei ka nohi Naftali, eghuteuna mana hata naiknore ne tei Asiria.

Eksodas 39:43

Aonu, Moses ne filo ka nodi gloku mare igre, eghuteuna kate filo fakeli mana ka gobigna lepo te edi mare igre, mare thofno edi glepo igre leghuni unha teke chekedi Lord ka Moses. Aonu Moses ne fablahidi mare.

Eksodas 24:4

Mae Moses ne rioriso soru ka kaisei buka nogna vetula Lord igre. Hamerane boibongi ka keha narane na, mae Moses neke soru ka naikno te au teu ka pesigna thogele na ne babana kaisei olta mala fafara. Mana ne fakegra haghe nabotho phei thina rhegna olta na ranghidi nabotho phei vikegna Israel.

Fapea Kings 16:11

Aonu mae Uraea ne horo kaisei te jateula te magnahagheni king na teuna, eghuteuna kate horo te gnafa olta igne, neke pulo meigna King Ehas.

Fapea Kings 21:4

Mana horo olta ka phei philegna nogna Sugablahi Lord na mala pogho soru ka nathunu. Nu Lord neke cheke eghu, “Nogu Sugablahi iara Jerusalem igne mala pogho soruni kolho Nanghagu iara na.”

Profet Esikiel 16:28

Iagho tapla jafra fabrahu koba baludi mae nalhaꞌu igre, nu iagho theome haimidi kolho jateula te theome totokhei teura eghu kolho ka iagho. Eghume, iagho theome gnafa te leghudi tafri mae nalhaꞌudi Asiria. Mae igre thuru balumu iagho koba, nu iagho haimini jateula te theome naba nga teura eghu ka iagho.

Profet Esikiel 44:12

Nu naugna mare ne batudi naiknodi Israel te tei koko ghau iara ne tei fameomekro, eghuteuna mare tarai ka mumuju, eghuteuna batudi ka nakhibo teu igre, iara nhaꞌa cheke, iara ginauna thofno paradi fara mare.

Josua 22:28

“Gaoghathomi ghehati re igne, jame vikemi ghotilo re cheke eghu, ‘Filoni igne si ghotilo! Kuꞌemi ghehati tifa ra neke eni nogna olta Lord igne. Nu igne kaisei tuthuana kolho mala jaola laseni ghehati nogna naikno Lord ra te olta igne theome mala gahu fafara tagna.’ Uve, ghotilo tangomana te chekeni tuana na.