Fapea Kings 15:4 - Buka Blahi Ka Cheke Holo

⁴ Neubane eghu ngau, mana theome lhotidi naiknore te tei tarai ka keha vido blahi are, eghuteuna naiknore tei fafara nei gahu insens eghu fabrahu ka nodi vido blahi mala fafara mae bongihehe.

Fapea Kings 15:4 ပူးပေါင်းရင်းမြစ်များ

Fapea Kronikols 34:3

Ka fahana finogha Josia te king kate mae sitei fara nga teuna, mana ne funu tarai ka nogna God kuꞌegna King Devet. Eghuteuna ka fabotho phei finogha na, mana ne funu fagagae Jerusalem ghe Juda mala klino ka tathagna Lord. Mana ne goigoni fahui nodi vido blahi mae bongihehe re, nei hata koko mumuju gna god gaꞌase Asera nei keha mumuju langau eghu.

Fapea Kronikols 32:12

Mana thegna si teke paꞌe sorudi vido blahi nei nogna olta Lord God igne, eghuteuna mana cheke ghami ghotilo mala tarai nei gahu fafara eghu ka kaisei god ngala Jerusalem.

Fapea Kronikols 17:6

Jehosafat ne ghaoghatho heta fabrahu te mala leghuni puhigna Lord. Eghuteuna mana ne tei tongana ka kantri Juda ne rorhoꞌe ne hui nodi vido mala tarai ka mumuju god, eghuteuna mana kato soru ne gnafa mumuju gna gaꞌase god Asera.

Fapea Kings 18:4

Mana paꞌe nodi Sugablahi te mala tarai mare ka mumuju na, eghuteuna rofo soru nodi thina te brahu fara na, eghuteuna kato soru mumuju gna gaꞌase Asera na. Eghuteuna mana jaola kina ruaruja mogo teke eni mae Moses ka bras tifa igne. Mogo igne mare kiloni, “Nehustan, ba mogo neke horo ka bras.” Mana eni igne naugna naiknore tei neke gahu insens koba ka mumuju gna mogo na.

Fapea Kings 15:35

Nu vido blahi te mala tarai mae bongihehe ka nodi god re au ngala, eghuteuna naiknore fafara nei gahu insens eghu fabrahu ngala jare. Aonu mae Jotam neke babana fakeli grengatha ke raru gna nogna Sugablahi Lord na.

Fapea Kings 14:4

Eghume mana theome paꞌe soru nodi vido mala tarai mae bongihehe re, eghuteuna naiknore fafara nei gahu insens eghu fabrahu ka vido blahi igre.

Fapea Kings 12:3

Neuba, mana neke theome goigoni nodi vido mala tarai mae bongihehe igre, naugna igne, naiknore ne theome gnafa te fafara nei gahu insens teu jare na.

Ululahu Kings 22:43

King igne mana ne eni unha te doglo ka tathagna Lord na, jateula King Asa mae kmagna tifa ia neu. Nu mana theome paꞌe soru nodi vido blahi mae bongihehe te au ke kligna thogele re, eghuteuna naiknore theome gnafa te fafara nei gahu insens teu jare na.

Ululahu Kings 15:14

Neuba mana ne theome paꞌe soru nodi vido blahi keha god re, nu ka nagnafagna na mana thofno ghatho tahuni fabrahu Lord ka nakarhagna na.

Fapea Kings 15:3

Mae Asaraea ne leghuni puhigna mae kmagna na ne edi glepo te doglo ka tathagna Lord.

Fapea Kings 15:34

King Jotam neke jateula teke edi mae kmagna ra neku neke edi glepo te theome doglo ka tathagna Lord.

Fapea Kings 12:4

Kaisei fata, King Joas ne cheke eghu ka hatimare mae pris, “Sileni teke fafara naiknore ka nogna Sugablahi Lord igre mala tusu lao ka mana, ghotilo mala tathajiu mala ke babana Sugablahi ana. Sileni teke takis ka sensas, sileni teke famei naiknore te mala fagnafa gna nodi nhaꞌa cheke na, nei sileni teke koko naiknore ka Sugablahi na leghuni unha teke magnahagheni mare na.