Fapea Kings 15:30 - Buka Blahi Ka Cheke Holo

³⁰ Ka varadaki finogha te king mae Jotam thugna King Asaraea Juda igre, mae Hosea thugna mae Ela igne ne ghaoghatho mala aknu faleheni King Peka. Aonu mae Hosea mei ne magra ne aknu faleheni mae Peka. Aonu mae Hosea neke king tughuni mana.

Fapea Kings 15:30 ပူးပေါင်းရင်းမြစ်များ

Fapea Kings 17:1

Ka nabotho phei finogha mae Ehas te king Juda igre, mae Hosea thugna mae Ela ne king Israel. Mana neke king ka namono biꞌo Samaria nheva finogha.

Profet Hosia 10:15

Ghotilo naikno te au ka namono Betel: Ghotilo edi kmana puhi te diꞌa, eghuteuna kaisei glepo te thofno diꞌa fara na ginauna mei ka ghotilo. Ka narane igne, hamerane boibongi kate haghegna naprai na mae naokare ginauna aknu falehe king gna Israel.”

Profet Hosia 10:7

Mare ginauna hata king gna Israel igne tei delei mala dofini jateula khoilo te elo te tei delei te dofini ra eghu.

Profet Hosia 10:3

Aonu mare ginauna na cheke eghu, “Tahati theome leghuni nogna cheke Lord, eghuteuna mana gognaro na theome vavahi ranghi ghita kaisei king. Nu jame neuba, God ginauna vavahi ranghi ghita kaisei king mala togho ghita. Mana ginauna na theome eni kolho ranghi ghita kaisei glepo te keli. Thono theo fara!”

Profet Isaia 8:6

“Filo sagho! Naikno igre theome magnahaghei ghau iara. Nu iara jateula khoꞌu gna Siloa te famane loloro ia eghu. Mare theome magnahagheni puhigu iara na, naugna mare keli tadi fara ka mae King Resin gna Damaskas ghe mae King Peka gna Samaria.

Fapea Kronikols 28:16

Ke leghu, armi gna Idom mei ne magra ka naiknodi Juda. Mare ne hata kmana naikno, ne hata ne tei. Aonu Ehas king gna Juda ne toreni King Tiglat-Pilesa gna Asiria mala toghoni.

Fapea Kings 16:1

Ka nabotho fitu finogha King Peka thugna mae Remalaea te king Israel igre, mae Ehas thugna King Jotam igne neke king Juda.

Fapea Kings 15:25

Kaisei mae komanda ka nogna armi mae Peka, thugna mae Remalaea, mana ne ghaoghatho mala aknu faleheni King Pekahaea. Aonu mae Peka ne hata glimafulu maedi Gilead, eghuteuna mare mei ne aknu faleheni King Pekahaea ka vido mala poru ke lamnagna suga biꞌo mae king na jare Samaria. Eghuteuna mare jaola ne falehedi mae Agob ghe mae Arie. Aonu mae Peka neke king tughuni mana.

Fapea Kings 15:10

Mae Salum, thugna mae Jabes, mana neke ghaoghatho mala faleheni King Sekaraea, aonu mana ne aknu faleheni mana Ibleam, aonu mana neke king tughuni mana.

Fapea Kings 15:29

Ka narane tuare, King Tiglat-Pilesa gna Asiria mei ne magra Israel. Mana uluni magra igne ne hata namono igre: Ijon, Abel-Bet-Maka, Janoa, Kedes, Haso. Mana jaola ne uludi namono te au ka thilo nohi Gilead, Galili nei ka nohi Naftali, eghuteuna mana hata naiknore ne tei Asiria.

Fapea Kings 15:31

Keha glepo teke edi King Peka re mare neke rioriso soru ka Buka Eidi Glepo Teke Edi Hatimare Mae King Di Israel.

Profet Isaia 7:16

King Ehas, iagho gognarona mhaghudi phei king te au ka kantri Israel ghe Aram. Nu te chekeni iara ka iagho na, ame laseni nga mae sua nalhaꞌu na puhi te keli na, nei puhi te diꞌa na teuna, phei mae king te mhaghudi iagho igre ginauna kafe lehe.