Fapea Kings 15:20 - Buka Blahi Ka Cheke Holo

²⁰ Mae Menahem huhurudi mae te dedei di Israel igre mala tusu lao sileni ka mana mala folini King Tiglat-Pilesa. Mare te gnafa na ne sopa falao namno gobi gram silva. Eghuteuna King Tiglat-Pilesa hata sileni igne neke pulo ka nogna kantri na.

Fapea Kings 15:20 ပူးပေါင်းရင်းမြစ်များ

Thoutonu Eigna Mae Job 1:3

Mana au nogna fitu thogha sipu, nei thilo thogha kamel, nei kaisei thogha buluka, nei glima gobi dongki. Eghuteuna mana au nogna kmana mae gloku. Eghuteuna mana kaisei mae dedei fara salaꞌudi mae te gnafa ka rijon ke maghati.

Fapea Kings 23:35

King Jehoiakim huhurudi naiknodi Juda re mala foli takis ka mana, mala tangomana mana te au sileni te mala folini Neko king gna Ijep. Naiknore ne foli takis leghuni unha te chekeni mana na.

Fapea Kings 15:29

Ka narane tuare, King Tiglat-Pilesa gna Asiria mei ne magra Israel. Mana uluni magra igne ne hata namono igre: Ijon, Abel-Bet-Maka, Janoa, Kedes, Haso. Mana jaola ne uludi namono te au ka thilo nohi Gilead, Galili nei ka nohi Naftali, eghuteuna mana hata naiknore ne tei Asiria.

Fapea Samuel 19:32

Mae Basilae gne thono kuekuꞌe fara, mana nhana salei finogha funu karhagna. Mana kaisei mae dedei fara. Kani au teku mae Devet ka namono Mahanaem igne na, mana hata gano mei koba ka mae Devet.

Thoutonu Eigna Rut 2:1

Mae Boas gne khetogna Naomi. Mana kaisei mae dedei nei mana jaola kaisei mae biꞌo eghu ka namono tuana.

Fapea Kings 15:19

Ka narane tuare, King Pul gna Asiria ne mei Israel mala magra ka mare. Nu King Menahem ne tusu lao tolufulu fati thogha kilo silva ka King Pul, keha nanghagna mana na, mae Tiglat-Pilesa, mala snakreni mae Menahem te mala funei fruni di naiknodi Israel.

Fapea Kings 15:21

Keha glepo teke edi King Menahem re mare neke rioriso soru ka Buka Eidi Glepo Teke Edi Hatimare mae King Di Israel.