Fapea Kings 15:19 - Buka Blahi Ka Cheke Holo

¹⁹ Ka narane tuare, King Pul gna Asiria ne mei Israel mala magra ka mare. Nu King Menahem ne tusu lao tolufulu fati thogha kilo silva ka King Pul, keha nanghagna mana na, mae Tiglat-Pilesa, mala snakreni mae Menahem te mala funei fruni di naiknodi Israel.

Fapea Kings 15:19 ပူးပေါင်းရင်းမြစ်များ

Fapea Kings 14:5

Kate funei fruni King Amasaea Juda na, mana ne aknu falehedi phei mae biꞌo teke aknu faleheni mae kmagna na.

Fapea Kings 18:16

Mana jaola ne hata koko gol ka grengatha gna Sugablahi na, baludi gol teke nhaꞌa lao thegna ka khegra re, ne fatei ka King Senakerib.

Profet Hosia 10:6

Maedi Asiria igre ginauna hata mumuju gol igne mala namha ka nodi king biꞌo na. Eghuteuna nanghagna Israel ginauna na thofno diꞌa parilahu, eghuteuna mare ginauna na mamaja nodi fara, eigna mare ne thofno fatutuani ni mumuju igne.

Profet Jeremaea 17:5

Lord ne cheke eghu, “Ihei te figri tagru ghau iara, nu rouronu kolho ka nogna nolaghi naikno te mala fakarhini na teuna, iara ginauna fateni naikno tuana mala thokeni hoholo biꞌo.

Profet Isaia 9:1

Neuba, namono te autagna puhi biꞌo igne, gromno na ginauna theome au fabrahu tagna. Tifa na, Lord neke eni vikegna Sebulun, nei vikegna Naftali teu igre ginauna au mamaja. Eghuteuna nanghagna nodi namono na ginauna thono diꞌa fara. Nu ka narane nate mei ginauna, Lord ginauna fafnaknoni nanghagna namono igne. Mare kiloni namono igne Galili, kmana naikno te theome Jiu na au tagna. Funu ka Thongna biꞌo Mediterenian tei posa ka keha philegna Khoꞌu biꞌo Jordan.

Fapea Kings 12:18

Nu kate nomhini King Joas igne, mana tei ka nogna Sugablahi Lord na ne hata fajifla gobigna lepo te keli fara teke fafara King Jehosafat, nei King Joram nei King Ahasaea, thilo mae kuꞌegna mana neke fablahidi glepo igre. Mana hata fajifla glepo igre ne lilisei baludi nogna glepo thegna re. Eghuteuna mana jaola ne hata fajifla gol te gnafa teke nanhaꞌa naiknore ka Sugablahi igne, nei gol teke au ka nogna suga na. Aonu mana ne fatei glepo igre ka mae Hasael king gna Siria. Aonu king baludi nogna soldia re figri neke pulo ne theome mei Jerusalem.

Profet Hosia 5:13

“Kate laseni mae Israel igre te jateula te kegra fogra teu te glaꞌe fara thedi na, mare ginauna nake figri nake tei toreni king biꞌo gna Asiria mala mei toghodi. Nu king igne ginauna na theome tangomana nate fakelini fogra biꞌo te thokedi mare igne. Eghuteuna kate filoni mae Juda igre puhi te jateula thubu biꞌo teu te paradi mare igne, mare na jaola figri mala tei toreni king biꞌo gna Asiria mala mei toghodi. Nu king igne ginauna theome tangomana nate famafoni thubu biꞌo te thokedi mare igne.

Fapea Kings 15:18

Nu mana jaola neke theome keli ka tathagna Lord. Naugna ka narane te king mana te ghilei thokeni narane glehe gna na, mana leghuni puhigna King Jeroboam, thugna mae Nebat te diꞌa fara tifa ia, eigna mana neke batudi naiknodi Israel re ka nakhibo.

Fapea Kings 15:20

Mae Menahem huhurudi mae te dedei di Israel igre mala tusu lao sileni ka mana mala folini King Tiglat-Pilesa. Mare te gnafa na ne sopa falao namno gobi gram silva. Eghuteuna King Tiglat-Pilesa hata sileni igne neke pulo ka nogna kantri na.

Fapea Kings 15:29

Ka narane tuare, King Tiglat-Pilesa gna Asiria mei ne magra Israel. Mana uluni magra igne ne hata namono igre: Ijon, Abel-Bet-Maka, Janoa, Kedes, Haso. Mana jaola ne uludi namono te au ka thilo nohi Gilead, Galili nei ka nohi Naftali, eghuteuna mana hata naiknore ne tei Asiria.

Nehemaea 9:32

“Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Nodi Khoje Hatimare Mae Jiu 83:8

Eghuteuna naiknodi Asiria gre jaola neke loku fodu baludi mare, naugna mare kaisei phile ka vikegna mae Amon nei naiknodi Moab iheire teke vikegna mae Lot.

Profet Jeremaea 50:17

Lord ne cheke eghu, “Naiknodi Israel igre jateula sipu te ngolhi tafridi lion ra eghu. King gna Asiria teke kulu goigonidi mare na jateula lion te ghamudi sipu ra teku. Eghuteuna King Nebukadnesa gna Babilonia igne mae leghu lahu teke kina ngujadi mare jateula lion te kathu nguanguja nhubra sipu ra neku.”

Profet Esikiel 23:5

“Neuba Ohola ne khetogu iara, nu naꞌa tei koba baludi mae nalhaꞌudi Asiria, mae iheire te magnahaghedi fara naꞌare.