Fapea Kings 15:12 - Buka Blahi Ka Cheke Holo

¹² Aonu nhaꞌa cheke teke cheke eghu Lord ka King Jehu tifa igne ne thoke mei tutuani, “Vikemu iagho te sukha ka fati phagusu igre ginauna mala king Israel.”

Fapea Kings 15:12 ပူးပေါင်းရင်းမြစ်များ

Fapea Kings 10:30

Lord ne cheke eghu ka mae Jehu, “Iagho la edihi gobigna lepo teke magnahaghedi iara ka vikegna mae King Ehab ra. Eghume, iara nhaꞌa cheke ka iagho, fati mae ka vikemu iagho gre tei thoke ka fafati phagusu na ginauna kegra King Israel.”

Mae Khuru 1:16

“Uve, kheraguro, u cheke teke chekeni mae Tharunga te Blahi ka mae Devet eigna mae Judas tifa ia la horoghotohi gognaro na. Naugna mae Judas gne neke baubatudi mae iheire teke tei lokini mae Jisas ia.

Jone 19:24

Mae soldiare ne cheke eghu fari thedi, “Tahati jame neke theome tufa phoko igne. Nu tahati jame neke lalahu khale mala laseni mae ihei nate atha na.” Cheke igre ne horoghoto kau gaoghathogna unha teke risoni kaisei mae profet tifa, “Mare ne tufa nogu pohe iara na farihoteidi thedi nei lalahu khale nogu phoko iara na.” Eghume, hatimare mae soldiare neke eni igne.

Jone 10:35

Tahati laseni unha te chekeni ka grioriso te blahi na tutuani fabrahu. God kilodi naikno te toutonuni chekegna mana tuare jateula thegna God eghu.

Nonomho Te Keli Teke Risoi Mae Mak 13:31

Maloa ghe nauthoglu gre ginauna na hui kolho, nu chekegu iara na ginauna na theo ka huigna.”

Profet Sekaraea 1:6

Nu gobigna lepo teke cheke lao iara ka nogu mae profet tifa, mala cheke ka kuꞌemi ghotilo tekura, mare neke tirodi fanomho ka nodi cheke mare igre. Eghuteuna ka puhi igne, iara neke paradi mae kuꞌemi ghotilo ra. “Aonu mare lilisei puhidi mare te diꞌa igre, eghuteuna neke cheke eghu, Lord mae ihei te au nolaghi fateote'o igne, mana doglo kolho te para ghita tahati eidi puhida tahati te diꞌa re. Glepo igre, mana neke ghathodihi mala thoke mei tekuna, eghuteuna glepo igre la thoke meihi ne horoghoto ka unha teke chekeni mana na.”

Fapea Kings 14:29

Kate lehe mae Jeroboam na, mare ne giugiluni mana ka bekudi mae kuꞌegna re, eghuteuna thugna mana, mae Sekaraea gne neke king tughuni mana.

Fapea Kings 13:13

Kate lehe mana na, mare ne giugiluni mana ka namono biꞌo Samaria ka bekudi kuꞌegna re, eghuteuna thugna mana, mae Jeroboam gne neke king tughuni mana.

Fapea Kings 13:10

Ka tolufulu fitu finogha te funei fruni King Joas Juda igre, mae Jehoas, thugna King Jehoahas igne neke king Israel. Mana neke king ka namono biꞌo Samaria nabotho namno finogha.

Fapea Kings 13:1

Ka varadaki thilo finogha te funei fruni mae Joas thugna mae King Ahasaea igre, King Jehoahas thugna mae King Jehu ne king Israel. Mana neke king ka namono biꞌo Samaria nabotho fitu finogha.

Naba 23:19

God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Fapea Kings 10:10

Ghotilo laseni, gobigna lepo teke chekedi Lord eidi vikegna mae Ehab ra la thoke mei tutuani. Lord neke eni unha teke nhaꞌa chekeni mana tifa ka nogna profet Elija.”

Fapea Kings 15:11

Keha glepo teke edi mae King Sekaraea re, mare neke rioriso soru ka Buka Eidi Glepo Teke Edi Hatimare Mae King Di Israel.

Ululahu Samuel 3:19

Kate mae biꞌohi mae Samuel na, Lord ne au balugna mana fabrahu. Eghuteuna mana ne edi fabrahu gobigna lepo teke chekedi mae Samuel nate thoke mei tutuani.