Fapea Kings 15:10 - Buka Blahi Ka Cheke Holo

¹⁰ Mae Salum, thugna mae Jabes, mana neke ghaoghatho mala faleheni King Sekaraea, aonu mana ne aknu faleheni mana Ibleam, aonu mana neke king tughuni mana.

Fapea Kings 15:10 ပူးပေါင်းရင်းမြစ်များ

Profet Emos 7:9

“Iara ginauna goigoni vido te mala tarai naiknodi Israel. Eghuteuna iara ginauna aknu falehe gnafa naikno te karha mei ka vikegna King Jeroboam.”

Fapea Kings 15:30

Ka varadaki finogha te king mae Jotam thugna King Asaraea Juda igre, mae Hosea thugna mae Ela igne ne ghaoghatho mala aknu faleheni King Peka. Aonu mae Hosea mei ne magra ne aknu faleheni mae Peka. Aonu mae Hosea neke king tughuni mana.

Fapea Kings 15:25

Kaisei mae komanda ka nogna armi mae Peka, thugna mae Remalaea, mana ne ghaoghatho mala aknu faleheni King Pekahaea. Aonu mae Peka ne hata glimafulu maedi Gilead, eghuteuna mare mei ne aknu faleheni King Pekahaea ka vido mala poru ke lamnagna suga biꞌo mae king na jare Samaria. Eghuteuna mare jaola ne falehedi mae Agob ghe mae Arie. Aonu mae Peka neke king tughuni mana.

Fapea Kings 15:14

Ka narane tuare, mae Menahem thugna mae Gadi igne jifla Tiasa ne mei Samaria, eghuteuna mana ne aknu faleheni mae King Salum neke king thegna tughuni mana.

Fapea Kings 9:31

Kate ruma mei mae Jehu ka grengatha gna namono na, Jesebel ne eha eghu ka mana, “Iagho jateula mae Simri eghu! Iagho mae mala faleheni nou funei na! Naugna unha site mei iagho agne gnea? Iara lase nigho iagho theome magnahaghei te au ka pharikeli!”

Fapea Kings 9:24

Eghuteuna mae Jehu hata nogna phaloho na ne fadi leghuni mae King Joram. Eghuteuna jata te fada mana igne tei ne kahi farihoteidi phei khekleghogna mae King Joram re ne tei suplu ka nagnafagna mana na. Eghuteuna mana khoko soru ke lamna chariot ne lehe.

Ululahu Kings 15:28

Puhi igne ne thoke mei ka fatilo finogha gna mae Asa king gna Juda.

Fapea Kings 15:9

Mae Sekaraea jateula mae kuꞌegna tifa ra neu ne edila unha te theome doglo ka tathagna Lord. Mana ne leghuni puhigna King Jeroboam thugna mae Nebat te diꞌa ia, eigna mana tifa na neke batudi naiknodi Israel re ka nakhibo.

Fapea Kings 15:11

Keha glepo teke edi mae King Sekaraea re, mare neke rioriso soru ka Buka Eidi Glepo Teke Edi Hatimare Mae King Di Israel.

Fapea Kings 14:19

Keha mae jare Jerusalem ghaoghaho mala faleheni King Amasaea, nu mana rikha ne tei Lakis. Nu mare ne kurudi keha mae ne tei ke leghugna mana ne aknu faleheni mana ka namono igne.

Fapea Kings 15:22

Eghuteuna kate lehe mana na, mare ne giugiluni mana ka bekudi mae kuꞌegna ra, eghuteuna mae Pekahaea thugna mana igne neke king tughuni mana.

Profet Hosia 7:7

Kate diꞌatadi te salaꞌui na, mare ne falehedi ne gnafa nogna tothoghei funei king igre, nu theo ihei nga te mei te tore ghau iara te mala tei toghodi na.”

Profet Hosia 8:4

Nogu naikno iara igre vavahi nodi king nei mae mala baubatu eghu thedi, nei jaola hohoro nodi mumuju god thedi ka silva nei ka gol. Eghuteuna iara ginauna na roꞌe fahuidi naikno igre.