Fapea Kings 14:3 - Buka Blahi Ka Cheke Holo

³ Mae Amasaea ne keli ka tathagna Lord na. Nu mana theome jateula King Devet, kuꞌegna mana tifa ia neu. Mana edi kolho unha teke edi mae Joas, mae kmagna na.

Fapea Kings 14:3 ပူးပေါင်းရင်းမြစ်များ

Ululahu Pita 1:18

Ghotilo laseni igne, tifa na ghotilo neke au ka nakarha te theo nafugna. Ghotilo neke hata u nafnata nakarha te diꞌa igne leghudi mae ku'emi tifa ra. Nu God neke fakarhi ghami ghotilo. Mana neke foli fapulo ghami ghotilo eidi nakarha te diꞌa teke edi ghotilo re. Mana neke theome foli fapulo ghami ka glepo tangomana te boto, jateula silva ba gol.

Profet Jeremaea 16:19

Lord, iagho jateula nogu vido te keli mala poru eghu iara. Kate thoke mei hoholo biꞌo ka iara na, iagho reireghi ghau nei tusu ranghi ghau nolaghi. Naikno ka vido te gnafa ka nauthoglu igne ginauna mei cheke eghu ka iagho, “Kuꞌemi ghehati tifa ra neke pogho soru kolho ka tharumaꞌei mumuju te theome toghodi mare.

Fapea Kronikols 24:17

Ke leghugna te lehe Pris Jehoada igne, goro mae biꞌodi Juda igre mei ne pogho soru ne cheke fafnaknoni King Joas. Mana ne fanomho ka nodi cheke mare re.

Fapea Kronikols 24:2

Kani karha teku Pris Jehoada na, mae Joas ne eni unha te doglo ka tathagna Lord.

Fapea Kings 12:2

King Joas ne au doglo ka tathagna Lord na, naugna mae pris Jehoeada neke farirhiuni mana.

Ululahu Kings 15:3

King Abaeja leghuni puhigna kmagna te diꞌa na. Mana theome ghatho tahuni Lord, nogna God na, jateula teke eni kuꞌegna King Devet tifa ia neku.

Ululahu Kings 11:4

Kate kueku'e mana na, khetogna mana igre batuni gaoghathogna mana na mala tarai ka mumuju god. Gaoghathogna mana na theome ghatho tahuni Lord, nogna God na. Mana ne theome jateula King Devet, mae kmagna teke ghatho tahuni Lord.

Fapea Kings 14:2

Ka narane tuare, mana varadaki glima finogha gnahi, eghuteuna mana king Jerusalem varadaki nheva finogha. Idogna mana na thaugna Jerusalem, nanghagna na Jehoadin.

Fapea Kings 14:4

Eghume mana theome paꞌe soru nodi vido mala tarai mae bongihehe re, eghuteuna naiknore fafara nei gahu insens eghu fabrahu ka vido blahi igre.

Ululahu Kings 3:3

Neuba mae Solomon ne namhani Lord ne leghudi cheke te gnafa teke farirhiuni mae kmagna na. Nu mana jaola neke fafara nei gahu insens neku ka keha vido blahi ke kligna thogele.

Ululahu Kings 15:11

King Asa ne eni unha te doglo ka tathagna Lord na, jateula teke eni King Devet kuꞌegna mana tifa ia neku.

Fapea Kings 18:3

Mana leghuni puhigna mae kuꞌegna King Devet ne edi glepo te doglo ka tathagna Lord na.

Fapea Kings 22:2

Mae Josia neke eni unha te doglo ka tathagna Lord na, eghuteuna mana neke leghuni fabrahu puhigna King Devet, mae kuꞌegna tifa ia, eghuteuna mana neke theome figri lao fei nheta ba fei maeri, nu mana neke eni kolho unha te doglo na.