Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Fapea Kings 14:23 - Buka Blahi Ka Cheke Holo

23 Ka nabotho glima finogha mae Amasaea te king Juda igre, mae Jeroboam thugna King Jehoas igne jaola ne king Israel. Mana ne king ka namono biꞌo Samaria phiatutu kaisei finogha.

အခန်းကိုကြည့်ပါ။ ကော်ပီ




Fapea Kings 14:23
13 ပူးပေါင်းရင်းမြစ်များ  

Cheke igre neke cheke thegna Lord ka profet Emos. Mae Emos gne kaisei mae au nogna kmana sipu, ka namono Tekoa ka kantri Juda. Mana neke chekedi cheke igre ke lamnadi phei finogha neke thoke mei nga nakheu biꞌo na ka mare. Ka narane igre, king Iusaea neke funei Juda, nei king Jeroboam thugna mae Jehoas neke King Israel.


God ne cheke lao cheke igne ka mae Hosia, thugna mae Beri ka finogha te king mae Iusaea, nei mae Jotam, nei mae Ahas, nei mae Hesekaea ka kantri Juda. Ka finogha igre mae Jeroboam thugna mae Jehoas ne jaola ne king Israel.


Neke theome nogna gaoghatho Lord te mala thofno roꞌeni Israel na, nu mana neke cheke ka nagnafagna King Jeroboam, thugna mae Jehoas, mala fakarhidi mare.


Ka narane ke leghu gna te lehe King Amasaea igre, King Asaraea tei ne magra Elat, eghuteuna mana neke hata fapulo namono igne neke babana fapulo.


Mae Jeroboam theome keli ka tathagna Lord na, naugna mana ne leghuni puhigna King Jeroboam, thugna mae Nebat tifa ia, eigna mana neke batudi naiknodi Israel re ka nakhibo.


Lord ne cheke eghu ka mae Jehu, “Iagho la edihi gobigna lepo teke magnahaghedi iara ka vikegna mae King Ehab ra. Eghume, iara nhaꞌa cheke ka iagho, fati mae ka vikemu iagho gre tei thoke ka fafati phagusu na ginauna kegra King Israel.”


Kate lehe mana na, mare ne giugiluni mana ka namono biꞌo Samaria ka bekudi kuꞌegna re, eghuteuna thugna mana, mae Jeroboam gne neke king tughuni mana.


Ka fapea finogha te king mae Jehoas Israel igre, mae Amasaea thugna King Joas igne ne king Juda.


Keha glepo teke edi mae King Jehoas, baludi glepo te biꞌo teke edi mana kani teke magra ka King Amasaea igre, mare neke rioriso soru ka Buka Eidi Glepo Teke Edi Hatimare Mae King Di Israel.


Eghuteuna kate lehe mae King Jehoas na, mare ne giugilu thini gna mana na Samaria, ka bekudi kuꞌegna re, eghuteuna thugna mana, mae Jeroboam neke king tughuni mana Israel.


Ka varadaki fitu finogha te king fapea Jeroboam Israel igre, mae Asaraea thugna King Amasaea ne king Juda.


Mare neke rioriso sukha nanghadi vikegna mae Gad igre ka buka susurei na ka narane te king mae Jotam Juda, eghuteuna mae Jeroboam king gna Israel.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ