Fapea Kings 14:19 - Buka Blahi Ka Cheke Holo

¹⁹ Keha mae jare Jerusalem ghaoghaho mala faleheni King Amasaea, nu mana rikha ne tei Lakis. Nu mare ne kurudi keha mae ne tei ke leghugna mana ne aknu faleheni mana ka namono igne.

Fapea Kings 14:19 ပူးပေါင်းရင်းမြစ်များ

Josua 10:31

Ke leghugna igne, mae Josua balugna nogna armi na jifla Libna ne tei Lakis. Mare bara faligohoni namono igne ne magri hati namono igne.

Profet Maeka 1:13

Ghotilo iheire te au Lakis! Ghotilo haru famaku nomi hose are tei ka chariot mala rikha. Ghotilo kaisei namono biꞌo ululahu Juda, ghotilo leghudi puhi te diꞌa te edi naiknodi Israel ke raru, nei jaola batudi naiknodi Jerusalem ka nakhibo.

Fapea Kings 21:23

Nogna mae funei mana re ne roghe poru ne aknu faleheni mana ka nogna suga na.

Fapea Kings 18:17

King Senakerib au neu ka namono Lakis, aonu ne kuruni nogna mae komanda na, baludi keha phei mae biꞌo nei kmana mae soldia mala tei filoni King Hesekaea Jerusalem. Mare tei ne au ka nabrou te tei thoke ka vido te mala titihi pohe na. Mare kegra neu rhegna vido te jajaja soru khoꞌu ka kholo igne.

Fapea Kings 18:14

King Senakerib ne au ka namono Lakis. Eghuteuna King Hesekaea ne cheke eghu tei ka mana, “Iara neke eni unha te theome doglo na. Eghume, iara tore nigho iagho mala thosei mei magra koba ka iara, jame te eghu iagho na, iara ginauna foli ari ka iagho unha te magnahagheni iagho na.” Aonu king gna Asiria igne ne cheke ka mana mala foli nabotho thogha kilo silva, eghuteuna kaisei thogha kilo gol.

Fapea Kings 15:30

Ka varadaki finogha te king mae Jotam thugna King Asaraea Juda igre, mae Hosea thugna mae Ela igne ne ghaoghatho mala aknu faleheni King Peka. Aonu mae Hosea mei ne magra ne aknu faleheni mae Peka. Aonu mae Hosea neke king tughuni mana.

Fapea Kings 15:25

Kaisei mae komanda ka nogna armi mae Peka, thugna mae Remalaea, mana ne ghaoghatho mala aknu faleheni King Pekahaea. Aonu mae Peka ne hata glimafulu maedi Gilead, eghuteuna mare mei ne aknu faleheni King Pekahaea ka vido mala poru ke lamnagna suga biꞌo mae king na jare Samaria. Eghuteuna mare jaola ne falehedi mae Agob ghe mae Arie. Aonu mae Peka neke king tughuni mana.

Fapea Kings 15:14

Ka narane tuare, mae Menahem thugna mae Gadi igne jifla Tiasa ne mei Samaria, eghuteuna mana ne aknu faleheni mae King Salum neke king thegna tughuni mana.

Fapea Kings 15:10

Mae Salum, thugna mae Jabes, mana neke ghaoghatho mala faleheni King Sekaraea, aonu mana ne aknu faleheni mana Ibleam, aonu mana neke king tughuni mana.

Josua 10:3

Aonu king Adonisedek ne fatei cheke ka mae Hoham king gna Hebron, nei ka mae Piram king gna Jamut, nei ka mae Jafia king gna Lakis, nei ka mae Deba king gna Eklon.

Josua 15:39

nei Lakis, nei Boskat, nei Eglon,

Fapea Kings 14:18

Keha glepo teke edi mana re, mare neke rioriso soru ka Buka Eidi Glepo Teke Edi Hatimare Mae King Di Juda.

Fapea Kings 14:20

Aonu mare hata thini gna mae Amasaea na neke pulo Jerusalem ka hose neke giugilu ka bekudi hatimare mae king tifa ra ka nogna namono biꞌo King Devet.

Profet Jeremaea 34:7

Ka narane tuana nogna armi king gna Babilonia igne magra Jerusalem, nei ka phei namono Lakis ghe Aseka, eghuteuna phei namono igre mare bara te ligoho ka thina. Mae naoka igre mare magra neke uludihi keha namono te gnafa ka kantri Juda.

Fapea Kings 9:27

King Ahasaea filoni Jehu te aknu faleheni King Joram igne ne figri nogna chariot na rikha ne tei Bet-Hagan. Nu mae Jehu ne ngolho leghuni mana ne cheke eghu ka nogna mae soldiare, “Fadi faleheni!” King Ahasaea ne leghu nabrou ne tei Gua, eghuteuna kate tei namo ka namono Ibleam igne, mare ne fadini King Ahasaea. Nu mana rikha ne tei thoke Megido ne lehe jare.