Fapea Kings 13:7 - Buka Blahi Ka Cheke Holo

⁷ Ka narane tuare, King Jehoahas theome au nogna kmana soldia te mala magra na, naugna mae king gna Siria igne neke goigonidi nei falehedi neku mare. Mana au glimafulu soldia kolho te mala saghe ka hose na, eghuteuna nabotho chariot, nei nabotho thogha soldia.

Fapea Kings 13:7 ပူးပေါင်းရင်းမြစ်များ

Profet Emos 1:3

Lord ne cheke eghu, “Naugna te tapla jafra fabrahu naiknodi Damaskas ka nakhibo, iara ginauna thofno para ghami fara ghotilo eidi puhimi ghotilo te diꞌa tuare. Ghotilo fakokhoanadi nei goigonidi eghu naiknodi Gilead.

Fapea Kings 10:32

Ka narane te king mae Jehu igre, Lord ne funu tugha soru nohigna kantri Israel. Eghuteuna lisa lao ka King Hasael gna Siria mala mei uludi mare ka magra.

Profet Joel 3:14

Kmana thogha naikno ginau khapru mei pari agne, naugna nogna Narane Lord na la namo meihi. Uve, ka narane tuana, mana ginauna fatedi naikno te gnafa te au ka namono igne.

Profet Isaia 41:2

“Ghotilo ghaoghatho fakeli. Ihei teke hata teke mei mae igne funugna ke maghati na? Mae ihei teke toghoni mana te mala leghuni puhi te doglo na? Mae ihei teke totogho te mala uludi mana kantri igre ka magra na? Leuleghu fata na, mana hata naflahi mala falehedi keha mae king, mala jateula nakrofu eghu kolho mare. Uve, mana fathasudi mare ka nogna phaloho na, jateula chara te flalo te tei dofidi ka nuri ra neu.

Profet Isaia 36:8

“ ‘Mae komanda igne tudu ne cheke eghu, “King Hesekaea, mei sagho roghe balugna nogu mae funei iara king gna Asiria. Nogu mae funei iara na tangomana te tusu ranghi nigho phei thogha hose gognarogne, eghu jame te tangomana iagho te hirodi phei thogha soldia te mala saghe ka hose te magra na. Nu te laseni iara na iagho jame theome au nafnata mae igne.

Nodi Khoje Hatimare Mae Jiu 18:42

Iara neke puri ngujadi neke jateula gaughavu glose te flalo tafri ka nuri ra neku kolho mare. Iara neke tapla ghiaghihadi neke jateula gnagnapa ka nabrou ra neku kolho mare.

Fapea Kings 8:12

Eghuteuna mae Hasael ne ghusna eghu, “Mae biꞌo, naugna unha site tanhi iagho gnea?” Mae Elisa ne cheke eghu, “Naugna iara laseni unha nate eni iagho ka ghehati agne Israel. Iagho ginauna gnubra nomi vido mala poru ghehati gre. Eghuteuna iagho ginauna aknu falehe nomi famane mae majaghani gre ka magra, eghuteuna iagho ginauna fada ruaruja sua gegeꞌe gre ka thina. Eghuteuna goro gaꞌase te bukla gre iagho ginauna vahe thiꞌadire.”

Ululahu Kings 20:27

King Ehab jaola ne kiloni nogna armi na, eghuteuna mare ne tarabana nodi gobigna lepore mala tei magra ka armi gna Siria. Aonu mare tei ne au rhegna vido te au teu armi gna Siria igne. Eghuteuna armi gna Israel na ne tei namo ka armigna Siria. Eghuteuna armi gna Israel na ikoi fara jateula phei tothoghei nanigot eghu kolho. Nu armi gna Siria igne fodu fara ka vido te gnafa ke kosi namono Afek.

Ululahu Kings 20:15

Aonu King Ehab ne kafe kilo meidi hatimare mae soldia te gnafa te au ke paridi hatimare mae komanda ka Provins. Mae soldia igre thokeni phei gobi tolufulu phei. Eghuteuna mana jaola ne kilo meidi keha soldia di Israel, eghuteuna mare te gnafa na thokeni fitu thogha. Eghuteuna ne kaikaliti mala magra.

Ululahu Samuel 13:15

Aonu, mae Samuel ne jifla Gilgal. Ke leghu, mae Sol neke figri Geba ka nohi Benjamin. Eghuteuna mae soldia gna namono Gilgal igre ne kafe tei balugna mana. Eghuteuna kate filo mana ka nogna soldia gre na, mana laseni te namno gobi soldia kolho te au na.

Fapea Samuel 22:43

Iara puri ngujadi mare, neke ghilei jateula nakrofu neku mare. Iara neke tapla ka mare, mala ghilei jateula chopu ka nabrou ra eghu mare.

Fapea Kings 13:8

Keha gobigna lepo teke edi mae Jehoahas baludi glepo te biꞌo teke edi mana ka magra igre, mare neke rioriso soru ka Buka Eidi Glepo Teke Edi Hatimare Mae King Di Israel.

Profet Emos 4:10

“Iara na snakreni kaisei fogra te thono diꞌa fara mala para ghami ghotilo, jateula teke eni iara ka mae kuꞌemi ghotilo Ijep tifa ra eghu. Eghuteuna iara na snakredi hatimare mae naoka mala falehedi nomi mae majaghani ghotilo are. Eghuteuna snakredi mare mala hata nomi hose ghotilo are. Iara na lisa lao thinidi naikno te lehe ka magra re mala siri boto ka namonomi ghotilo are. Nu neuba, ghotilo theome magnahaghei teke pulo mei ka iara na.

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!