Fapea Kings 13:5 - Buka Blahi Ka Cheke Holo

⁵ Aonu Lord ne kuruni kaisei mae lida mala tei fakarhidi ka khamedi mae Siria. Eghuteuna mare neke au fakeli ka nodi namonore jateula teke tifa ra neu.

Fapea Kings 13:5 ပူးပေါင်းရင်းမြစ်များ

Nehemaea 9:27

Eghume naudi puhi igre, iagho neke snakredi mae naokare neke mei uludi nei paradi neku mare. Kate thoke mei puhi biꞌo igre ka mare na, mare neke tanhi ka iagho, eghuteuna iagho au neku kligna neke nomhidi nei toghodi neku mare. Naugna iagho neke kokhonidi fara mare neke kurudi keha mae lida mala fakarhidi ka nodi nolaghi mae naoka.

Fapea Kings 14:27

Neke theome nogna gaoghatho Lord te mala thofno roꞌeni Israel na, nu mana neke cheke ka nagnafagna King Jeroboam, thugna mae Jehoas, mala fakarhidi mare.

Fapea Kings 14:25

Fapea Jeroboam igne neke hata fapulo nodi vido glose mae Israel te funu ke raru Lebo-Hamat tei thoke ke mata Thongna Lehe. Mana neke leghuni unha teke chekeni Lord, nodi God mae Israel. Mana teke nhaꞌa cheke ka nogna mae gloku profet Jona thugna mae Amitai, maegna Gat-Hefa.

Fapea Kings 13:25

Aonu King Jehoas tei ne magra ka mae Ben-Hadad thilo fata. Eghuteuna mae Jehoas ne uluni mana thilo fata, eghuteuna mana neke hata fapulo namono te gnafa teke hata mae Hasael ka kmagna mana, mae King Jehoahas.

Luku 2:11

Ka bongi gognaro gne kaisei mae te mala fakarha ghami ghotilo ka nakhibo na la karhahi ka namonogna mae King Devet. Mana mae Kraes noda mae funei tahati.

Profet Obadaea 1:21

Maedi Jerusalem igre ginauna tei magra Idom mala hata nodi kantri mare na, eghuteuna mare ginauna funei frunidi mare. Eghuteuna iara Lord thegu ngala nate mae funei biꞌo na.

Profet Isaia 19:20

Olta nei thina biꞌo teu igre jateula kaisei fagaglana eghu eigna Lord mae ihei te au nolaghi fateote'o igne te au ke lamnagna kantri Ijep. Eghuteuna jame te tanhi lao ka Lord naiknodi Ijep igre mala toghodi ka hoholo kate au ke paridi nodi nolaghi naiknodi keha kantri igre teuna, Lord ginauna kuruni kaisei mae mala tei fakarhidi.

Ululahu Kronikols 11:2

Tifa na Sol neke king fruni ghita tahati, nu neuba iagho nake batu ghami ghehati mala tei ka magra. Eghuteuna Lord na cheke ka iagho mala reireghi ghami ghehati nogna naikno mana re, eghuteuna iagho ginauna nomi king ghehati.”

Ululahu Samuel 19:7

Aonu mae Jonatan ne kiloni mae Devet ne toutonu ka mana unha teke chekedi phia mare mae kmagnare. Mana neke atha fapuloni mae Devet ka mae Sol, jateula teke au mana balugna king ulu lahura neu.

Diutronomi 19:4

“Jame kaisei mae theome ghathoni te mala diꞌatagna na nei theome ghathoni kolho te mala aknu faleheni keha mae na, nu keha mae igne lehe teuna, ghotilo snakreni mae igne rikha tei mala poru ka kaisei ka thilo namono igre.

Eksodas 4:10

Nu Moses ne cheke eghu ka Lord, “Lord, iagho thosei kuru ghau iara, naugna funu tifa te mei na, iara theome raꞌe cheke fakeli. Eghuteuna neuba iara ne chekehi balumu iagho, nogu cheke iara gre theome keli kolho. Iara cheke ghu na thoghei fara, eghuteuna iara theome laseni te cheke fakelidi chekere.”

Nogna Buka Esta 4:14

Jame te theome cheke iagho te kmu teu kolho ka narane te ninhigrana igre na, keha naiknoi ginau nate mei te mala togho ghita nei fakarhi ghita. Nu iagho baludi tharaknamure ginauna lehe. Nu tahati theome laseni, jau iagho mala Kuin kolho ka vido te ninhigrana igne jau?”

Ululahu Samuel 12:11

Aonu Lord neke kurudi mae Gidion ghe mae Bedan, eghuteuna leghu lahu na mana neke kuru ghau iara. Tuana teke eni mana teke hata fajifla ghami ghotilo ka nodi nolaghi noda naoka ra, naugna igne te au fakelini tahati agne na.