Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Fapea Kings 13:23 - Buka Blahi Ka Cheke Holo

23 Nu Lord keli ranghidi nei kokhonidi eghu naiknodi Israel gre. Aonu mana theome snakreni armi gna Siria gne te mei goigonidi mare na. Leghu fata na Lord toghodi mare naugna mana neke nhaꞌa cheke balugna mae Ebraham, mae Isak nei mae Jekop tifa. Eghuteuna mana neke khidi maedi Israel mala tei au fakhaba ka mana.

အခန်းကိုကြည့်ပါ။ ကော်ပီ




Fapea Kings 13:23
36 ပူးပေါင်းရင်းမြစ်များ  

U nhaꞌa cheke teke eni mana ka tahati igne, ginauna au fabrahu. Uve, mana ginauna tajini fabrahu u nhaꞌa cheke teke eni mana ka tahati te gnafa igne nei mala dila iheire la ngau nate karha mei teu ke leghuda tahati thogheiro.


Neke theome nogna gaoghatho Lord te mala thofno roꞌeni Israel na, nu mana neke cheke ka nagnafagna King Jeroboam, thugna mae Jehoas, mala fakarhidi mare.


Nu Lord, iagho ngala God mae ihei te kokhonidi fara, nei namhadi fara teu naiknore. Uve, iagho thofno keli fara, eigna iagho theome ghosei diꞌatamu, nei iagho tangomana te tajini fabrahu nou nhaꞌa cheke na.


Naugna igne, Lord ne diꞌatagna fara ka naiknodi Jerusalem ghe Juda, ne ghilei leghu lahu na, mana ne kuru teidi ka sosolo mala thosei au mare balugna.


Mana thono diꞌatagna fara ka naiknodi Israel, aonu mana khidi mala theome tangomana mare te au rhegna mana na. Vikegna Juda igne kolho te au balugna mana na.


Lord, iagho nogu God iara, iara tore nigho mala fanomho mei ka nogu thara iara nou mae gloku gne. Lolokeli ranghi ghau, nei tusu ranghi ghau glepo te toreni iara ka iagho gognarogne.


God ginauna paradi fabrahu naikno tuare. Mana ginauna theome snakredi iheire te theome laseni God nei iheire te theome magnahagheni thofno karha te mala au balugna Lord, nei lisei fadeleidi ka nogna nolaghi te biꞌo.


“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.


Neuba mana ne para ghita, nu mana ginauna tangomana te kokhoni ghita nei keli ranghi ghita teuna, naugna mana ghatho tahu ghita fabrahu.


Nu ke leghu na, iara ginauna nake kokhonidi, eghuteuna iara ginauna nake atha fapulodi ka nodi namono re.


Thosei huju fadelei ghau iara mala tei fakhaba nigho, God, thosei hata fadeleini mae Tharunga te Blahi na ka iara.


Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.


“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.


te eghu na, iara ginauna ghathoni nogu nhaꞌa cheke teke eni iara baludi kuꞌedi mare, Ebraham, Isak, nei Jekop. Eghume iara ginauna nake ghathoni nomi glose ghotilo na mala ke pulo mei mare tagna.


Eghuteuna Lord ne cheke eghu, “Nanghagu iara na Lord, eghuteuna mae ihei te vahini iara na te mala keli ranghini na, iara ginauna keli ranghini, eghuteuna mae ihei te vahini iara te mala kokhoni nina iara ginauna kokhoni ni. Iara ginauna tei ke ulumu iagho mala filoni iagho iara te keli fara na, eghuteuna iara ginauna chekeni ka iagho nanghagu te blahi na.


Aonu Lord ne cheke eghu, “Iara ginauna na theome snakredi mala karha fabrahu naikno igre. Iara ginauna na snakredi mare mala karhau nabagna kaisei gobi varadaki finogha kolho ame lehe nga eghu.”


Kate lehe King Hasael na, mae Ben-Hadad, thugna mana igne neke king gna Siria.


Aonu King Jehoahas ne tarai ka Lord mala toghodi nogna naiknore, eghuteuna Lord ne nomhini nogna tharai mana na, naugna mana ne filo glanini king gna Siria te thofno goigonidi naiknodi Israel igre, ne cheke tughuni nogna tharai mana na.


Ka narane tuare, Lord neke filoni naꞌau papara te thokedi naikno te gnafa Israel igre, neubane naikno sneka ba snagla, theo kaisei naikno te toghodi re.


Lord ne thono tirognadi fara naiknodi Israel gre ne paradi mare. Eghuteuna mana ne lisa laodi ka khamedi nodi naokare, ghilei leghu lahu na mana theome magnahaghedi mare te mei namo ka mana na.


ghilei leghu lahu na, Lord ne theome magnahaghedi te mei rhegnai re jateula teke chekedi nogna mae gloku mana hatimare mae profet ra. Aonu armi gna Asiria igne mei ne hata fajifladi ka nodi namono re mala tei au Asiria ka namono aheva te khaba fara, eghuteuna mare au ka kantri igne ghilei mei posa ka narane gognarogne.


Neuba mare ne eghu ngau, God na kokhoni nognadi fara, aonu mana ne hata koko nakhibodire ne theome paradi. Kmana fata mana diꞌatagna ka mare, nu mana loku fapulo diꞌatagna na.


U nhaꞌa cheke teke kulu eni mana balugna mae Ebraham igne mana neke enila balugna mae Isak, eghuteuna mana na tathaji fakeli u nhaꞌa cheke igne.


Mana kokhoni nognadi fara neke ghatho fapuloni nogna nhaꞌa cheke na, neke figri gaoghathogna na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ