Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Fapea Kings 13:20 - Buka Blahi Ka Cheke Holo

20 Aonu mae Elisa ne lehe, eghuteuna mare ne giugiluni mana. Leuleghu finogha ka narane te mala joꞌu gano na, tothoghei soldia di Moab gre sughu mei koba Israel mala blau glepo.

အခန်းကိုကြည့်ပါ။ ကော်ပီ




Fapea Kings 13:20
13 ပူးပေါင်းရင်းမြစ်များ  

Aonu Lord ne kuruni armi gna Babilonia, armi gna Siria, armi gna Moab nei armi gna Amon mala mei magra ka King Jehoiakim. Armi igre mei ne goigonini Juda leghuni nogna cheke Lord teke chekeni hatimare mae profet tifa ra.


Eghuteuna mae Joram ne fatei cheke ka King Jehosafat gna Juda, ne cheke eghu ka mana, “Gognarona mae king gna Moab gne la tirogna fanomho ka iara la theome leghu ghau iara. Eghuteuna iara magnahaghei te tei magra ka mana gognarona. Iagho tangomana te mei balugu iara na ba theo?” Eghuteuna King Jehosafat ne cheke eghu ka mana, “Iara tangomana te tei balumu iagho na. Iara tarabanau kolho te mala leghuni unha te magnahagheni iagho na. Eghuteuna nogu mae soldia nei hose teu iara igre kaikaliti fabrahu kolho te mala togho nigho iagho na.”


Keha mae te fatutuani ni God re ne tanhi fabiꞌo ne diꞌanagnafani mae Stivin, mare ne hata thinigna mana na ne tei giugiluni. Eghuteuna, funu ka narane te lehe mae Stivin igne na, mae Jiure ne funu paradi naikno khiloaure. Mae Sol ne tei leuleghu suga mala lokidi mae nalhaꞌu ba gaꞌase te fatutuani ni mae Jisas na mala liliseidi mare ke lamna suga sosolo. Naikno te fatutuani ni mae Jisas igre ne kafe rikha ne tei kau soasopai vido jare Judia nei Samaria. Nu hatimare mae khuru neke au fapulo Jerusalem.


Mare neke giugiluni mana ka bekudi hatimare mae king ka nogna Namono Biꞌo King Devet, naugna mana neke edi famane gloku ranghidi naiknodi Israel, ranghini God, nei ranghini Sugablahi.


Aonu king gna Israel ne eni kaisei gaghamu biꞌo maladi mare. Kate gnafa gaghamu biꞌo igne, mana neke kuru fapulodi ka nodi king na. Soldia di Siria igre ne au kmu katha vido kmoꞌei neke theome mei magra ka naiknodi Israel.


Kaisei fata tifa na, mae soldiadi Siria gre neke tei magra Israel, mare hata neke mei kaisei gaꞌase majaghani gna Israel. Gaꞌase igne loku ranghini khetogna mae Naman.


Nu ke leghugna te lehe King Ehab igne, King Mesa ne tirogna fanomho ka king majaghani King Joram gna Israel na ne tirogna foli takis ka mana.


Ke leghu, naiknodi Israel igre neke eni fapulo puhi te diꞌa na ka tathagna Lord. Aonu Lord ne tusu lao narheta ka Eglon king gna Moab mala uludi naiknodi Israel.


Katha vido kmo'ei ke leghugna igne, keha naiknore ne cheke eghu ka mae Josep, “Mae kmamu iagho ia la fogra fara.” Aonu mae Josep hata ne mei ka mae kmagna na phei thugna nalhaꞌu re, mae Manase ghe mae Efraim.


Ke leghugna te cheke te gnafa ka mae thugna re, mana ne thuru fadoglo soru ka sape na ne lehe.


Kuꞌemi ghotilo ra, mare la lehehi. Eghuteuna mae profet igre, gognarona theo kaisei ka mare te karha na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ