Fapea Kings 13:14 - Buka Blahi Ka Cheke Holo

¹⁴ Ame lehe nga King Jehoas teuna, profet Elisa neke fogra fara neke namo lehe. Aonu King Jehoas tei ne sighoni mana, ne tanhi eghu eigna mana, “Mama ghe! Mama ghe! Iagho nodi greoreo maedi Israel!”

Fapea Kings 13:14 ပူးပေါင်းရင်းမြစ်များ

Filipae 2:26

Mae Epafrodaetus gne thono magnahaghei teke ari filo ghami ghotilo. Mana nanga nogna fara naugna ghotilo la nomhinihi mana teke fogra agnea.

Fapea Kings 2:12

Mae Elisa ne filoni mae Elija te tei na ne eha eghu, “Mama! Mama! Iara filodi chariot nei maedi Israel te saghe ka hose!” Kate haghehi mae Elija kligna na, mae Elisa ne diꞌanagnafagna fara ne rerheku nogna pohe na.

Jone 11:3

Phei greghagna mana re ne kurudi keha mae mala tei cheke eghu ka mae Jisas, “Lord, mae kheramu iagho mae Lasaros ia ne fogra.”

Fapea Kings 20:1

Theome raugha armi gna Asiria igne mei ne magra Juda, King Hesekaea ne fogra fara ne ghilei namo lehe. Aonu profet Isaia thugna mae Amos, tei ne cheke eghu ka mana, “Lord ne cheke eghu, ‘Te keli na iagho fadoglidi nou gobigna lepore, eigna iagho ginauna lehe, eghuteuna iagho ginauna theome tangomana na teke keli fapulo na.’ ”

Jenesis 48:1

Katha vido kmo'ei ke leghugna igne, keha naiknore ne cheke eghu ka mae Josep, “Mae kmamu iagho ia la fogra fara.” Aonu mae Josep hata ne mei ka mae kmagna na phei thugna nalhaꞌu re, mae Manase ghe mae Efraim.

Nonomho Te Keli Teke Risoi Mae Mak 6:20

Mae Herod mhaghu fara te faleheni mae Jone na, naugna mana laseni mae Jone gne kaisei mae keli nei mae blahi eghu. Eghume mae Herod ne famane reireghi fakelini mae Jone. Mae Herod keli tagna te fanomho ka nogna farirhiu mae Jone re neubane fadiꞌani kau cheke te edi mana re.

Profet Isaia 57:1

Ka narane igne, naikno te doglo te lehe, nu theo kaisei ka naikno te diꞌa te filo glanidi ba nangadi kolho. Uve, Lord ginauna atha fadelei naikno te ghatho tahuni mana igre. Nu theo kaisei naikno kolho te filo glani Lord teke atha fadeleidi naikno igre, mala theo kaisei puhi biꞌo nate thokedi mare.

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Profet Sekaraea 1:5

Kuꞌemi ghotilo ra, mare la lehehi. Eghuteuna mae profet igre, gognarona theo kaisei ka mare te karha na.

Profet Esikiel 22:30

“Kate diꞌatagu fara iara te tarabana te mala goigonini glose igne na, iara fariuriu hironi nafnata mae ihei nate tangomana teke babana fapulo gringnigna namono igne, mala fanogridi mae naoka te magnahaghei mei goigonini namono igne. Nu iara theome filoni kolho kaisei mae.

Profet Esikiel 14:14

Neuba thilo mae igre, mae Noa, nei mae Danel, nei mae Job au balumi ghotilo ka narane igre, nu puhidi thilo mae te doglo igre ginauna fakarhidi kolho nakarhadi thedi re. Igne nogu cheke iara Lord.

Proveb 11:11

Lord tangomana te toghodi naikno te kelire, eghuteuna nodi namono na ginauna fnakno nanghagna na. Nu nodi cheke naikno te diꞌare, goigonini nodi namono na.

Nodi Khoje Hatimare Mae Jiu 12:1

God, iagho togho mei ghami. Naugna gognaro na iagho theome tangomana te filoni kaisei naikno te keli te au teu agne na. Theo kaisei naikno te leghu nigho fabrahu.

Fapea Kings 6:21

King gna Israel na ne filodi soldia di Siria igre, eghuteuna mana ne ghusna eghu ka mae Elisa, “Ba mae biꞌo, iara na aknu falehedi mare?”

Fapea Kings 13:12

Keha glepo teke edi King Jehoas baludi glepo te biꞌo teke edi mana ka teke magra ka King Amaesaea gna Juda igre, mare neke rioriso soru ka Buka Eidi Glepo Teke Edi Hatimare Mae King Di Israel.

Fapea Kings 13:13

Kate lehe mana na, mare ne giugiluni mana ka namono biꞌo Samaria ka bekudi kuꞌegna re, eghuteuna thugna mana, mae Jeroboam gne neke king tughuni mana.

Fapea Kings 13:15

Aonu mae Elisa ne cheke eghu ka mana, “Iagho tei hata mei kaisei phaloho nei keha jata eghu.” Aonu mae Jehoas tei ne hata ne mei,

Jenesis 49:33

Ke leghugna te cheke te gnafa ka mae thugna re, mana ne thuru fadoglo soru ka sape na ne lehe.

Jenesis 50:1

Kate la filonihi tela lehehi mae kmagna na, mae Josep ne pogho soru balu tanhi ne gnanghodi tathagna nei foflogna teu mae kmagna re.