Fapea Kings 12:9 - Buka Blahi Ka Cheke Holo

⁹ Eghuteuna mae Pris Jehoaida ne hata kaisei bokis ne eni kaisei khora ka fofotho gna na, aonu mana ne lilisei bokis igne rhegna olta na, phile fei nheta kate mala ruma haghe naikno ka Sugablahi na. Hatimare mae pris te loku ka grengatha gna Sugablahi na nhaꞌa lao sileni te hata te mei naiknore ka bokis igne.

Fapea Kings 12:9 ပူးပေါင်းရင်းမြစ်များ

Nonomho Te Keli Teke Risoi Mae Mak 12:41

Mae Jisas ne gnokro rhegna tapera te mala salo sileni gna Sugablahi na. Mana filo neu ka naikno te mei lilisei sileni ka tapera na. Kmana naikno dedei mei ne lilisei kmana sileni fara.

Luku 21:1

Mae Jisas ne filodi keha mae te dedei te mei te koko sileni biꞌo fara ka tapera te au ke lamnagna Sugablahi na.

Profet Jeremaea 35:4

Iara athadi mare ne mei ka nogna Sugablahi Lord igne, eghuteuna ghehati tei ne ruma ka nogna chogho mae profet Hanan thugna mae Igdalea. Mae Hanan gne kaisei mae leghuni cheke gna Lord. Chogho igne namo rhegna vido aheva te au hatimare mae ofisa ke kligna gna nogna chogho mae Masea thugna mae Salum mae biꞌo gna Sugablahi igne. Mana te louloku ki gna grengatha biꞌo na.

Nodi Khoje Hatimare Mae Jiu 84:10

Nogu God, jame te au kolho iara kaisei narane ka nou Sugablahi iagho na, tuana thofno keli fara salaꞌu jame te au iara nabagna kaisei thogha narane ka keha vido delei na. Neubane khogla kegra kolho iara ka grengathagna nou Sugablahi iagho na tuana keli fara salaꞌu jame te au iara ke lamnagna nodi suga iheire te gnognoro re.

Profet Jeremaea 52:24

Nebusaradan mae ihei te komanda ka nogna armi king igne, mana ne lokidi mae pris ulu Seraea, ghe pris Sefanaea baludi thilo mae biꞌogna nogna Sugablahi Lord.

Fapea Kings 25:18

Mae Nebusaradan komanda gna nogna armi King Nebukadnesa king gna Babilonia igne ne hata ne tei balugna ka sosolo mae pris biꞌo Seraia ghe mae pris Sefanaea, mae mala toghoni mae pris biꞌo, baludi thilo mae biꞌogna nogna Sugablahi Lord.

Fapea Kings 23:4

King ne kilo meini mae pris biꞌo Hilkaea baludi mae pris te mala toghoni mana, nei mae pris te mala reireghi gna Sugablahi na teu igre mala hata fadelei glepo teke edi mare maladi Baal ghe god gaꞌase Asera nei tothoghei nathunu ka maloa kligna. Mare leghuni unha te chekeni mana igne ne gnubra gobigna lepo igre ke kosi Jerusalem ka glogu Kidron. Eghuteuna mare hata nakrofudi glepo igre ne tei Betel.

Fapea Kings 22:4

“Iagho tei filoni mae pris biꞌo Hilkaea, cheke ka mana mala fadoglidi sileni teke tufa naiknore ka mae pris te kegra ka grengatha gna Sugablahi ia.

Fapea Kings 12:8

Aonu mae pris igre ne kaisei gaoghatho ka nogna cheke mae king igne. Eghuteuna mare ne jaola ne kaisei gaoghatho te mala lokugna Sugablahi igne ginauna, theome ka khamedi mare thedi kolho, nu ka khamedi hatimare mae gloku kolho.