Fapea Kings 12:4 - Buka Blahi Ka Cheke Holo

⁴ Kaisei fata, King Joas ne cheke eghu ka hatimare mae pris, “Sileni teke fafara naiknore ka nogna Sugablahi Lord igre mala tusu lao ka mana, ghotilo mala tathajiu mala ke babana Sugablahi ana. Sileni teke takis ka sensas, sileni teke famei naiknore te mala fagnafa gna nodi nhaꞌa cheke na, nei sileni teke koko naiknore ka Sugablahi na leghuni unha teke magnahagheni mare na.

Fapea Kings 12:4 ပူးပေါင်းရင်းမြစ်များ

Fapea Kings 22:4

“Iagho tei filoni mae pris biꞌo Hilkaea, cheke ka mana mala fadoglidi sileni teke tufa naiknore ka mae pris te kegra ka grengatha gna Sugablahi ia.

Eksodas 35:5

Tahati gnafa mala fafara ka Lord. Ihei te magnahaghei fafara ka Lord, mana tangomana te tusu lao: “gol, silva, bras,

Eksodas 35:29

Nalhaꞌu te gnafa nei gaꞌase te gnafadi Israel, iheire te magnahaghei toghoni gloku teke chekeni Lord ka Moses, mare atha ne mei glepo igre ne tusu lao kolho ka Lord.

Eksodas 35:22

Uve, nalhaꞌu ba gaꞌase te thofno au nagnafadi fara te mala tusu lao glepo ka Lord igre, mare atha mei famane glepo teke horo mare ka gol, nei keha nafnata glepo mala lilisei ka pohe, nei dedenge, nei ring, nei chen mala babaꞌo. Mare pala haghe gol igre jateula nodi fafara eghu mala fagaglana gna te glepo igre nogna Lord.

Luku 21:4

Naugna mae te dedei igre au nodi kmana sileni. Mare tusu ranghini God kolho unha te salaꞌui na. Naikno biꞌo igne thono kuma fara, nu naꞌa koko fahui unha te au ka naꞌa na. Eghuteuna naꞌa magnahaghei fara sileni tuana malagna nakarhagna thegna na.”

Esra 7:16

Iagho jaola kafe hata silva nei gol eghu teke salo iagho ka namono te gnafa ka provins Babilonia baludi nodi fafara naiknodi Israel baludi mae pris, teke tufa mare malagna nogna Sugablahi God Jerusalem.

Esra 2:69

Mare ne nhaꞌa lao niha sileni teke au tadi re ne posani 500 kilo gol, 2,800 kilo silva, nei 100 famane pohe maladi mae pris.

Esra 1:6

Keha naikno te au rhedi mare ka namono tuare na toghodi mare. Mare na falao glepo teke horo ka silva nei gol, nei glepo te nabadi mare ka nabrou, nei dongki te mala luja nodi glepo mare igre, nei jaola keha glepo te keli baludi gano leghuni unha te magnahagheni mare.

Fapea Kronikols 35:2

Ka narane tuare, mae Josia neke vahidi mae pris mala loku ka nogna Sugablahi Lord, eghuteuna mana neke farerheta gaoghathodi mare re mala loku fakeli.

Fapea Kronikols 31:12

Kate tarabanahi mare chogho igne, mare hata ne mei gano nei keha glepo eghu teke hata teke mei naiknore igre ne lilisei ka chogho igne. Kaisei mae Livaet nanghagna na, mae Konanaea te mala reireghidi re glepo igre. Thabusigna mana mae Simei gne te fapea ka mana na.

Fapea Kronikols 15:18

Aonu gobigna lepo teke edi ka gol nei silva, nei keha glepo teke fablahi mana ghe kmagna re, mare ne lilisei glepo igre ka nogna Sugablahi God.

Ululahu Kronikols 29:17

Iara laseni, nogu God, iagho fariuriudi gaoghathodi nou naiknore, eghuteuna iagho glealeꞌa baludi naikno te leghuni puhi te doglo na. Ka puhi te doglo kolho, iara magnahagheni fara te tusu ari gobigna lepo igre ka iagho. Iara la filonihi eigna nou naikno iagho igre, mare magnahaghei fara te tusu ari glepo igre ka iagho.

Fapea Kings 12:18

Nu kate nomhini King Joas igne, mana tei ka nogna Sugablahi Lord na ne hata fajifla gobigna lepo te keli fara teke fafara King Jehosafat, nei King Joram nei King Ahasaea, thilo mae kuꞌegna mana neke fablahidi glepo igre. Mana hata fajifla glepo igre ne lilisei baludi nogna glepo thegna re. Eghuteuna mana jaola ne hata fajifla gol te gnafa teke nanhaꞌa naiknore ka Sugablahi igne, nei gol teke au ka nogna suga na. Aonu mana ne fatei glepo igre ka mae Hasael king gna Siria. Aonu king baludi nogna soldia re figri neke pulo ne theome mei Jerusalem.

Ululahu Kings 7:1

King Solomon jaola ne babana kaisei suga biꞌo malagna thegna. Suga igne hata nabotho thilo finogha neke gnafa nga.

Levitikas 27:31

Nu jame kaisei naikno magnahaghei te foli fapulo kaisei glepo ka kaisei ka fabotho igne, mana ginauna mala foli ka thofno praes gna na, eghuteuna ke nhaꞌa lao kaisei ke klignadi glima sileni ka praes igne.

Eksodas 36:3

Moses ne tusu lao ka mare gobigna lepo teke famei naiknodi Israel ka mana mala eni Suga Tapuale te Blahi igne. Leuleghu hamerane na, iheire te magnahaghei fafara ka Lord igre, mare atha mei koba kmana glepo.

Ululahu Kronikols 18:11

Aonu King Devet ne fablahidi glepo igre mala nogna Lord. Tuana unha te eni mana ka silva nei gol eghu teke hata mana ka teke uludi mana naiknodi Idom, naiknodi Moab, naiknodi Amon, naiknodi Filistia nei naiknodi Amalek.

Fapea Kings 12:5

Kate fadoglini ghotilo glokugna Sugablahi gne, ghotilo tangomana te hata sileni ka mae iheire te mala reireghi sileni are. Tuare sileni te mala loku ghotilo te mala fakekheligna unha te diꞌa ka Sugablahi na.”

Ululahu Kings 3:2

Ka narane igre naiknore fafara kolho ka vido blahi ke kligna thogele, naugna mare neke theome eni nga neku nogna Sugablahi Lord na.

Ululahu Kings 3:3

Neuba mae Solomon ne namhani Lord ne leghudi cheke te gnafa teke farirhiuni mae kmagna na. Nu mana jaola neke fafara nei gahu insens neku ka keha vido blahi ke kligna thogele.

Fapea Kings 14:4

Eghume mana theome paꞌe soru nodi vido mala tarai mae bongihehe re, eghuteuna naiknore fafara nei gahu insens eghu fabrahu ka vido blahi igre.

Fapea Kings 15:4

Neubane eghu ngau, mana theome lhotidi naiknore te tei tarai ka keha vido blahi are, eghuteuna naiknore tei fafara nei gahu insens eghu fabrahu ka nodi vido blahi mala fafara mae bongihehe.

Fapea Kings 16:4

Eghuteuna king neke fafara nei gahu insens eghu ka mumuju ka nodi vido blahi mae bongihehe ke kligna thogele nei ke pari gaju biꞌo.

Fapea Kings 17:11

Eghuteuna mare gahu insens ke kligna olta, leghuni unha teke edi naikno tifa teke khi fajifladi Lord ka nodi vido glose naiknodi Israel ra. Eigna Lord neke thono diꞌatagna fara kate edi fabrahu naiknore puhi te diꞌa igre.