Fapea Kings 12:20 - Buka Blahi Ka Cheke Holo

^20-21 Mae Josabad thugna mae Simeata ghe mae Jehosabad thugna mae Soma, phei nogna mae biꞌo King Joas igre ne ghaoghatho mala faleheni mana. Aonu phiamare ne aknu faleheni mana Jerusalem ka vido teke fasasare mare rhegna nabrou te tei posa Sila. Mare ne giugiluni mana ka bekudi mae kuꞌegna re ka nogna namono biꞌo mae King Devet, eghuteuna thugna mana, mae Amasaea igne neke king tughuni mana.

Fapea Kings 12:20 ပူးပေါင်းရင်းမြစ်များ

Fapea Kings 14:5

Kate funei fruni King Amasaea Juda na, mana ne aknu falehedi phei mae biꞌo teke aknu faleheni mae kmagna na.

Fapea Samuel 5:9

Aonu mae Devet ne gnokro soru ka namono te rheta igne ne kiloni nogna namono Devet. Mana ne fufunu horo suga ke klignagna vido teke fafofodu glose mare na.

Jajis 9:6

Naiknodi Sekem igre nei naiknodi Bet-Milo igre ne kafe mei salofodu ka gaju blahi Sekem, eghuteuna mare ne vahini Abimelek mala nodi funei mare.

Ululahu Kings 11:27

Igne thoutonu eigna mae Jeroboam te naokani King Solomon. Kaisei fata, king neke chekedi mae gloku re mala hata glose fafodu ka kaisei vido ka keha phile thogele Jerusalem mala horo suga ke kligna gna, eghuteuna mala ke babana fakeli baragna namono Jerusalem.

Fapea Kronikols 33:24

Eghuteuna nogna mae biꞌo thegnare ne majorani mana, eghuteuna mare tei ne aknu faleheni mana ka nogna suga na.

Fapea Kronikols 25:27

Ka narane te theome funu leghuni King Amasaea puhigna Lord, keha maedi Jerusalem ne ghaoghaho mala aknu faleheni mana, nu mana rikha ne tei ka namono Lakis. Nu mare kurudi keha mae mala tei ke leghugna mana mala faleheni mana ka namono igne.

Fapea Kings 12:19

Keha glepo teke edi mae King Joas re, mare neke rioriso soru ka Buka Eidi Glepo Teke Edi Hatimare Mae King Di Juda.

Fapea Kings 21:23

Nogna mae funei mana re ne roghe poru ne aknu faleheni mana ka nogna suga na.

Ululahu Kings 14:29

Keha glepo te edi King Rehoboam re mare neke rioriso soru ka Buka Eidi Glepo Teke Edi Hatimare Mae King Di Juda.

Fapea Kings 8:23

Keha glepo teke edi king Jehoram re, mare neke rioriso soru ka Buka Eidi Glepo Teke Edi Hatimare Mae King di Juda.