Fapea Kings 12:10 - Buka Blahi Ka Cheke Holo

¹⁰ Leuleghu fata na bokis igne fodu ka sileni, nogna sekretri mae king balugna mae pris biꞌo igne, phiamare mei ne kaha sileni igre ne hohono ka baeg.

Fapea Kings 12:10 ပူးပေါင်းရင်းမြစ်များ

Fapea Samuel 8:17

Mae Sadok thugna mae Ahitub ghe mae Ahimelek thugna mae Abiata, phiamae igre mae pris. Mae Seraia, mae mala rioriso soru chekegna king.

Fapea Kings 22:12

Eghuteuna king ne kilo meidi mae pris biꞌo Hilkaea, mae Ahikam thugna mae Safan, mae Akiboa thugna mae Maekaea, mae sekretri Safan, nei mae Asaia nogna mae gloku mana igne. Eghuteuna kate mei mare na, mana ne cheke eghu ka mare,

Fapea Kings 19:2

Mana ne kurudi mae Eliakim mae biꞌo te mala reireghi gna nogna suga biꞌo king na, ghe mae Sebna mae sekretri na, baludi hatimare mae pris biꞌo mala tei filoni profet Isaia thugna mae Amos. Mare jaola ne pipichi ka pohe thona.

Fapea Kings 5:23

Mae Naman ne cheke eghu, “Doglou kolho. Nu iagho na hata namno salei nhana kilo silva.” Eghuteuna mana cheke faheta ka mae Gehasi mala hata mana. Aonu mana ne fafodu phei baeg ka silva, eghuteuna nhaꞌa lao phei famane pohe baludi. Eghuteuna mae Naman ne kurudi phei nogna mae gloku re mala pala glepo igre mala kulu tei ke ulugna ka mae Gehasi.

Fapea Samuel 20:25

Mae Seva mala rioriso soru nogna cheke king. Mae Sadok ghe mae Abiata phei mae pris.

Fapea Kings 12:11

Ke leghugna te rioriso soru naba sileni igne, phiamare hata ne tei sileni igne ka mae funei gna gloku te mala loku gna Sugablahi igne. Sileni igne mala jaola folidi hatimare mae kapenta, mae iheire te loku,

Fapea Kronikols 24:11

Leuleghu narane na, mae Livaet gre hata mei bokis igne ka nogna mae biꞌo king. Eghuteuna kate fodu bokis igne na, nogna sekretri king ghe nogna mae gloku pris igne, phiamare hata fajifla sileni igne, eghuteuna ke lisei fapulo bokis na ka mala augna na. Ka puhi igne, mare au kmana sileni fara malagna Sugablahi na.

Fapea Kings 23:4

King ne kilo meini mae pris biꞌo Hilkaea baludi mae pris te mala toghoni mana, nei mae pris te mala reireghi gna Sugablahi na teu igre mala hata fadelei glepo teke edi mare maladi Baal ghe god gaꞌase Asera nei tothoghei nathunu ka maloa kligna. Mare leghuni unha te chekeni mana igne ne gnubra gobigna lepo igre ke kosi Jerusalem ka glogu Kidron. Eghuteuna mare hata nakrofudi glepo igre ne tei Betel.

Ululahu Kronikols 9:19

Aonu mae Salum nei hatimare nei mae kheragnare eghu ne neke reireghi ni grengatha ke ulugna Sugablahi na. Mae Salum gne thugna mae Kore. Mae Kore gna thugna mae Ebiasaf ka vikegna mae Kora. Tifa te mei na, kuꞌedi mae igre neke reireghi ke ulugna nogna Suga Tapuale te Blahi Lord.

Esra 3:7

Aonu naiknore ne falao sileni mala folidi mae kapenta baludi mae iheire te lase kato thina. Eghuteuna mare ne fatei gano, nei waen, nei oliv oel eghu ka phei namono Taea ghe Saedon, mala foli gaju sida gna Lebanon mala horo gna Sugablahi na, leghuni unha teke chekeni King Saeras gna Pesia. Mare tangomana te lilisei gaju igre tongna, mala hata soru ka naprona biꞌo Jopa.