Fapea Kings 11:4 - Buka Blahi Ka Cheke Holo

⁴ Nu ka fafitu finogha gna na, mae Pris Jehoeada ne fatei cheke ka hatimare mae komanda te mala reireghidi tharaknagna mae King nei mae komanda te mala reireghi gna nogna suga Kuin na teu igre, mala mei ka nogna Sugablahi Lord na, mala eni kaisei nhaꞌa cheke ka mare. Eghuteuna mana ne fakakhana ka mare mae Joas thugna mae King Ahasaea.

Fapea Kings 11:4 ပူးပေါင်းရင်းမြစ်များ

Fapea Kings 11:19

Mana baludi nodi komanda mae mala reireghi, nei mae mala reireghi gna nogna suga mae king, mare hatani King Joas ne jifla funu ka Sugablahi na ne tei ka suga gna King na, eghuteuna naiknore ne tei ke leghudi mare. Mae Joas ne ruma ka nodi grengatha mae te mala reireghi igre, eghuteuna mana tei ne gnokro ka nogna sape nafnakno na.

Fapea Kings 11:9

Aonu hatimare mae komanda igre ne leghuni unha te chekeni mae pris biꞌo Jehoeada igne. Mare hata ne mei mae soldia teke theome loku ka narane Sabat ra baludi mae teke loku ra eghu ne kafe mei.

Fapea Kronikols 15:12

Maedi Juda nei Benjamin ne eni kaisei nhaꞌa cheke balugna Lord nodi God mae kuꞌedi mare tifara. Mare nhaꞌa cheke mala thofno ghaoghatho heta te mala leghuni kolho mana na.

Fapea Kings 11:17

Mae Pris Jehoeada ne hata King Joas baludi naiknore mala baubahu leghuni nogna nhaꞌa cheke Lord na, aonu mare ne nhaꞌa cheke mala au jateula nogna naikno Lord eghu kolho. Eghuteuna mana jaola neke cheke ka king mala eni kaisei nhaꞌa cheke mala ghatho tahudi naiknore, eghuteuna naiknore mala leghuni king.

Mae Khuru 5:26

Aonu, mae funei biꞌo baludi hatimare mae pulisire ne tei ka Sugablahi na mala ke hata fapulodi mae khurure. Nu mae pulisire ne theome loku lalamadi mae khurure, naugna mae pulisire mhaghudi naiknore glahula fadi falehedi ka thina.

Mae Khuru 5:24

Kate nomhini igne, mae funei biꞌo te mala reireghi gna Sugablahi na, nei hatimare mae pris ulu teure ne faꞌihodi fara. Mare ne jaglo nodi fara ka unha te eni ka mae khuru gre.

Nehemaea 9:38

“God, naugna te thoke mei gobigna lepo igre, ghehati neke eni kaisei nhaꞌa cheke ka iagho, neke rioriso soru ni. Eghuteuna ghehati mae lida re, mae pris ra, nei mae Livaet ra, ghehati te gnafa na ne kafe rioriso nanghami re ne lisei soru nomi fagaglana re tagna.”

Nehemaea 5:12

Mae mala baubatu igre ne cheke eghu, “Ghehati ginauna thofno leghudi unha te chekedi iagho are. Gobigna lepo te chekedi iagho igre, ghehati ginauna nake tusu fapulo ka mare, eghuteuna ghehati ginauna thosei ke edi glepo igre.” Eghuteuna iara ne kilodi mae pris mala nhaꞌa cheke mae mala baubatu igre ke uludi mare.

Fapea Kronikols 29:10

Gognarona iara ghaoghatho mala eni kaisei nhaꞌa cheke balugna Lord nodi God mae Israel, mala theome diꞌatagna mana ka tahati.

Ululahu Kronikols 9:13

Khaputudi mae pris teke pulo mei re, kaisei thogha fitu gobi namnosalei horoghoto. Mae pris igre teke baubatu ka mare na, eghuteuna mae igre laseni fara te loku ka nogna Sugablahi God na.

Fapea Kings 23:3

Ka narane tuana, king kegra neu rhegna khegra biꞌogna Sugablahi na, eghuteuna mana neke tuthughu majaghani nhaꞌa cheke igne balugna Lord. Mana nhaꞌa cheke ke ulugna mana thofno leghuni Lord kate tajidi nogna vetula nei nogna farirhiu nei nogna cheke teu mana re. Aonu mana ne nhaꞌa cheke mala farerheta nogna nhaꞌa cheke te au ka buka na igne. Aonu naiknore ne jaola ne nhaꞌa cheke te mala leghuni nhaꞌa cheke igne.

Ululahu Kings 18:10

Ka nanghagna Lord mae ihei te karha te tifa, iara thofno cheke kate tutuani ka iagho, King Ehab neke kurudi nogna mae glokure mala tei tongana ka kantri te gnafa ka nauthoglu igne mala hiro nigho iagho. Jame kaisei mae king chekeni te thosei au iagho ka nogna kantri na teuna, mana na eni kaisei cheke te nheta fara mala laseni te tutuani nogna cheke mana igne.

Ululahu Samuel 23:18

Phiamare ne nhaꞌa cheke ka nanghagna Lord mala theome gnafa nodi fofodu na. Ke leghugna igne, mae Jonatan figri neke pulo ka namono, nu mae Devet ne au neu Hores.

Ululahu Samuel 18:3

Mae Jonatan ne eni kaisei nhaꞌa cheke balugna mae Devet mala theome gnafa phiamare nodi namha na.

Josua 24:25

Aonu ka narane te au teu mare ka namono Sekem gne, Josua ne eni kaisei nhaꞌa cheke maladi mare, eigna Lord na ginauna nodi God mare, eghuteuna mare ginauna leghuni mana fabrahu. Eghuteuna mana jaola tusu lao vetula nei cheke eghu ka mare mala leghudi mare.

Jenesis 50:25

Aonu mae Josep ne cheke eghu ranghidi mae thabusigna re, “Ghotilo nhaꞌa cheke ka iara, ka narane God teke hata fapulo ghami ghotilo Kenan na, ghotilo ginauna na hata nhubragu iara gre tei balumi.”

Fapea Samuel 20:23

Ka narane tuana, mae Joab komanda ka armi gna Israel. Mae Benaea thugna mae Jehoeada, komanda ka soldia te mala reireghini king. Mae igne maegna Keret nei Pelet.

Fapea Kings 11:3

Mae Joas ne poru fabrahu neu ka Sugablahi na nabagna namno finogha ka narane te kuin Atalaea te funei fruni ni Juda.

Fapea Samuel 8:18

Mae Benaea thugna mae Jehoeada, mana mae komanda fei sekiuriti, mana vikedi mae Keret ghe mae Pelet. Eghuteuna thugna mae Devet igre mare mae pris.

Ululahu Kings 14:27

Aonu King Rehoboam neke horo greoreo ka bras ke tughudi teke hata mare igre. Nodi komanda hatimare mae soldia te mala reireghi grengatha gna nogna suga biꞌo mae King, mana chekedi mare mala reireghi greoreo igre.

Fapea Kings 12:7

Aonu king ne kilo meini mae pris Jehoaida baludi keha mae pris, ne cheke eghu ka mare, “Naugna unha si ghotilo te theome edi keha gloku ka Sugablahi ignea? Funu gognaro gne, ghotilo thosei ke hata sileni ka mae iheire te reireghidi sileni are. Sileni tuana, ghotilo mala ke fakekheli kolho Sugablahi igne.”