Fapea Kings 11:18 - Buka Blahi Ka Cheke Holo

¹⁸ Mare kafe tei ka nogna Sugablahi Baal na ne paꞌe soru pari. Eghuteuna mare ne goigoni fahui olta te gnafa nei mumuju te gnafa teu ka vido te gnafa igre. Eghuteuna mare ne aknu faleheni mae Matan nogna pris Baal igne rhedi olta re. Pris Jehoeada ne cheke ka mae soldia re mala reireghini nogna Sugablahi Lord na.

Fapea Kings 11:18 ပူးပေါင်းရင်းမြစ်များ

Diutronomi 12:3

Ghotilo mala paꞌe sukha nodi olta re, eghuteuna goigoni nodi mumuju thina re. Eghuteuna ghotilo gnubra ka khaꞌaghi mumujugna god gaꞌase Astarot, eghuteuna kato sukha mumujudi nodi god re. Eghuteuna ghiha koko nanghadi nodi god re ka vido tuare mala theome tangomana kaisei naikno na teke ghathodi re.

Fapea Kings 18:4

Mana paꞌe nodi Sugablahi te mala tarai mare ka mumuju na, eghuteuna rofo soru nodi thina te brahu fara na, eghuteuna kato soru mumuju gna gaꞌase Asera na. Eghuteuna mana jaola kina ruaruja mogo teke eni mae Moses ka bras tifa igne. Mogo igne mare kiloni, “Nehustan, ba mogo neke horo ka bras.” Mana eni igne naugna naiknore tei neke gahu insens koba ka mumuju gna mogo na.

Fapea Kings 10:26

Aonu mare pala ne jifla mumuju thina blahi teke au jare na ne gnubra ka khaꞌaghi.

Ululahu Kings 18:40

Aonu profet Elija ne cheke eghu, “Ghotilo haru famaku nogna profet Baal are, thosei snakreni kaisei profet mala rikha!” Aonu mare ne kafe haru famakudi ne hui. Eghuteuna Elija hata mae profet igre ne soru ka Glogu Khoꞌu Kison ne kafe aknu falehe jare.

Diutronomi 13:5

Tifa na ghotilo neke sneka Ijep, eghuteuna Lord neke hata fajifla ghami neke fakarhi ghami ghotilo. Eghume ghotilo mala aknu falehe mae profet te fariuriu batu fadelei ghami ghotilo are, eigna mare magnahaghei ghami ghotilo te figri tagruni Lord nomi God, mala thosei ke eni mare puhi te batu fadiꞌadi naiknore igne.

Fapea Kronikols 34:7

Mana hata koko olta ra nei mumuju brahu nogna god gaꞌase Asera re. Mana poposa nei kina nguanguja mumuju igre ghilei vuhai nakrofu kolho. Eghuteuna mana jaola fadidiꞌa olta te mala gahu insens heva heva ka nohi te gnafa Israel. Aonu gnafa teuna, mana neke figri Jerusalem.

Fapea Kronikols 34:4

Mana batudi nogna naiknore ne tei paꞌe soru nogna olta Baal, nei goigoni olta mala gahu insens re. Mana kato soru nogna mumuju brahu god gaꞌase Asera baludi keha mumuju re. Mana kina nguanguja ne koko tafri ke klignadi bekudi iheire teke fafara ka olta igre.

Fapea Kronikols 21:17

Mare mei ne magra Juda. Aonu mare doglo ne tei ruma lamna ka nogna suga king na ne hata nogna famane gobigna lepo mana re, baludi thugna nalhaꞌu, nei khetogna teure. Nu thugna nalhaꞌu leghu lahu mae Jehoram, nanghagna na Ahasaea igne ngala te theome hata mare na.

Fapea Kings 23:14

King Josia ne rurhuja thina blahi igre, eghuteuna kato soru mumuju gna god gaꞌase Asera. Aonu mana ne koko tafri nhubradi naikno teke lehe re ka vido tuana.

Fapea Kings 23:10

King ne thofno goigoni fara kaisei vido blahi te mala pogho soru mare na jare ka namono Tofet ka glogu Ben-Hinom mala theome tangomana naiknore te gahu thudi re ka khaꞌaghi te fafara ka god Molek.

Diutronomi 13:9

Iagho aknu faleheni mana. Iagho mae ulu lahu te mala fadi thina ni mana na, eghuteuna ke leghu, keha naiknore jaola fadi thina ni mana mala ghilei lehe mana.

Eksodas 32:20

Mana atha mumuju buluka gol teke horo mare igne ne gahu ka khaꞌaghi. Mana atha ne rurhuja ne ghilei vuhai nakrofu, aonu mana atha nakrofu igne ne ngigno balu khoꞌu, eghuteuna mana tusu lao khoꞌu igne mala koꞌu naiknore.

Diutronomi 12:2

Kate ngolhi fajifladi ghotilo naikno teke au ka glose igne na, ghotilo mala goigoni fahui nodi vido blahi te gnafa nodi god mare te au ka thogele nei ka gukhu, nei ke pari gaju.

Fapea Kings 10:21

Mae Jehu ne fatei cheke ka namono te gnafa Israel. Aonu naikno te gnafa te pogho soru ka Baal igre ne kafe mei, eghuteuna theo kaisei te fanu-nhughui na. Aonu mare ne kafe tei ruma lamna Sugablahi mala pogho soru ka Baal, eghuteuna Sugablahi igne fou ne ngata ka naikno.

Fapea Kings 10:27

Mare ne thofno goigoni thina blahi igne, eghuteuna mare ne paꞌe soru nogna Sugablahi Baal. Eghuteuna mare horo Sugablahi igne mala ke nodi mala tei mata, igne eghu ngala ghilei mei thoke ka narane gognarogne.

Fapea Kings 23:20

Mana ne aknu falehe mae pris te loku ka vido blahi igre. Eghuteuna mana ne gnubra nhubradi mae igre ka olta igre. Ke leghudi igre mana neke figri Jerusalem.

Diutronomi 13:6

“Neubane thabusimi, ba thumu, ba khetomu ihei iagho te namhani fara, ba kaisei mae kheramu fofodu keli, jame kaisei ka mare mei cheke poru eghu ka iagho, ‘Tapa ari mala tarai ka keha god delei,’ iagho thosei fanomho ka mana! Jau mana magnahaghei ghami ghopa te tei tarai ka nodi god naikno te au rhemi ghotilo are, ba nodi god naikno te au khaba ka ghotilo are. Jau mana magnahaghei ghami ghopa te tei tarai ka nodi god naikno te au ka glose igne, god teke theome lasedi ghotilo nei kuꞌemi tifa ra. Nu iagho thosei fanomho tagna. Eghuteuna iagho thosei diꞌanagnafamu, nei iagho thosei pophoru mae igne mala theome thokeni mana papara na.

Diutronomi 13:10

Iagho fadi faleheni mana ka thina, naugna mana ne fariuriu batu fadelei nigho iagho ka Lord nomi God ghotilo na, mae ihei teke fakarhi ghami ghotilo Ijep ka namono teke sneka ghotilo tagna ia.

Fapea Kings 10:25

Kate fafara te gnafa na, mae Jehu jifla kosi ne cheke eghu ka nogna mae komanda nei soldia teure, “Ghotilo ruma mala kafe aknu falehedi hui, thosei snakreni kaisei mala rikha!” Aonu mare ruma balu naflahi ne aknu falehedi ne hui naiknore. Eghuteuna mare ne koko fajifla thinidire kosi. Aonu mare neke ruma lamna ka chogho blahi na.