Fapea Kings 11:16 - Buka Blahi Ka Cheke Holo

¹⁶ Aonu mare ne lokini naꞌa hata ne tei ka grengatha te mala ruma hose ka nogna vido king na ne faleheni naꞌa jare.

Fapea Kings 11:16 ပူးပေါင်းရင်းမြစ်များ

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Matiu 7:2

Unha puhi teke fateni ghotilo naikno tuana, God ginauna nake fate ghami la ghotilo ka puhi tuana. Unha vetula teke fateni ghotilo naikno na, God ginauna jaola nake fate ghami ghotilo kau vetula tuana.

Fapea Kronikols 23:15

Aonu mare hatani naꞌa ne tei ka grengatha te mala rumadi hose rhegna nogna Suga Biꞌo king na ne aknu faleheni naꞌa jare.

Jajis 1:7

Mana ne cheke eghu, “Tifa na, iara neke jaola neke kusu koko geghesu biꞌo khamedi fitusalei king, eghuteuna mare au fadiꞌa jateula khuma te ghamu phike gano ke parigna nogu tevo iara na ia eghu. Gognarona God kela tughu fapulo unha teke eni iara ka mare na.” Mare atha ne teini mana Jerusalem, aonu ke leghu, mana ne lehe jare.

Levitikas 24:17

“Eghuteuna jame kaisei mae faleheni keha mae na leghuni unha teke ghathoni mana na, ghotilo mala faleheni mana.

Fapea Kings 11:15

Pris Jehoeada theome magnahaghedi mare te faleheni kuin ka vido Sugablahi na, aonu mana ne cheke eghu ka hatimare mae komanda, “Ghotilo hata jifla thau tuana ka mae te reireghi are, mala hata tei mare kosi. Jame ihei te fariuriu fakarhini thau igne, ghotilo ginauna na jaola aknu falehe mae tuana.”

Nehemaea 3:28

Kaisei tothoghei mae pris ne loku ka keha vidogna gringni thina igne, funu ka Grengatha Hose na tei posa ke raru. Vido gringni thina igne au ke ulugna nodi suga mae pris gre, eghuteuna kaisei mae teu ka mare na, mana ke babana fapulo katha vido ikoi te au rhegna nogna suga na.

Profet Jeremaea 31:40

Eghuteuna glogu ke mata na mala koko thinidi naikno te lehe nei mala koko nakrofu khaꞌaghi, eghuteuna ka nagare ke holo Glogu Kedron te tei posa ke maghati Grengatha Hos, vido igne thofno blahi fara ka iara Lord. Eghuteuna namono igne ginauna na theo ihei nate roꞌeni ba nate goigoni ni na.”