Fapea Kings 11:12 - Buka Blahi Ka Cheke Holo12 Aonu mae Jehoeada ne batuni mae Joas ne jifla mei ka Sugablahi na ne lisei lao khepi nafnakno na ka phaꞌugna mana na. Eghuteuna tusu lao ka mana kaisei buka vetula te mala leghuni hatimare mae king, eghuteuna tofa oel ka phaꞌugna mana na. Eghuteuna chekeni ka naiknore te mana ngala te king gognarona. Aonu naiknore ne proaprosa ne eha eghu fabiꞌo, “Iagho king fabrahu!” အခန်းကိုကြည့်ပါ။ |
Fapea Kings 11:12
45 ပူးပေါင်းရင်းမြစ်များ
Aonu pris Sadok tei ka nogna Suga Tapuale te Blahi Lord na ne hata hona gna sipu na ne toho fafodu oel ne tofa ka phaꞌugna mae Solomon, igne fagaglana gna te king mana na. Ke leghugna igne, mae pris ne kufli, eghuteuna naiknore gleale'a ne thagru eghu fabiꞌo, “King Solomon, iagho king fabrahu tifa tifa!”
Neuba ghotilo ne au neu Babilonia, ghotilo ginauna jifla ka kantri tuana, eghuteuna ghotilo ginauna glealeꞌa fara. Kate batu ghami te jifla iara na, ghotilo ginauna nake au fakeli. Neubane thogele te au faligoho ghami ghotilo igre ginauna jaola glealeꞌa balu koje. Neuba gaju igre ginauna jaola glealeꞌa fara balu proaprosa.
Ghotilo khoꞌura, ghotilo mala glealeꞌa nei proaprosa eghu. Uve, ghotilo thogelera, ghotilo kafe khapru mei ke ulugna Lord mala koje nei kilo fnaknoni eghu mana, naugna mana na mei mala funei frunidi naikno te gnafa ka nauthoglu igne! Uve, mana ginauna fatedi naikno te gnafa ka nauthoglu igne ka puhi te doglo.
Nu kaisei thugna mae Ahasaea ngala te rikha na, nanghagna na mae Joas. Mana namo lehe baludi keha thudi hatimare mae king, nu kaisei fapea idogna mana Jehoseba, thugna gaꞌase King Jehoram, ne fakarhini mana. Naikno biꞌo igne greghagna King Ahasaea. Naꞌa tei ne tathaleini mae Joas balugna thau te mala fachuꞌuni mana na, ne tei pophorudi ka kaisei chogho ke lamna Sugablahi. Aonu kuin ne theome tangomana te faleheni mana na.
Mare nhaꞌa lao kaisei khepi fifiriulu ka pha'ugna mana na. Eghuteuna mare ne faloku lao kaisei khodo fei khame nheta mala tithini mae king mana fifilogna na. Gnafa teuna, mae soldiare ne kafe pogho soru ke ulugna mae Jisas ne maꞌeni mana. Aonu mare ne cheke eghu ka mana, “Cheke fakeli nigho, iagho nodi king hatimare mae Jiu!”
Jehoada baludi mae thugna re batuni ne mei Joas, thugna King Ahasaea igne ne nhaꞌa lao nogna khepi nafnakno king na ka mana. Eghuteuna mare ne tusu lao ka mana kaisei buka nogna Vetula God ka mana. Pris Jehoada baludi thugna mana re eghu ne tofa oel ka phaꞌugna mae Joas. Mare ne eha eghu fabiꞌo, “Iagho king fabrahu!”
Nu ka fafitu finogha gna na, mae Pris Jehoeada ne fatei cheke ka hatimare mae komanda te mala reireghidi tharaknagna mae King nei mae komanda te mala reireghi gna nogna suga Kuin na teu igre, mala mei ka nogna Sugablahi Lord na, mala eni kaisei nhaꞌa cheke ka mare. Eghuteuna mana ne fakakhana ka mare mae Joas thugna mae King Ahasaea.
Ka namono igne au kaisei mumuju god nanghagna na Milkom. Ka phaꞌugna mumuju igne, mare lilisei kaisei khepi nafnakno teke hohoro ka gol nei famane thina, eghuteuna tahugna khepi nafnakno igne thokeni tolufulu fati kilo. King Devet ne hata khepi nafnakno igne ne nhaꞌa lao ka phaꞌugna na. Eghuteuna mana jaola ne hata keha famane glepo ka namono igne.
Ginei na, mana hata kmana buluka, sipu nei sua buluka te blokha neu ne tei fafara. Eghuteuna mana kilodi mae pris Abiata, mae Joab nei thumu te gnafa iagho ra eghu ne tei ima ka fafara igne. Eghuteuna gognarona mare ima nei koꞌu eghu balugna mana, eghuteuna mare eha eghu fabiꞌo, ‘King Adonaeja, iagho king fabrahu tifa tifa!’
ကြော်ငြာတွေ