Fapea Kings 10:6 - Buka Blahi Ka Cheke Holo

⁶ Aonu mae Jehu neke rioriso tei keha letas na ka mare, ne cheke eghu, “Gognarona iara au agne Jesrel. Jame te phile tutuani ghotilo ka iara na, eghuteuna leghudi nogu cheke iara igre teuna, ghotilo hata mei ka iara phaꞌudi vikegna nomi mae funei ghotilo ia, jateula gognarogne eghu nathuꞌu na.” Fitusalei mae majaghani igre au ka khamedi hatimare mae mala baubatu gna namono Samaria.

Fapea Kings 10:6 ပူးပေါင်းရင်းမြစ်များ

Luku 9:50

Mae Jisas ne cheke eghu ka mana, “Ghotilo thosei lhotini mana, naugna mae ihei te theome kegra fanogra ghami ghotilo na, mana kherami ghotilo.”

Matiu 12:30

“Tutuani, mae ihei te theome leghu ghau iara na, mana tirogna ghau iara. Eghuteuna mae ihei te tirogna togho ghau iara te mala hata meidi naiknore ka God na, mana jateula te brue fadeleidi eghu naiknore ka God.

Thoutonu Eigna Mae Job 21:19

Keha naiknore te chekeni na God paradi goro sua re eidi nakhibodi kmadi re. Nu te ghathoni iara na puhi igne theome keli. Te keli na God parani mana eidi nakhibogna mana thegna re.

Fapea Kings 9:32

Mae Jehu filo haghe ne eha eghu fabiꞌo, “Ihei te phile ka iara na? Ihei?” Aonu phei ba thiloi mae gloku ka sugagna king na ne filo soru ka wida na.

Diutronomi 5:9

Ghotilo thosei pogho soru ka kaisei mumuju ba tarai tagna, naugna iara Lord, nomi God ghotilo, iara theome magnahaghei ghami ghotilo te ghatho tahuni kaisei god delei. Puhigu iara na jateula: iheire te tirodi ghau iara, nei tei koko ghau iara teu igre, iara ginauna paradi mare baludi thudi, nei gradi teure ghilei thokedi fapea gradi mare ginaure.

Naba 25:4

Aonu Lord ne cheke eghu ka mae Moses, “Iagho na kilodi mae biꞌo te gnafa Israel igre nei falehedi mare eghu, eghuteuna fagefe haghe kligna thinidi mare re ke ulugna Suga Thapuale te blahi ana mala filo naiknore. Eni tuana mala nu theome diꞌatagu iara ka ghotilo eghu.”

Fapea Kings 10:5

Aonu mae biꞌo te mala reireghi gna nogna suga biꞌo king na, mae gavana gna namono biꞌo na, nei keha mae mala baubatu, nei mae iheire te mala reireghidi vikegna King Ehab igre eghu ne cheke eghu fapulo ka mae Jehu, “Ghehati nou mae gloku iagho, eghuteuna ghehati tarabana te mala eni unha te chekeni iagho na. Nu ghehati ginauna na theome tangomana na teke vahini keha mae king na. Eni sagho unha te doglo ka gaoghathomu iagho na.”

Fapea Kings 10:7

Kate filoni mae mala baubatu igre nogna fapea letas mae Jehu igne, mare ne kafe aknu falehe fitusalei mae igre, eghuteuna mare ne kusu koko phaꞌudi re. Eghuteuna mare hohono ka kharaꞌo phaꞌudi mae igre hata ne tei ka mae Jehu Jesrel.

Fapea Kings 10:9

Hamerane, mana ne tei ka grengatha igne, ne cheke eghu ka naiknore, “Ghotilo thosei mhaghu, ghotilo theome nabami te papara ka puhi igne. Iara neke eni gaoghatho igne ranghini King Joram, eghuteuna iara neke faleheni mana. Nu mae iheire teke falehedi mae igre? Theome iara kolho!