Fapea Kings 10:33 - Buka Blahi Ka Cheke Holo

³³ King igne mei neke hata nodi vido glose mare ka keha phile ke maghati Khoꞌu biꞌo Jordan, funu ke raru ka nohi Besan, tei posa ka nohi Gilead, balugna namono Arona ke mata Khoꞌu Anon. Vido glose igre au ke maghati gna nodi vido glose mae Manase, mae Gad nei mae Ruben.

Fapea Kings 10:33 ပူးပေါင်းရင်းမြစ်များ

Diutronomi 2:36

Ka narane tuana, Lord neke togho ghita tahati neke hata nodi namono mare te funu Aroa ka geri Khoꞌu Anon, nei namono ka sare rhegna khoꞌu igne, tei posa ke raru namono Gilead. Theo kaisei namono te bara thina te haghe fara ba maku fara te mala theome tangomana tahati te uluni na.

Fapea Kings 8:12

Eghuteuna mae Hasael ne ghusna eghu, “Mae biꞌo, naugna unha site tanhi iagho gnea?” Mae Elisa ne cheke eghu, “Naugna iara laseni unha nate eni iagho ka ghehati agne Israel. Iagho ginauna gnubra nomi vido mala poru ghehati gre. Eghuteuna iagho ginauna aknu falehe nomi famane mae majaghani gre ka magra, eghuteuna iagho ginauna fada ruaruja sua gegeꞌe gre ka thina. Eghuteuna goro gaꞌase te bukla gre iagho ginauna vahe thiꞌadire.”

Fapea Kings 10:34

King Jehu neke king gna Israel, eghuteuna mana neke funei fruni Samaria varadaki nhana finogha. Gobigna lepo teke edi mae Jehu, baludi glepo biꞌo teke frane teke edi mana igre mare neke rioriso sukha ka Buka Eidi Glepo Teke Edi Hatimare Mae King Di Israel. Kate lehe mana na, mare ne giugiluni mana Samaria, eghuteuna mae Jehoahas thugna mana igne neke king tughuni mana.

Fapea Kings 12:17

Ka narane tuana, King Hasael gna Siria tei ne magra Gat ne hata namono biꞌo tuana. Ke leghugna igne, mana ghaoghatho mala mei snura Jerusalem.

Fapea Kings 13:25

Aonu King Jehoas tei ne magra ka mae Ben-Hadad thilo fata. Eghuteuna mae Jehoas ne uluni mana thilo fata, eghuteuna mana neke hata fapulo namono te gnafa teke hata mae Hasael ka kmagna mana, mae King Jehoahas.