Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Fapea Kings 10:29 - Buka Blahi Ka Cheke Holo

29 Neuba, mae Jehu neke theome goigoni phei mumuju buluka nalhaꞌudi teke horo mae Jeroboam thugna mae Nebat ka gol. Mana neke lilisei kaisei Betel, eghuteuna keha na Dan. Mana neke batudi naiknodi Israel gre neke pogho soru ka phei mumuju igre.

အခန်းကိုကြည့်ပါ။ ကော်ပီ




Fapea Kings 10:29
25 ပူးပေါင်းရင်းမြစ်များ  

Lord ginauna lisa koko ghita, naugna King Jereboam ne tapla jafra ka nakhibo, eghuteuna mana batudi naiknore mala jaola tapla jafra tahati ka nakhibo.”


Gognarona mae Israel igre mare leghuni puhidi vikegna mae Ifreim te diꞌa igre, mare tapla jafra fabrahu ka nakhibo. Mare theome gnafa te hohoro mumuju ka silva te mala tarai nei pogho soru ranghini teuna. Mumuju igre neke hohoro kolho naikno leghuni nogna glalase na. Naiknodi keha kantri te au faligohodi mare igre cheke eghu, “Mae Israel igre mare falehe naikno mala fafara ka mumuju, eghuteuna mare gnangho ka mumuju buluka igne.”


Buluka gol te au ka namono Betel igne ginauna diꞌa, eghuteuna naikno te au ka namono biꞌo Samaria na igre ginauna mhaghu nodi nei diꞌanagnafa eghu ka buluka igne. Naikno te gnafa baludi mae pris igre ginauna tanhi nei diꞌanagnafa eghu eigna mumuju buluka igne. Naugna mae Asiria igre ginauna hata koko gol teke au ka thinigna mumuju buluka igne.


Mare leghuni puhigna mae Jeroboam te diꞌa na ne edi fabrahu puhi te diꞌa te edi mana re,


Nu mana jaola neke theome keli ka tathagna Lord na, naugna mana neke leghuni puhigna King Jeroboam thugna mae Nebat te diꞌa fara tifa ia, eigna mana neke batudi naiknodi Israel re ka nakhibo.


Nu mana jaola neke theome keli ka tathagna Lord na, naugna mana neke leghuni puhigna King Jeroboam thugna mae Nebat teke diꞌa fara tifa ia, eigna mana neke batudi naiknodi Israel ka nakhibo.


Nu mana jaola neke theome keli ka tathagna Lord. Naugna ka narane te king mana te ghilei thokeni narane glehe gna na, mana leghuni puhigna King Jeroboam, thugna mae Nebat te diꞌa fara tifa ia, eigna mana neke batudi naiknodi Israel re ka nakhibo.


Mae Sekaraea jateula mae kuꞌegna tifa ra neu ne edila unha te theome doglo ka tathagna Lord. Mana ne leghuni puhigna King Jeroboam thugna mae Nebat te diꞌa ia, eigna mana tifa na neke batudi naiknodi Israel re ka nakhibo.


Mae Jeroboam theome keli ka tathagna Lord na, naugna mana ne leghuni puhigna King Jeroboam, thugna mae Nebat tifa ia, eigna mana neke batudi naiknodi Israel re ka nakhibo.


Nu mae Jehoas neke jateula King Jeroboam teke diꞌa puhigna na ka tathagna Lord na, eigna mana neke batudi naiknodi Israel re ka nakhibo.


Mae king igne jaola ne theome keli ka tathagna Lord na, eghuteuna mana batudi naiknodi Israel ka nakhibo. Mana theome ke tughu puhigna te diꞌa na jateula King Jeroboam thugna mae Nebat tifa ia neu.


Ghopa koko puhi te diꞌa tuare! Puhi te edi ghopa tuare, nogna naikno Lord igre toutonudi re thono diꞌa fara!


Moses ne cheke eghu ka Eron, “Unha teke edi naikno gre ka iagho na mala batudi iagho ka nakhibo biꞌo te thono diꞌa fara igne?”


Eron atha dedenge gol igre gahu ne fablalho ne horo kaisei mumuju buluka nalhaꞌugna. Mana fakegra haghe mumuju buluka nalhaꞌugna igne, eghuteuna naiknore ne cheke eghu, “Ghotilo naiknomi Israel! Igne noda god tahati na, mae ihei teke atha ghita teke jifla Ijep!”


Aonu mae Abimelek ne ehani mae Ebraham ne cheke eghu ka mana, “Ghema, iara neke theome eni kaisei najafra ranghi nigho iagho! Nu iagho ne eni puhi biꞌo igne ranghi ghau iara nei ranghidi nogu naikno iara gre neu. Puhi te eni iagho igne theome doglo.”


Ka puhi igne, mae Jehu ne goigoni fahui vido blahi te hui te mala pogho soru ka Baal Israel.


Nu King Jehu neke theome thofno leghu fakelidi nogna vetula Lord, nodi God mae Israel. Mana theome koko puhigna King Jeroboam te diꞌa tifa ra, eghuteuna mana neke batudi naiknodi Israel mala pogho soru ka phia mumuju buluka nalhaꞌudi igre.


Naꞌa leghudi kolho puhi te diꞌa teke edi teke mei funu Ijep kani gaꞌase majaghani gna teku naꞌa na. Ka narane tuana, mae nalhaꞌure mei thuru fodu balugna naꞌa, nei loku ka chuꞌugna re, eghuteuna mare lalahu fadiꞌa balugna naꞌa.


Neuba, mana leghuni puhigna King Jeroboam, thugna Nebat te diꞌa tifa ia neke batudi naiknodi Israel ka nakhibo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ