Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Fapea Kings 10:23 - Buka Blahi Ka Cheke Holo

23 Aonu mae Jehu ghe mae Jehonadab thugna mae Rekab ne ruma ka Sugablahi na. Jehu ne cheke eghu ka nogna pris Baal re, “Filo faligoho, glahu kaisei naikno te pogho soru ka Lord na mei lamna Sugablahi. Tahati nogna naikno Baal ra kolho te mala mei agne na.”

အခန်းကိုကြည့်ပါ။ ကော်ပီ




Fapea Kings 10:23
7 ပူးပေါင်းရင်းမြစ်များ  

Iara mae teke mei funu ka God na ginauna kuru fajifladi nogu engel re. Mare ginauna vavahi fadelei ka nogna naikno God igre iheire te eꞌei puhi te diꞌa ba te fariuriu batudi keha naiknore mala theome fatutuani ni God.


Keliu mala kotu fodu wit ghe sokiaro are ghilei thokeni narane te mala ghanodi wit are. Ka narane ukli na iara ginauna cheke eghu ka mae glokure: Ululahu ghotilo na salo sokiaro are mala haru fodu eghuteuna koko lao ka khaꞌaghi. Eghuteuna ukli wit are mala fafofodu nogu suga gano iara ana.’ ”


King Isboset au phei nogna komanda. Nanghadire, mae Bana ghe mae Rekab, thugna mae Rimon, maegna ka namono Berot, vikegna mae Benjamin, naugna namono Berot igne nodi namono vikegna mae Benjamin.


Mae Jehu ne chekeni mae ihei te reireghidi mae pris mala hata mei nodi phoko blahi nogna pris Baal gre mala thofno tufa ka naikno te tarai ka Baal igre.


Aonu mae Jehu ghe mae Jehonadab ne tei ka nogna vido blahi Baal na ne gahu fafara ka mana. Eghuteuna mae Jehu ne vavahi nhanasalei soldia mala tarabana ke kosigna Sugablahi na. Mana ne cheke eghu ka mare, “Ghotilo thosei snakreni kaisei naikno ke lamnagna Sugablahi igne mala rikha. Jame ihei ka ghotilo te snakreni kaisei naikno te rikha na, mae tuana mala lehe tughuni naikno te rikha tuana.”


Nu mare ne cheke eghu, “Ghehati theome koꞌu waen. Kuꞌemi ghehati mae Jonadab thugna mae Rekab igne mana neke cheke faheta eghu fara ka kuꞌemi ghehatire, ‘Ghotilo nei goro sua te karha mei ka vikemi ghotilore mala thosei koꞌu waen.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ