Fapea Kings 10:16 - Buka Blahi Ka Cheke Holo

¹⁶ Mae Jehu neke cheke eghui, “Gognarona iagho mei balugu iara mala filoni themu te loku iara ranghini Lord na.” Aonu phiamare kafe saghe ka chariot na ne tei Samaria.

Fapea Kings 10:16 ပူးပေါင်းရင်းမြစ်များ

Ululahu Kings 19:10

Eghuteuna mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho ne loku ranghi nigho. Nu naiknodi Israel igre, tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Fapea Kings 10:31

Nu King Jehu neke theome thofno leghu fakelidi nogna vetula Lord, nodi God mae Israel. Mana theome koko puhigna King Jeroboam te diꞌa tifa ra, eghuteuna mana neke batudi naiknodi Israel mala pogho soru ka phia mumuju buluka nalhaꞌudi igre.

Letas Teke Riso Tei Mae Pol Ka Khiloau Rom 10:2

Iara lasedi, mare thofno fariuriu fara te mala leghuni God na, nu mare theome raꞌe laseni puhi te doglo na neu.

Matiu 6:5

Mae Jisas ne cheke eghu, “Kate tarai na, ghotilo mala thosei jateula mae te chaichaghi ra eghu. Mare magnahaghei fara te tei kegra te tarai ke lamnadi suga tharai ba farihotei glalaba. Mare magnahaghedi naiknore te filodi unha te edi mare re. Nu tutuani fara te chekeni iara ka ghotilo na, mare la kulu hatahi ka naiknore nodi tabare.

Matiu 6:2

“Kate tufa glepo ka naikno te kuma na, thosei jateula mae te chaichaghi ra eghu falalase ka naiknore. Mare edi tuare ke lamna suga tharai nei ke lamna nabrou biꞌo. Mare magnahaghedi naiknore te ghatho tahudi kolho. Nu tutuani fara te chekeni iara ka ghotilo na, mare la kulu hatahi nodi tabare kate cheke fakelidi naiknore.

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Proveb 27:2

Thosei cheke fahaehaghe nigho themu, te keli na keha naiknoi te mala cheke fakligna nigho na.

Ululahu Kings 19:17

Kate king mae Hasael igne, mana ginauna na aknu falehe kmana naikno. Jame keha te rikhani mana na, mae Jehu ginauna aknu falehedi mare. Eghuteuna jame keha te rikhani mae Jehu na, mae Elisa ginauna aknu falehedi mare.

Ululahu Kings 19:14

Mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho fara ne loku ranghi nigho. Nu naiknodi Israel igre tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Naba 23:4

God mei ne thafoni mana, aonu mae Balam ne cheke eghu, “Iara neke edi fitu olta, eghuteuna kaisei olta teuna, iara fafara buluka nei sipu eghu.”

Fapea Kings 10:17

Kate thoke phiamare Samaria na, mae Jehu ne kafe aknu falehe ne gnafa vikegna mae King Ehab re, theo kaisei te karha na. Igne unha teke chekeni Lord ka mae Elija tifa ia.