Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Fapea Kings 10:11 - Buka Blahi Ka Cheke Holo

11 Aonu mae Jehu ne aknu falehe ne gnafa keha mae ka vikegna King Ehab teke au ka namono Jesrel, eghuteuna hatimare mae biꞌo, eghuteuna hatimare mae kheragna fofodu king, eghuteuna nogna mae pris mana re eghu ne kafe lehe, theo kaisei te karha na.

အခန်းကိုကြည့်ပါ။ ကော်ပီ




Fapea Kings 10:11
25 ပူးပေါင်းရင်းမြစ်များ  

Mana ginauna theo thugna, eghuteuna theo kaisei naikno nate karha mei ka vikegna mana na.


Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.


Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.


Ke leghugna igne, God ne cheke eghu ka mae Hosia, “Iagho na kiloni thumu na, Jesrel. Gaoghathogna Jesrel teu igne, God ginauna joꞌu soru lamna glose. Naugna iara na theome raugha na parani tharaknagna mae Jehu eidi naikno te lehe ka namono Jesrel tifa ra. Eghuteuna iara ginauna fagnafadi mae king igre mala theo kaisei mae ka vikegna mae Jehu nate funei fruni ni kantri Israel.


Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.


Nu kate paradi iagho naikno te diꞌa are, ke paradila ngau iagho naikno te theome leghudi puhimu iagho te keli fara are eghu. Tahati toreni Lord mala tusu mei pharikeli ka tahati naiknoda Israel gre eghu.


Ghehati magnahagheni mana nei iheire fateo eghu nate karha mei ka vikegna mana ginau re mala kafe lehe! Uve, ghehati theome magnahagheni kaisei naikno te ghatho fapuloni mana na.


Mana ne aknu falehe mae pris te loku ka vido blahi igre. Eghuteuna mana ne gnubra nhubradi mae igre ka olta igre. Ke leghudi igre mana neke figri Jerusalem.


Aonu mae king Ehab ne kilo meidi fati gobi profet. Eghuteuna mana ne ghusna eghu ka mae profet igre, “Ba, iara tangomana te tei magra ka king gna Siria jare Ramot-Gilead, ba theo?” Hatimare ne cheke eghu ka mana, “Uve king, tei sagho. Noda Lord ginauna togho nigho mala uluni iagho magra na!”


Iagho thono fakabruni fara nagnafagu iara na, eghuteuna iagho jaola batudi naikno di Israel ka nakhibo. Eghume, vikemu iagho gre ginauna lehe jateula vikegna King Jeroboam, thugna mae Nebat ia eghu. Eghuteuna vikemu iagho igre ginauna dofidi jateula vikegna King Basa, thugna mae Ahaeja ia eghu.’


Aonu profet Elija ne cheke eghu, “Ghotilo haru famaku nogna profet Baal are, thosei snakreni kaisei profet mala rikha!” Aonu mare ne kafe haru famakudi ne hui. Eghuteuna Elija hata mae profet igre ne soru ka Glogu Khoꞌu Kison ne kafe aknu falehe jare.


Gognarona iagho kilo meidi naikno di Israel ra mala mei thafo ghau iara ka Thogele Kamel. Eghuteuna iagho hata mei fati gobi glimafulu profet nogna Baal ra baludi fati gobi profet nogna Astarot te reireghi Kuin Jesebel ra.”


Ka narane te king mae Simri igre, mana ne aknu falehe mae te gnafa ka tharaknagna mae King Basa baludi kheragna mana re.


King Basa ne aknu falehe ne hui iheire te gnafa teke karha mei ka tharaknagna King Jeroboam. Theo kaisei ka tharaknagna King Jeroboam te karha na, eghume tharaknagna mana na ne kafe hui. Igne ne thofno horoghoto fara ka unha teke chekeni Lord tifa ka nogna mae gloku Profet Ahaeja maegna ka namono biꞌo Saelo.


“ ‘Naugna eidi glepo igre, iara ginauna snakre mei puhi biꞌo mala roꞌeni tharaknamu iagho na mala theo kaisei ka ghotilo nate king ke leghumu iagho na. Iara ginauna kafe falehedi mae te gnafa re, neubane naikno sneka ba naikno snagla. Iara ginauna kafe fahui ghami ghotilo jateula mae te gnubra chara ra eghu.


Eghuteuna Lord ne toghodi mae Israel ne uluni mare magra igne. Aonu mare ne ngolhi leghudi mae naoka igre ne ghilei tei posa ka glogu Mispa ke mosudi phei namono biꞌo Saedon ghe Misrefot Maim. Nogna soldia mae Josua igre magra heta ne ghilei lehe fahui hatimare mae naokare.


Lord ne toghodi mare ne uluni magra igne. Aonu mare ne hata king na, eghuteuna mare ne aknu falehe ne gnafa naiknore ne theo kaisei te karha na. Mana ne eni nafnata puhi igne ka mae king gna Libna jateula teke eni mana ka mae king gna Jeriko ia neu.


Aonu mae Jehu baludi nogna soldia re jifla Jesrel ne tei Samaria. Mare ne mei ka vido aheva te au fabrahu tagna mae te reireghi sipu gre.


Eghuteuna kate paradi mae Jehu vikegna King Ehab igre, mana ne filodi keha mae biꞌodi Juda ne au neu baludi thudi kheragna King Ahasaea. Mare neke mei balugna King Ahasaea ka narane teke mei sighoni King Joram. Eghuteuna mae Jehu ne aknu falehedi mare ne hui.


“Ba, iagho filoni King Ehab tela nhaꞌa faparini thegna gognarogne? Naugna tela nhaꞌa faparini thegna mana ke ulugu iara igne, iara ginauna theome eni kaisei puhi biꞌo mala thokeni mana kate karha teu mana na. Nu puhi biꞌo igne ginauna thokedi vikegna manare ka narane te king thugna mana na.”


Iagho mala roꞌeni nou King Joram, nei iheire te gnafa ka vikegna mae Ehab, naugna tifa na Kuin Jesebel neke aknu falehedi mae profet nei keha nogu mae gloku iara ra. Ka puhi igne, iara ginauna nake tughu fapulo puhigna naꞌa te diꞌa ra.


Iara ginauna na fagnafani vikegna mae Ehab, jateula teke eni iara ka vikegna King Jeroboam, thugna mae Nebat, nei vikegna King Bahasa, thugna mae Ahaeja ra eghu.


Ka narane te tei King Ahasaea te sighoni King Joram igne, Lord ne vahini narane igne mala goigoni ni mae Ahasaea. Aonu Lord ne vahini Jehu thugna mae Nimsi mala aknu falehe vikegna King Ehab. Kate au teu King Ahasaea balugna King Joram igne, phei king igre tei ne thafoni Jehu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ