Fapea Kings 1:3 - Buka Blahi Ka Cheke Holo

³ Nu nogna engel Lord na mei ne cheke ka mae profet Elija, maegna Tisbe mala tei thafodi nogna mae gloku king gna Samaria, eigna mana kurudi mare mala tei Ekron. Eghuteuna engel ne cheke ranghini mae Elija mala cheke eghu mana ka mare, “Tore, naugna unha si ghotilo te magnahaghei tei toreni Baal-Sebub nodi god naiknodi Ekron grea? Ba, ne theo kaisei God te au agne Israel na?

Fapea Kings 1:3 ပူးပေါင်းရင်းမြစ်များ

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Profet Jona 2:8

“Iheire te loku maku ka mumuju igre, naikno igre theome ghatho tahu nigho iagho.

Nodi Khoje Hatimare Mae Jiu 76:1

Naiknodi Juda mare thofno laseni God. Eghuteuna naiknodi Israel mare thofno ghatho tahuni nanghagna mana na.

Mae Khuru 8:26

Kaisei fata, nogna engel Lord na ne cheke eghu ka mae Filip, “Tarabana gho mala tei ke mata ka nabrou te mei funu Jerusalem te mala soru namono Gasa.” Nabrou igne tei sala'u ka namono nagou.

Nonomho Te Keli Teke Risoi Mae Mak 3:22

Keha mae velepuhigna vetula nogna mae Moses funudi Jerusalem ne cheke eghu, “Filoni si ghotilo, mae Satan mae te kiloi Bielsebul na au ka mana. Mae Bielsebul gne mae funeidi naiture, mana tusu ranghini mana nolaghi te mala bruedi naiture.”

Fapea Kings 5:15

Mae Naman baludi nogna mae gloku re neke figri ka mae nogna profet God. Mae Naman tei ne kegra ke ulugna mana ne cheke eghu, “Tutuani fara, gognarona iara laseni, nomi God ghotilo maemi Israel kolho te tutuani na. Eghume, iara magnahaghei nigho iagho te hata namha ikoi igne.”

Fapea Kings 1:8

Mare ne cheke eghu, “Mae igne pipichi ka pohe teke horo ka khakla kamel, eghuteuna hugha ka glepo teke horo ka guli buluka.” Eghuteuna king ne cheke eghu, “Elija gne kaisei maegna Tisbe!”

Fapea Kings 1:6

Eghuteuna mare ne cheke eghu, “Ghehati neke thafoni kaisei mae ka nabrou na, eghuteuna mana neke cheke ranghi ghami ghehati mala ke figri mala cheke ka iagho unha teke cheke Lord ka mana na. Lord neke cheke eghu, ‘Naugna unha sagho te kurudi mae igre te tei toreni Baal-Sebub nodi god naiknodi Ekron igrea!? Ba, naugna ne theo kaisei God te au agne Israel na? Naugna te eni iagho igne, iagho ginauna na theome tangomana te jifla kokoni nou sape na, eghuteuna iagho ginauna lehe tutuani.’ ”

Fapea Kings 1:2

Kaisei narane, mae Ahasaea king gna Israel uka ne ghoreho ka nogna suga na Samaria. Aonu mana kurudi keha mae nogna mae gloku mala tei ka namono Ekron ka kantri Filistia mala toreni Baal-Sebub, nodi god mae Ekron, mala laseni nake keli ba theo teuna.

Ululahu Kings 21:17

Nu Lord ne cheke eghu ka Profet Elija, maegna Tisbe igne,

Ululahu Kings 19:7

Eghuteuna engel nogna Lord igne mei ne fadofrani mana ne cheke eghu, “Khegra haghe ghamu. Jame te theo iagho na, iagho ginauna theome naba te tei na.”

Ululahu Kings 19:5

Aonu mana thuru soru ke parigna gaju igne ne thuru iho. Eghuteuna kate thuru teu mana igne, kaisei engel megei nga ne mei habo ka mana ne cheke eghu, “Iagho kegra haghe ghamu.”

Ululahu Kings 18:36

Eghuteuna fei grafi ka vido mala fafara na, profet Elija lao ka olta na ne tarai, “Lord, iagho nogna God mae Ebraham, nogna God mae Aesak nei nogna God mae Israel. Iagho falase mei gognarogne iagho te nomi God ghehati maemi Israel, eghuteuna iara gne nou mae gloku iagho, eghuteuna iara eni igne, naugna iagho neke cheke ranghi ghau iara.

Ululahu Kings 18:1

Ka fatilo finogha te theome nakhete igre, Lord ne cheke eghu ka profet Elija. “Iagho tei filoni King Ehab. Eigna iara ginauna na theome raugha na kuru meini nakhete na.”

Ululahu Samuel 17:46

Gognarogne, Lord ginauna snakre mei nigho iagho ka khamegu iara. Iara ginauna falehe nigho iagho, eghuteuna iara ginauna kusu phaꞌumu iagho na. Eghuteuna iara ginauna snakre lao thinimi ghotilo mae Filistia are ka nanghaji nei ka glepo te tautagu are eghu mala ghamu reꞌe. Aonu naikno te gnafare ginauna laseni te God na reireghini Israel.

Fapea Kings 5:8

Mae Elisa, nogna mae profet God igne, mana nomhini nogna cheke mae king igne ne diꞌa nagnafagna ne rerheku nogna pohe na. Aonu mae Elisa ne fatei cheke eghu ka king, “Naugna unha sagho te theome keli tamu ka puhi ignea? Iagho kuru meini mana ka iara agne, eghuteuna iara ginauna falalase ka mana te kaisei mae profet tutuani na au agne Israel.”

Ululahu Kings 11:33

Iara ginauna eni igne, naugna mae Solomon baludi naiknodi Israel igre ne tei koko ghau iara, nei mare pogho soru ka god Astarot nodi god gaꞌase naiknodi Saedon, eghuteuna Kemos nodi god naiknodi Moab, eghuteuna Molek nodi god naiknodi Amon. Mare theome leghuni puhigu iara na. Eghuteuna mare theome eni unha te doglo ka tathagu iara na, mare theome leghudi nogu vetula nei nogu cheke teu iara re jateula King Devet kmagna mae Solomon teke edi tifa ra eghu.

Profet Isaia 8:19

Naiknore ginauna cheke ka ghotilo mala tei ka mae nalhaꞌu nei gaꞌase teu te lasedi kastom nei au naitu khora phaꞌu teura, ba cheke baludi iheire tela lehehi ra. Naikno igre cheke faꞌikoi ka thua nafnata cheke mala theome tangomana kaisei naikno te nomhidire. Nu ghotilo thosei fanomho ka mare. God kolho te mala tore ghotilo na! Ba, mala unha si naikno gre te toredi iheire tela lehehi ra te mala toghodi iheire te karha nga teu igrea?