Fapea Kings 1:16 - Buka Blahi Ka Cheke Holo

¹⁶ Mae Elija tei ne cheke eghu ka king, “Lord ne cheke eghu, ‘Ne theohila kaisei God te au agne Israel na neu sagho te kurudi keha mae te tei toreni Baal-Sebub nodi god naiknodi Ekron grea? Naugna te eni iagho igne, iagho ginauna na thuru au ka nou sape na lehe tutuani.’ ”

Fapea Kings 1:16 ပူးပေါင်းရင်းမြစ်များ

Ululahu Kings 22:28

Nu mae Maekaea ne cheke eghu, “Jame karha teke pulo mei iagho na, Lord na neke theome cheke mei ka iara.” Eghuteuna mana ne cheke eghu ka mare, “Ghotilo te gnafa na kafe fanomho ka unha te chekeni iara igne.”

Fapea Kings 1:6

Eghuteuna mare ne cheke eghu, “Ghehati neke thafoni kaisei mae ka nabrou na, eghuteuna mana neke cheke ranghi ghami ghehati mala ke figri mala cheke ka iagho unha teke cheke Lord ka mana na. Lord neke cheke eghu, ‘Naugna unha sagho te kurudi mae igre te tei toreni Baal-Sebub nodi god naiknodi Ekron igrea!? Ba, naugna ne theo kaisei God te au agne Israel na? Naugna te eni iagho igne, iagho ginauna na theome tangomana te jifla kokoni nou sape na, eghuteuna iagho ginauna lehe tutuani.’ ”

Fapea Kings 20:1

Theome raugha armi gna Asiria igne mei ne magra Juda, King Hesekaea ne fogra fara ne ghilei namo lehe. Aonu profet Isaia thugna mae Amos, tei ne cheke eghu ka mana, “Lord ne cheke eghu, ‘Te keli na iagho fadoglidi nou gobigna lepore, eigna iagho ginauna lehe, eghuteuna iagho ginauna theome tangomana na teke keli fapulo na.’ ”

Fapea Kings 5:21

Aonu mae Gehasi ne tei ke leghugna mae Naman. Kate filoni mana kaisei mae te mei ke leghugna na, mae Naman ne krofu soru ka nogna chariot na ne kegra neu ka nabrou na. Mae Gehasi mei ne thafoni mana. Eghuteuna mae Naman ne ghusna eghu ka mae Gehasi, “Ba, gobigna lepore keli au kolho?”

Fapea Kings 8:10

Mae Elisa ne cheke eghu, “Iagho tei cheke eghu ka mana, ‘Uve, iagho ginauna nake keli fapulou.’ Nu Lord fakakhana hi ka iara mana ginauna lehe.”

Fapea Kings 8:8

Aonu king ne cheke eghu ka mae Hasael nogna mae gloku na, “Hata kaisei namha balumu tei thafoni mae nogna mae gloku God. Eghuteuna iagho toreni mana mala ghusna eghu ka Lord, ‘Ba, king gna Siria nake keli fapulo ka fogra igne ba theo?’ ”

Nodi Khoje Hatimare Mae Jiu 132:3

Mana neke nhaꞌa cheke eghu agne, “Lord God, iagho nogna God mae Jekop, nolaghi te gnafa gre nou iagho. Iara magnahaghei te filoni kaisei vido te mala aumu iagho na. Jame te theo na iara ginauna na theome tangomana te tei ruma ka sugagu na te mala gnafa ba te mala thuru na.”

Proveb 11:19

Ihei te heta ghegna te leghuni puhi te doglo na, ginauna karha. Nu ihei te heta ghegna te leghuni puhi te diꞌa na, ginauna lehe.

Profet Esikiel 14:4

Eghume, iagho cheke eghu ka mare, igne teke chekeni Lord na: ‘Ghotilo naiknomi Israel ra. Jame ihei ka ghotilo naiknomi Israel te tarai ka keha god delei ra, eghuteuna lilisei mumuju ka nogna suga na te mala batuni te mala khoko ka nakhibo na, eghuteuna tei hironi kaisei nogu mae profet iara mala laseni kaisei glepo teuna, iara Lord ginauna tusu lao cheke tughu te nabadi nakhibo biꞌo teke edi manare.