Fapea Kings 1:11 - Buka Blahi Ka Cheke Holo

¹¹ Aonu mae king neke kuru teini keha mae komanda na balugna glimafulu soldia mala tei filoni mana. Mae komanda igne ne jaola ne cheke eghu ka mana, “Ei, iagho mae mala toutonuni chekegna God ia, king magnahaghei nigho iagho te faghose soru mei.”

Fapea Kings 1:11 ပူးပေါင်းရင်းမြစ်များ

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Profet Jeremaea 5:3

Lord, iagho magnahaghedi iheire te cheke kate tutuani koba. Neuba iagho ne paradi, nu mare theome haimini te kabru ghedi na. Neuba iagho ne goigonidi, nu mare theome snakre nigho iagho te mala fadoglidire. Phaꞌudire maku fara jateula thina eghu. Eghuteuna mare thono tirodi te tughu nagnafa na.

Profet Isaia 32:7

Puhigna mae te chaichaghi igne jaola diꞌa fara, eghuteuna leuleghu fata na mana ghaoghaho te mala goigonidi naikno te kuma re, neuba mare ne doglo neu kolho.

Profet Isaia 26:11

LORD! Iagho ghae haghehi khamemu na paradi mare, nu mare theome tangomana kolho te filo glani na. Falase ranghidi sagho puhimu iagho te ghatho tahudi nou naiknore igne, mala mamaja nodi naikno te leghudi puhi te diꞌa igre. Eghuteuna iagho mala gahudi ka khaꞌaghi teke kulu tarabanahi iagho maladi nou naoka re teku ia.

Proveb 29:12

Mae lida te fanomho ka chaichaghi na, nogna mae gloku te gnafa mana ka gavman na igre ginauna kafe diꞌa hui.

Ululahu Samuel 6:9

Eghuteuna ghotilo filo fakeli ka repa mala laseni jame hata doglo te tei repa Bokis Blahi igne ka namono Bet-Semes ka nogna kantri na. Jame te eghuna, tuana gaoghatho teke au ka Lord te mala goigoni ghita tahati na. Nu jame theome doglo te tei repa ka vido tuana na, nodi God mae Israel gre neke theome kuru meini puhi biꞌo igne ka tahati.”

Naba 16:41

Ka keha narane na, naiknore mei ne cheke balu diꞌatadi ka Moses ghe pris biꞌo Eron ne cheke eghu, “Ei! Ghopa falehedi nogna naikno Lord re!” Eghuteuna kate cheke balu diꞌatadi te gnafa ka Moses ghe Eron na mare filo tei ka nogna Suga Tapuale te Blahi Lord na, ne filoni khoveo te toku tafru Suga Tapuale te Blahi na eghuteuna siasigla gna nogna nolaghi Lord na ne agha tongana ka vido tuana.

Fapea Kings 1:10

Nu mae Elija ne cheke eghu, “Jame te nogna mae profet tutuani God iara na, khaꞌaghi na ginauna soru mei funu kligna, mala gnubra nigho iagho baludi glimafulu nou mae soldia iagho are.” Theome raugha, khaꞌaghi na ne soru mei ne gnhubra mae komanda igne baludi nogna mae soldia re.

Fapea Kings 1:12

Nu profet ne cheke eghu, “Jame kaisei nogna mae profet tutuani God iara meuna, khaꞌaghi ginauna soru mei funu kligna mala gnubra nigho iagho baludi nou mae soldia iagho are.” Ka vido narane tuanala, khaꞌaghi na ne soru mei ne gnhubra mae komanda igne baludi nogna mae soldia re.