Fapea Kings 1:10 - Buka Blahi Ka Cheke Holo

¹⁰ Nu mae Elija ne cheke eghu, “Jame te nogna mae profet tutuani God iara na, khaꞌaghi na ginauna soru mei funu kligna, mala gnubra nigho iagho baludi glimafulu nou mae soldia iagho are.” Theome raugha, khaꞌaghi na ne soru mei ne gnhubra mae komanda igne baludi nogna mae soldia re.

Fapea Kings 1:10 ပူးပေါင်းရင်းမြစ်များ

Luku 9:54

Kate filoni igne, mae Jemes ghe mae Jone ne cheke eghu ka mae Jisas, “Lord, iagho magnahaghei ghami ghepa te chekeni khaꞌaghi na mala soru mei funu kligna mala roꞌedi naikno tuare?”

Profet Daniel 3:25

Mana ne cheke eghu, “Nu ne faꞌunha site filodi iara fati mae te nolo tafri teu lamna khaꞌaghi ra? Theo kaisei phukri ka thinidire, eghuteuna khaꞌaghi na theome ghamudi kolho mare. Fafati mae ka mare igne jateula kaisei engel eghu filo gna na.”

Profet Daniel 3:22

Mae soldia teke paladi thilo mare mala koko lao ke lamnagna khaꞌaghi te brana fara igne ne kafe gnhubra ne lehe. Naugna king neke chekedi nogna mae glokure neke eni khaꞌaghi igne neke brana fara neke salaꞌuni tifa na.

Thakle 11:5

Jame ihei te fariuriu goigonidi phei mae igre na, khaꞌaghi ginau jifla mei ka foflodi phei mae igre mala roꞌedi nei falehedi eghu nodi naokare.

Nodi Khoje Hatimare Mae Jiu 106:18

God ne kuru soruni khaꞌaghi na ke klignadi naikno teke leghudi phia mare re ne nhako ne theo tokadi.

Thoutonu Eigna Mae Job 1:16

Kate cheke teu mana igne, keha mae gloku na posa mei ne cheke eghu, “Funei! Nakafli na soru mei funu kligna gnhubra fahui nou sipu iagho ra baludi mae greireghi sipu ra. Iara thegu kolho rikha te mei cheke ka iagho na.”

Mae Khuru 12:19

Mae Herod ne cheke faheta ka mare mala hironi mae Pita, nu mare ne theome tangomana te ludeni mana na. Aonu mae Herod kilodi mae soldia igre ne ghusnadi mare. Ke leghugna igne mana ne cheke eghu, “Naugna igne, mae soldia igre mala lehe.” Mae Herod ne jifla Judia ne tei au katha vido ka namono Sisaria.

Matiu 21:41

Hatimare mae pris nei hatimare mae biꞌo teure ne cheke eghu ka mana, “Mana na kafe falelehe naikno te diꞌa tuare. Eghuteuna mana na snakre lao ka keha mae delei nagare tuana. Mare ginauna na tusu fapulo ka mana unha teke nabagna mana ka narane te ghanogna nagare tuana.”

Profet Daniel 6:24

Aonu mae king ne cheke ka nogna mae glokure mala hata meidi mae iheire teke fateni mae Daniel ra. Aonu mare hata ne mei mae igre baludi khetodi nei thudi teure mala koko soru ka khora lion igne. Naikno igre theome tei thoke neu pari ne hui ka lion.

Nodi Khoje Hatimare Mae Jiu 105:15

Mana neke cheke eghu ka hatimare mae king, “Ghotilo thosei goigonidi naikno teke vavahi iara igre, nei ghotilo thosei eni kaisei glepo te diꞌa ka nogu mae mala cheke iara igre eghu mae Ebraham, mae Isak nei mae Jekop.”

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Ululahu Kings 22:28

Nu mae Maekaea ne cheke eghu, “Jame karha teke pulo mei iagho na, Lord na neke theome cheke mei ka iara.” Eghuteuna mana ne cheke eghu ka mare, “Ghotilo te gnafa na kafe fanomho ka unha te chekeni iara igne.”

Naba 16:35

Aonu Lord ne famei khaꞌaghi na ne nako fahui phei gobi glimafulu mae teke tufa insens.

Naba 11:1

Aonu naiknore ne funu cheke faparini Lord, naugna mare ne au mei fara kmana puhi tadi. Kate nomhini igne, Lord ne thofno diꞌatagna fara, ne fasoru khaꞌaghi na ka mare, eghuteuna keha naikno ka mare ne lehe, eghuteuna keha vido, nei suga teu te au mare re ne nhako ka khaꞌaghi biꞌo na.

Fapea Kings 1:11

Aonu mae king neke kuru teini keha mae komanda na balugna glimafulu soldia mala tei filoni mana. Mae komanda igne ne jaola ne cheke eghu ka mana, “Ei, iagho mae mala toutonuni chekegna God ia, king magnahaghei nigho iagho te faghose soru mei.”

Levitikas 10:2

Aonu khaꞌaghi igne megei nga ne jifla mei ka vido aheva te au teu Lord na ne gnhubra ne lehe phia mare ke ulugna mana.