Fapea Jone 1:5 - Buka Blahi Ka Cheke Holo

⁵ Uve nakrupe biꞌo, iara theome riso ari kaisei vetula majaghani ka ghotilo nu vetula teke kulu hata tahati tifa ia kolho. Iara tore ghami ghotilo mala fari namhai tahati.

Fapea Jone 1:5 ပူးပေါင်းရင်းမြစ်များ

Ululahu Jone 3:11

Igne vetula te nomhini ghotilo tifa na: Tahati mala fari namhai.

Ululahu Tesalonika 4:9

Ghehati theome naba te riso ari ka ghotilo eigna te mala namhani kherada fofodu ka khiloau. Naugna God thegna farirhiu ghamihi ghotilo te mala fari namhai na.

Jone 15:12

Igne nogu vetula iara na: Fari namhai jateula ngau iara te namha ghami ghotilo gne eghu.

Ululahu Jone 3:23

Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.

Ululahu Jone 4:20

Jame kaisei naikno cheke eghu, “Iara namhani God,” nu tirognani kheragna fofodu na teuna, mana kaisei mae chaichaghi. Eigna mana theome tangomana te namhani God, mae ihei mana te theome filoni, jame te theome namhani mana mae kheragna fofodu na, mae ihei mana te filoni.

Ululahu Pita 4:8

Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Fapea Pita 1:7

Ghotilo mala namhadi naikno khiloau are nei namhadi naikno te gnafa.

Hibru 13:1

Namhadi fabrahu kherami naikno khiloau are.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Jone 15:17

Eghume igne nogu vetula biꞌo iara te tusu ari ka ghotilo na: Fari namhai!”

Fapea Jone 1:1

Iara mae mala baubatu khiloau, magnahaghei te riso ari letas igne ranghidi nakrupe vavahi nei goro thugna te thofno namhadi iara. Theome thegu iara ngala, nu naikno khiloau te gnafa te lasei u tutuani eigna mae Kraes te au balugu iara igre kafe namha ghami ghotilo.