Esra 9:8 - Buka Blahi Ka Cheke Holo

⁸ “Nu gognarona, iagho nomi Lord God thofno keli fara ka ghehati, eghuteuna iagho snakredi keha ka ghehati mala karhau, mala tangomana ghehati teke pulo mei mala teke au fakeli ka nou vido blahi iagho igne. Neuba ghehati ne au jateula naikno sneka neu, nu iagho tusu mei nakarha majaghani ka ghehati mala farerheta gaoghathomi ghehati gre.

Esra 9:8 ပူးပေါင်းရင်းမြစ်များ

Nodi Khoje Hatimare Mae Jiu 13:3

God, iagho nogu mae funei iara. Ghatho ghau iara sagho nei nomhidi eghu nogu tharai gre. Farheta ghau mala theome tangomana iara te lehe na.

Profet Hosia 6:2

Katha vido kmoꞌei kolho mana ginauna tangomana na teke fakeli fapulo ghita na. Eghuteuna tahati ginauna nake au balugna mana fabrahu.

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Nodi Khoje Hatimare Mae Jiu 85:6

Ke farerheta fapulo sagho nakarhami ghehati gre. Eigna ghehati gne nou naikno iagho mala tangomana ghehati te kilo fnakno nigho na.

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.

Letas Teke Riso Tei Mae Pol Ka Khiloau Rom 9:27

Mae Isaia ne eha eghu eidi maedi Israel, “Neuba naiknodi Israel gre ne kmana fara jateula nusu ka glilihi neu, God ginauna fakarhadi keha ghu kolho.

Profet Sekaraea 10:4

Iara ginauna vavahi keha mae ka vikegna Juda mala baubatu ka nogu naikno iara gre. Mare ginauna maku jateula thina te togho hagheni suga na, ba jateula gaju te haru te maku tagna phukrigna suga tapuale ia eghu, ba jateula phaloho mala magra ra eghu.

Profet Sekaraea 8:12

“Ghotilo ginauna tangomana te au fakeli, eghuteuna nomi nagare ghotilo are ginauna kotu fakeli. Nomi gaju grep ghotilo are ginauna ure kmana sisi, eghuteuna gano te joꞌu ghotilo re ginauna au kmana gano, naugna famane nakhete ginauna mei. Leuleghu fata iara ginauna fablahidi iheire te karha teu ka glepo te keli igre.

Profet Sekaraea 8:6

Naikno te karha teure nake pulo mei ka nodi namono re, mare na gaoghatho eghu ka nagnafadire, “Tore! Glepo igre thofno ninhigrana fara!” Nu iara Lord iara au nogu nolaghi fateote'o, eghuteuna theo kaisei glepo te ninhigrana ka iara. Igne nogu cheke iara Lord.

Profet Esikiel 14:22

Nu neuba, keha naikno ka namono igne ginauna mala karhau. Eghuteuna mae soldia igre ginauna hata mei ka ghotilo agne Babilonia. Kate filodi ghotilo puhidi mare te diꞌa re, nei glepo te diꞌa te gnafa te edi mare re teuna, ghotilo ginauna theome diꞌanagnafami fara, naugna ghotilo filo glani papara biꞌo teke tusu lao iara ka naiknodi Jerusalem igne thofno doglo fara. Igne nogu cheke iara Lord.”

Profet Jeremaea 44:14

Theo kaisei naikno gna Juda te mei au Ijep igre nate rikha, ba nate karha teke figri Juda na. Neuba mare ne magnahaghei fara teke figri na, keha naikno ghu kolho nate rikha teke figri na.’ ”

Profet Jeremaea 42:2

Mare ne cheke eghu ka mana, “Iagho fanomho ka unha te toreni ghehati igne. Toreni Lord nou God, mala kafe togho ghita tahati gnafa te aunga teu gre. Tifa na tahati neke kmana, nu gognarona tahati la katha bua kolho.

Profet Isaia 56:5

Iara ginauna tusu ari nafnakno ka mare ke lamnagna nogu Sugablahi na, uluni jame te au thudi mare na. Eghuteuna nogu naikno iara re ginauna theome ghatho ihodi mare.

Profet Isaia 1:9

Jame Lord mae ihei te au nolaghi fateote'o igne theome fakarhidi keha naikno ka tahati meuna, tahati ginauna jame kafe luvu fahui jateula naiknodi phei namono biꞌo Sodom ghe Gomora tifa ra eghu.

Eklesiasti 12:11

Nogna cheke mana igre jateula nogna khodo mae greireghi sipu te batudi nogna sipu ra eghu. Uve, famane cheke igre jateula nila te churu te tei lamna gaju te fei augna ra eghu. God mae ihei te tusu mei famane cheke igre, mana reireghi fakeli ghita tahati jateula nogna sipu eghu.

Nodi Khoje Hatimare Mae Jiu 138:7

Kate thoke ghau iara hoholo na, iagho fakarhi ghau iara. Iagho tapla fapari nodi mae nogu naoka iara re, iheire te diꞌa tadi fara ngala ka iara. Iagho fakarhi ghau ka nou nolaghi na.

Nodi Khoje Hatimare Mae Jiu 34:5

Iheire te au diꞌanagnafa nu au nodi fatutuani ka Lord teure, mare kelitadi fara. Eghume nodi fatutuani re theome tangomana te fiti luvu kolho na.

Thoutonu Eigna Mae Job 33:30

Leghu fata na, mana theome snakredi naiknore mala soru pari ke lamna beku, eghuteuna mana eni nogna juta na mala agha tei tadi.

Nehemaea 9:31

Nu nou lolokeli iagho ranghidi naiknore thono biꞌo fara, eghume iagho theome figri tagrudi nei theome snakredihi te mala goigonidi re. God, leuleghu fata na iagho kokhonidi naiknore, nei iagho magnahaghedi fara mare!

Nehemaea 1:11

Lord, fanomho ka nogu tharai iara gne nei ka nodi tharai nou naikno gloku iagho te magnahaghei ghatho tahuni nanghamu iagho gre. Togho ghau gognarogne, mala tangomana king te kokhoni ghau iara na, nei mala eni mana unha te toreni iara na eghu.” Ka narane tuare, iara kaisei nogna mae biꞌo king mae ihei te rouronu ghau iara fara, eghuteuna iara thegu kolho te tangomana te reireghidi ghegna waen mana re.

Esra 9:9

Tutuani, ghehati neke au jateula naikno sneka neku, nu iagho nomi God neke theome tei koko ghami ghehati. Iagho ghatho tahu ghami ghehati fara neke cheke ka nagnafagna king gna Pesia mala togho ghami nei snakre ghami te mala karha teu ghehati mala teke babana fapulo nou Sugablahi iagho teke goigoni mae naoka ra. Eghuteuna iagho neke tusu lao gaoghatho te keli ka mare neke togho ghami nei tusu ranghi ghami glepo te mala eni gloku igne. Eghuteuna gognarona ghehati au ka pharikeli agne Juda nei Jerusalem.

Fapea Kings 19:4

King gna Asiria igne neke kuru meini kaisei nogna mae komanda mala cheke faparini God mae ihei te karha te tifa. Tahati toreni Lord noda God mala nomhidi cheke te diꞌa igre, eghuteuna Mana ginauna paradi mare. Eghume tore ka God eida tahati naikno te karha nga teu gre!”

Ululahu Samuel 14:29

Aonu mae Jonatan ne cheke eghu, “Kaisei glepo theome keli te eni mae mama igne! Filo si ghotilo! Iara kela rheta fapulo, naugna iara neke ghamu jurukuli!

Ululahu Samuel 14:27

Nu mae Jonatan neke theome nomhini tabu teke eni mae kmagna na igne, aonu mana ne jajaꞌi jurukuli igre ka khodo teke louloku teku na ne hata keha ne ghamu, eghuteuna mana neke haimini teke roi keli kakatha na.

Proveb 29:13

Neubane mae kuma ba ihei te goigonini mae te kuma na, phiamare kaisei nanaba ngala, naugna Lord neke kafe tusu lao tatha ka phiamare te mala filo na.

Profet Isaia 14:3

Ka narane teke hata fajifla ghita Lord ka namono igne teke tei au kabru nei loku jateula sneka teku tahati ra, gognarona mana tusu ranghi ghita na au blagna nei pharikeli.

Nodi Khoje Hatimare Mae Jiu 13:4

Eghume, nogu naoka iara gre ginauna theome tangomana te cheke eghu na, “La au hila ka khameda tahati si mae gnea.” Iagho thosei snakredi mare mala glealeꞌa te filoni mare te au teu iara ka khamedi mare na.

Profet Isaia 6:13

Neubane phei, ba thiloi naikno te au na, iara ginauna na jaola goigonidi. Neuba, nogu naikno blahi majaghani iara igre ne jateula gaju majaghani te seseke haghe ka pesigna teke kato soruhi ra neu.”

Profet Sefanaea 3:12

Iara ginauna snakredi naikno igre mala au Jerusalem, iheire te au fapari nei iheire te rouronu ka God te mala toghodi re.