Esra 9:3 - Buka Blahi Ka Cheke Holo

³ Kate nomhini igne, iara thono diꞌanagnafagu fara ne rerheku nogu pohe na, eghuteuna iara rarathu khakladi phaꞌugu nei gremohogu teure, aonu iara tei ne gnokro pari naugna iara ne thono faꞌiho ghau fara.

Esra 9:3 ပူးပေါင်းရင်းမြစ်များ

Nehemaea 1:4

Kate nomhini iara cheke igne, iara gnokro pari ne tanhi nogu. Ka phei ba thilo narane, iara ne theome ghamu ne diꞌanagnafa nei tanhi neu kolho. Eghuteuna iara ne tarai fabrahu ka God gna kligna,

Josua 7:6

Kate nomhini mae Josua baludi mae mala baubatudi Israel igre nonomho igne, mare ne diꞌanagnafadi fara. Aonu mare ne rerheku nodi pohere balu ghiha nakrofu ka phaꞌudire, fagaglanagna nodi diꞌanagnafa na. Ke leghu, mare tei ne pogho soru pari ka glose na tathadi nei foflodi teure ke ulugna nogna Bokis Nhaꞌa Cheke Lord na ne ghilei rafi.

Profet Maeka 1:16

Naiknomi Juda! Ghotilo mala kuchi khaklami are fagaglana gna te diꞌanagnafa nei tanhi teu ghotilo na. Ghotilo mala kuchi koko khakla re mala klaja, naugna noda naoka tahati re ginauna mei huhurudi goro sua ke namhadi fara tahati gre mala tei au ka nodi namono re.

Profet Daniel 8:27

Iara ne diꞌanagnafagu fara ne fogra keha narane kate nomhini igne, eghuteuna ke leghudi phei ba thilo narane ke leghugna igne, iara neke keli fapulo. Kate ke ghaota fapulo na, iara kegra haghe neke figri ka gloku teke tusu ranghi ghau king. Neuba, kate loku na iara ghathoni fabrahu mifi igne, nu iara theome raꞌe lase fakelini kolho gaoghathogna na.

Profet Daniel 4:19

Mae Daniel mhaghu nogna fara te chekeni gaoghatho gna glepo igne. Aonu king ne cheke eghu, “Beltesasa, thosei mhaghu. Thosei snakreni gaoghathogna mifi igne mala famamhaghu nigho.” Aonu mae Beltesasa ne cheke eghu, “King, iara theome magnahagheni mifi igne te kahi nigho iagho na. Nu iara magnahagheni glepo igne te kahidi kolho nou naoka iagho re.

Profet Esikiel 7:18

Mare ginauna pipichi ka pohe thona, eghuteuna mare ginauna mhaghu balu dedede nodi. Mare ginauna mamaja nodi fara ghoighori phaꞌudi re, fagaglagna nodi diꞌanagnafa na.

Profet Esikiel 3:15

Iara ne thoke ka khoꞌu biꞌo Keba ka namono Tel-Abib, aheva te au teu naiknodi Israel. Iara tei ne au baludi nabagna fitu narane, naugna iara ne jana nogu ne theome keli gaoghathogu ka gobigna te filodi nei nomhidi teure.

Profet Jeremaea 36:24

Kate nomhidi mae king cheke igre, baludi nogna mae biꞌo re, mana jaola theome mhaghu, nei jaola theome rerheku nogna pohe na neu, fagaglana gna nogna diꞌanagnafa na.

Profet Jeremaea 7:29

“ ‘Kuchi khaklami are! Fagaglanagna te diꞌanagnafa ghotilo na! Haghe ka thogele mala tanhi fabiꞌo, naugna iara Lord diꞌatagu fara la tei koko ghami ghotilo.’ ”

Profet Isaia 15:2

Naikno ka namono Dibon igre tei ka vido mala tarai na mala diꞌanagnafa nei tanhi eghu. Naiknodi Moab igre tanhi fabiꞌo ke kligna thogele Nebo nei ka namono Medeba. Mare ghoighori phaꞌudi nei gremohodi teure, naugna mare ne thono diꞌanagnafadi fara.

Nodi Khoje Hatimare Mae Jiu 143:4

Eghume iara gognaro na namo nigrahila nei jaola la namo gnafahila nogu gaoghatho te kelire.

Nodi Khoje Hatimare Mae Jiu 66:3

Tahati cheke eghu ka God, “Gobigna lepo te edi iagho re thofno keli fara, nou nolaghi iagho na biꞌo e salaꞌui, nou naoka iagho re ne mhaghu nodi ne tufru soru, ne ghatho tahu nigho.

Thoutonu Eigna Mae Job 1:20

Job kegra haghe ne rerheku nogna pohe na, eghuteuna kuchi koko khaklagna re naugna mana ne diꞌa nagnafagna fara. Mana thuru soru pari tathagna nei foflogna teure ka glose na ne cheke fakelini Lord.

Nehemaea 13:25

Iara cheke faheta ka naikno igre ne kilo mei puhi biꞌo mala thokedi mare. Kehare iara puphuri, eghuteuna kehare iara korho koko khakladire mala mamaja nodi mare. Iara huhurudi mare mala nhaꞌa cheke ka nanghagna God, mala thosei snakredi mare thudi gaꞌasere mala tolaghi ka thudi nalhaꞌu mae bongihehe, eghuteuna mare mala thosei hata thudi gaꞌase naikno bongihehe igre mala tolaghi ka thudi nalhaꞌu mare re.

Fapea Kings 18:37

Aonu mae Eliakim, mae Sebna nei mae Joa eghu ne thofno diꞌa nagnafadi fara ne rerheku nodi pohere. Aonu thilo mare tei ka King Hesekaea ne toutonu ka mana gobigna lepo teke chekedi mae komanda gna Asiria igne.

Levitikas 21:5

“Pris na theome mala ghoighori phaꞌugna na ba gremohogna na mala laseni te diꞌanagnafa ka glehegna kaisei naikno na, eghuteuna mana mala theome vahe thinigna naugna mana te diꞌanagnafa na.

Fapea Samuel 1:11

Mae Devet nomhini igne ne diꞌanagnafa gna fara, ne rerheku nogna pohe na. Mae te gnafa te au balugna mana igre jaola ne eni igne.

Nodi Khoje Hatimare Mae Jiu 119:53

Iara ne thono diꞌatagu fara kate filodi iara naikno te diꞌa te theome leghudi nou cheke iagho re.