Esra 9:13 - Buka Blahi Ka Cheke Holo

¹³ “God, tutuani fara te cheke eghu iagho ka ghehati na, nu ghehati theome leghudi nou cheke iagho ra ne edi kmana nakhibo biꞌo nei najafra. Eghume iagho nabamu te para ghami ghehati eidi puhi te diꞌa igre. Nu theo eghu, iagho kokhoni ghami ghehati nei snakredi keha ka ghehati mala karhau.

Esra 9:13 ပူးပေါင်းရင်းမြစ်များ

Nodi Khoje Hatimare Mae Jiu 103:10

Neuba tahati ne nabada te au papara fara eidi nakhibo teke edi tahati re, nu God tusu mei ka tahati katha vido papara ikoi kolho.

Lamentations 3:22

Nogna namha Lord na theo ka khusu gna. Puhi te kokhoni ghita nei keli ranghi ghita teu mana igne au fabrahu tifa tifa.

Thoutonu Eigna Mae Job 11:6

God tangomana te cheke ka iagho eigna gaoghatho te keli igne au kmana vido tagna, eghuteuna ninhigrana fara te mala laseni thofno gaoghatho te keli na. Iagho laseni God para nigho iagho ka puhi te ikoi fara uluni unha te nabagna nakhibomu iagho na.

Galesia 3:4

Kmana glepo la lasedihi ghotilo ka nakarhamire. Ba, fiti glepo kolho? Iara theome fatutuani ni tuana.

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.

Nehemaea 9:32

“Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Nehemaea 13:18

Tifa na kuꞌeda tahati ra neke enila nafnata puhi igne, eghuteuna God neke diꞌatagna fara ka mare neke goigoni namono igne. Gognarona ghotilo la eni puhi igne eghuteuna God thono diꞌatagna fara ka tahati.”