Esra 8:35 - Buka Blahi Ka Cheke Holo

³⁵ Ghehati te gnafa iheire teke pulo mei funu Babilonia ra, ghehati hata neke mei glepo mala fafara ka God gna Israel. Malagna fafara te gahu te krono fara igne, ghehati hata nabotho phei buluka nalhaꞌudi nanaba ka nabotho phei vikegna Israel, eghuteuna nhevasalei namno sipu nalhaꞌudi, eghuteuna fitusalei fitu sua sipu nalhaꞌudi. Eghuteuna ghehati jaola hata nabotho phei nanigot nalhaꞌudi mala fafara mala hata fadelei Lord nakhibodi re. Igre unha teke fafara ghehati ka Lord.

Esra 8:35 ပူးပေါင်းရင်းမြစ်များ

Esra 6:17

Ka narane biꞌo teke fablahigna Sugablahi igne, mare ne aknu falehe kaisei gobi buluka nalhaꞌudi, nei phia gobi sipu nalhaꞌudi, nei fati gobi sua sipu nalhaꞌudi eghu mala fafara. Eghuteuna mare aknu falehe nabotho phei nanigot nalhaꞌudi mala fafara mala gae naiknore ka tathagna Lord. Mare fafara kaisei nanigot kaisei tharakna eghu ka nabotho phei vikegna Israel.

Esra 2:1

Igre nanghadi naikno teke sosolo mala teke jifla ka provins igne Babilonia mala ke figri ka nodi namono Jerusalem nei keha namono ka provins Juda. Mare neke au sosolo Babilonia funu ka narane teke haghe nogna armi Nebukadnesa na neke hata fajifladi ka nodi namono re neke tei au Babilonia.

Esra 8:34

Aonu mare kaha nei skel fakeli neu glepo igre. Eghuteuna mare ne skel nei rioriso soru naba neu glepo igre ka kaisei buka.