Esra 8:22 - Buka Blahi Ka Cheke Holo

²² Iara mamaja nogu fara te toreni king te mala kuru nogna soldia nei mae te saghe ka hose te mala reireghi ghami ghehati ka nabrou na. Iara mamaja nogu naugna iara neke cheke eghuhi ka king, “Nomi God ghehati gne thofno fablahidi fabrahu iheire te fatutuanini mana re, nu thono diꞌatagna fara ka iheire te figri tagruni mana re.”

Esra 8:22 ပူးပေါင်းရင်းမြစ်များ

Ululahu Pita 3:12

Naugna Lord na reireghi fakelidi naikno te doglore. Eghuteuna mana tangomana te fanomho ka nodi tharaire, nu mana figri lao thagrugna na ka naikno te edi puhi te diꞌare.”

Fapea Kronikols 16:9

Leuleghu fata na Lord filo fabrahu ka vido te gnafa ka nauthoglu igne, eghuteuna mana tangomana te farhetadi naikno te leghuni mana re. Nu iagho theome leghuni mana fabrahu, eghume mae naokare ginauna mei magra ka nou kantri iagho igne.”

Lamentations 3:25

Lord na fablahidi iheire te fatutuani ni mana, nei iheire te magnahaghei lase fakelini mana.

Nodi Khoje Hatimare Mae Jiu 34:22

Nu Lord na fakarhidi nogna naiknore, eghuteuna iheire te lao poru ka mana re, mana ginauna reireghi fakelidi nei na theome paradi eghu.

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Hibru 10:38

“Nogu naikno iara te doglo are ginauna athini thofno karha na, naugna mare ne fatutuanidi nogu cheke iara gre. Nu te figri tagru mare te theome fatutuani ghau iara na, iara ginauna na theome keli tagu.”

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.

Esra 7:28

Lord ghatho tahu ghau fara iara, eghuteuna mana cheke ranghini king balu nogna mae advaesa, eghuteuna nogna mae biꞌo mana re au nodi nolaghi mala keli tadi ka iara. Lord nogu God iara na fablahi ghau iara nei farerhetani gaoghathogu iara na, mala tangomana iara te salo fodu kmana lida di Israel mala ke pulo mei balugu iara.”

Josua 23:16

Lord na noda God tahati. Jame te huhughuni ghotilo nogna nhaꞌa cheke mana teke eni baluda tahati ia, eghuteuna jame te tei ghotilo te pogho soru ka keha god delei na, mana ginauna diꞌatagna fara ka ghotilo eghuteuna ginauna thofno para ghami ghotilo. Eghuteuna jame te eghu ghotilo na, theo kaisei ka ghotilo nate au ka famane glose teke tusu ari mana ka ghotilo ana.”

Fapea Korin 7:14

Iara neke cheke fahaehaghe eimi ghotilo ka mae Taetus. Tutuani, ghotilo theome neke famamaja ghami ghehati naugna gobigna lepo teke chekedi ghehati eimi ghotilo ka mana igre tutuani fara. Jaola gobigna lepo teke chekedi ghehati ka ghotilo ra tutuani fara.

Ululahu Korin 9:15

Nu neuba, iara theome toreni kaisei vido sileni ka ghotilo. Eghuteuna iara theome risoni igne mala hata kaisei glepo ka ghotilo. Nabagu na iara mala kulu lehe kolho! Tutuani, theo kaisei naikno te tangomana te tughu puhigu iara te fahaehaghe koba igne.

Nodi Khoje Hatimare Mae Jiu 90:11

Theo kaisei naikno te filo glani u nolaghi te diꞌatamu iagho ka ghehati igne. Naugna nou nolaghi iagho na thono biꞌo fara. Uve, theo kaisei naikno te filo glani u namhagu nate thoke ghami ghehati kate diꞌatamu iagho ka ghehati ginauna.

Josua 22:16

Mare ne cheke eghu ka nanghagna Lord, “Naugna unha site eni ghotilo glepo ignea? Tahati te gnafa na vikegna Israel kolho, eghuteuna Lord na noda God tahati, nu ghotilo eni kaisei glepo te thono diꞌa fara ka tathagna mana. Olta te eni ghotilo igne, falaseni ghotilo te tapla jafra ranghini mana. Gognarona ghotilo theome leghuni mana!

Esra 8:31

Ka fabotho phei naranegna nhigra ulu lahu igne ghehati jifla ka khoꞌu biꞌo Ahava leghu nabrou ne tei mala tei posa Jerusalem. Eghuteuna God ne au balumi nei reireghi fakeli ghami neu ghehati ka naoka ba iheire te poru teu ka geri nabrou mala blau naikno ba falehe naikno.

Nehemaea 2:9

Kate jifla iara na, king kurudi keha mae komanda gna armi baludi mae soldia te saghe ka hose, mala reireghi ghau iara ka nabrou. Eghuteuna iara mei ne thoke ka provins ke mosu Khoꞌu biꞌo Iufretis, eghuteuna ka nohi te gnafa aheva te tei iara tagna na, iara tusu lao nogna letas king igne ka gavana, mala tangomana mana te snakre ghau iara te tei salaꞌu na.

Nodi Khoje Hatimare Mae Jiu 20:8

Nu nafnata naikno te rouronu ka chariot nei jata teu te magra igre ginauna tothokei mala uka pari. Nu tahati ginauna kegra heta fabrahu tifa tifa.