Esra 8:21 - Buka Blahi Ka Cheke Holo

²¹ Kate au teu ghehati ka gerigna khoꞌu biꞌo Ahava igne, iara ne cheke ka mae iheire te khapru teu ka vido igne mala thosei ghamu nei nhaꞌa fapari ghami themi ke ulugna God. Eghuteuna ghehati toreni mana mala batu ghami ka nabrou na nei reireghi fakelidi thumi nei nomi gobigna lepore.

Esra 8:21 ပူးပေါင်းရင်းမြစ်များ

Fapea Kronikols 20:3

King Jehosafat nomhini igne ne mhaghu nogna fara, aonu mana ne tarai ka Lord. Mana ne fatei cheke ka naiknodi Juda mala dangna ka vido narane te mala tarai igre.

Profet Joel 1:14

Kilo fodu meidi naikno ra mala cheke faheta ranghidi mala thosei ima kaisei gano. Uve, kafe kilo meidi mae mala baubatu nei naiknodi Juda teura mala kafe mei ruma haghe ka Suga gna Lord noda God mala tanhi ka mana.

Profet Isaia 30:21

Neuba ghotilo ne figri fei mairi ba fei nheta, ghotilo ginauna tangomana te nomhini naoglagna mana te cheke eghu mei ke leghumi na, “Igne nogu nabrou iara na. Leghuni!”

Ululahu Samuel 7:6

Aonu mare ne kafe khapru Mispa balugna mae Samuel mae ihei te nodi mae funei mare na. Eghuteuna mare ne krisu khoꞌu ne tofa soru ka glose na jateula fafara eghu ka Lord. Eghuteuna mare ne theome ghamu kaisei narane thongana, eghuteuna mare ne cheke thakleni eigna mare te tapla jafra fara ka tathagna Lord na.

Profet Jona 3:5

Naiknodi Ninive igre ne fatutuani ni chekegna God igne ne tughu nagnafa. Neubane mae nafnakno ba theo, mare te gnafa na ne theome ima. Eghuteuna mare ne pipichi ka pohe thona, fagaglana eigna nodi diꞌanagnafa na.

Levitikas 16:29

“Igne vetula eigna Narane biꞌo te mala Hata Fadelei Nakhibo te mala leghuni fabrahu ghotilo na. Leuleghu finogha, ka fafitu nhigra, ka fabotho narane gna na, ghotilo naiknomi Israel baludi keha naikno te au balumi ghotilo are, ghotilo te gnafa na mala thosei ghamu nei thosei eni kaisei gloku.

Levitikas 23:29

Jame ihei te huhughu te ghamu ka narane biꞌo igne na, ghotilo mala lisei fadelei ka nogu naikno iara re.

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Profet Isaia 42:16

Iara ginauna batudi nogu naikno te dofu ra mala leghuni nabrou teke theome leghuni mare tifa na. Iara ginauna hata fadelei gromno te au teu mare ke lamnagna igne mala phae jateula narane eghu, eghuteuna iara ginauna fasasare nabrou te poipogili are maladi mare. Igne unha teke nhaꞌa chekeni mala eni teku iara na, eghuteuna iara ginauna eni unha teke nhaꞌa chekeni iara na.

Nodi Khoje Hatimare Mae Jiu 5:8

Lord, nogu naoka iara gre thono kmana fara. Eghume iara magnahaghei nigho iagho te bara fothi ghau ka mae iheire te magnahaghei mei goigoni ghau iara igre. Batudi ghahegu gre mala leghuni iara u puhimu iagho te doglo na. Falalase ranghi ghau u nabrou te magnahaghei iagho te mala leghuni iara na.

Esra 8:15

Iara Esra neke loku fodudi naikno iheire te magnahaghei mei balugu iara re ne salo fodu ka geri khoꞌu ikoi te loloro te tei ka namono Ahava, eghuteuna ghehati au neu ka vido igne nabagna thilo narane. Te filoni iara ka naikno igre na, mae pris kolho te au teu balumi ghehati na, nu theo kaisei mae Livaet te au jare na.

Profet Jeremaea 10:23

Lord, te laseni iara na, theo kaisei naikno ka ghehati te naba te mala batu ghami te mala leghuni nabrou te magnahagheni ghehati na.

Profet Isaia 58:5

Kate mala ghatho tahu ghau iara teu te theome ima na, ghotilo papara fara. Ghotilo pogho pari ghilei tei gefe jateula khakla gaju eghu pari phaꞌumire. Ghotilo tofa nakrofu ka nomi pohere mala thuru ke klignadi. Ba, na keli tagu iara ka nafnata puhi te edi ghotilo igre neu si ghotilo ia? Thono theo fara!

Profet Isaia 58:3

Nu mare cheke eghu koba ka iara, ‘Lord, filo mei ghami ka vido te theome ima nei nhaꞌa fapari ghami themi teu gre, naugna unha sagho te theome eni kaisei glepo te mala togho ghami ghehati gnea?’ ” Nu iara Lord ne cheke eghu ka mare, “Uve, tutuani fara te theome ima ghotilo te mala ghatho tahu ghau iara teu nu eni fabrahu ghotilo unha te magnahagheni themi na teuna, ghotilo paradi fabrahu nomi mae glokure.

Profet Isaia 49:10

Mare ginauna na theome ke rofo, ba roi koꞌu. Eghuteuna nabranagna naprai nei nuri teu igre ginauna theome goigonidi. Naugna iara ne kokhoni nogudi, iara ginauna batudi mala tei ka vido aheva te au khoꞌu te keli.

Proveb 3:6

Ghathoni Lord ka gobigna lepo fateote'o, eghuteuna mana ginauna fadoglini nou nabrou iagho na.

Jajis 20:26

Armigna Israel igne neke figri Betel eghuteuna mare thono diꞌanagnafadi fara. Mare tanhi ne tanhi ka Lord mala toghodi, eghuteuna mare theome ghamuni kaisei glepo ne ghilei plulu naprai na. Eghuteuna mare gahu sopai nafnata fafara mala tufru soruni mana.

Levitikas 16:31

Narane igne kaisei narane ulu mala gnafa fakeli ghotilo tagna jateula kaisei narane Sabat eghu. Eghume leuleghu finogha, ka narane igne, blahi te mala ghamu ghotilo na, eghuteuna jaola blahi te mala loku ghotilo na. Vetula igre ghotilo mala thofno leghudi fabrahu.

Profet Isaia 35:8

Kaisei nabrou biꞌo ginauna au ka namono igne, eghuteuna mare ginauna kiloni nabrou igne, nogna Nabrou Blahi Lord. Naikno te diꞌa nei naikno te fameomekro teu ra, ginauna theome leghuni nabrou igne, nu iheire te leghuni kolho puhi te keli na nate tangomana te leghuni nogna Nabrou Blahi Lord.

Nodi Khoje Hatimare Mae Jiu 8:2

Goro sua nei gegeꞌe teu igre jaola cheke fakelini nanghamu iagho na. Iagho au ka vido te keli te theome tangomana nou naoka nate ari te magri nigho na. Eghuteuna naikno te tirodi leghudi nou cheke iagho re, mare theome tangomana te ari te goigoni nigho na.

Esra 8:31

Ka fabotho phei naranegna nhigra ulu lahu igne ghehati jifla ka khoꞌu biꞌo Ahava leghu nabrou ne tei mala tei posa Jerusalem. Eghuteuna God ne au balumi nei reireghi fakeli ghami neu ghehati ka naoka ba iheire te poru teu ka geri nabrou mala blau naikno ba falehe naikno.

Naba 14:31

Ghotilo cheke eidi naiknodi Kenan gre ginauna atha fadelei thumi ghotilo re, nu iara ginauna athadi mare tei ka vido te tiromini ghotilo ia.

Naba 14:3

Mala unha eghu si Lord te atha ghita tahati te tei ka vido tuana ia? Jame te age tahati na mare ginauna falehe ghita gnafa, eghuteuna mare ginauna atha khetoda, nei thuda teu tahati re. Te keli na tahati ke pulo kolho Ijep!”

Profet Jona 3:7

Mana ne fatei cheke igne ka naiknogna namono Ninive, “Iara nomi king ghotilo. “Eghuteuna iara baludi nogu mae funei gre, iara cheke ghami ghotilo hui, ghotilo baludi noda buluka nei sipu teura mala thosei ima nei koꞌu eghu.

Fapea Kronikols 20:4

Eghuteuna naikno ka namono te gnafa Juda igre ne kafe mei Jerusalem mala tarai nei toreni God mala toghodi.

Nehemaea 9:1

Ka varadaki fati narane ka nhigra tuanala, naiknodi Israel igre khapru mala theome ghamu, nei pipichi ka pohe thona, nei ghiha nakrofu ka phaꞌudi re eghu, fagaglana gna te diꞌanagnafa eidi nakhibodi re.

Nogna Buka Esta 4:16

“Iagho tei kilo fodudi naikno Jiu te gnafa te au ke lamnagna namono biꞌo Susa mala thosei ima nei koꞌu eghu nabagna thilo narane nei thilo bongi. Eghuteuna iara baludi nogu gaꞌase gloku te au balugu igre ginauna jaola na theome ima nei koꞌu eghu. Aonu ke leghudi thilo narane igre, neuba iara ne huhughuni vetula na, iara ginauna tei filoni king. Eghuteuna, neuba iara ne lehe, iara mala lehe ngala.”

Nodi Khoje Hatimare Mae Jiu 5:9

God, nogu naoka iara gre nodi chekere theome tutuani kolho. Unha te ghathoni mare na mala goigonidi keha naiknore kolho. Nodi chekere famane mamahe fara jateula suka eghu. Nu thiꞌadire fodu ka saosagro nei falehe naikno eghu.

Nodi Khoje Hatimare Mae Jiu 137:1

Kani au teku Babilon na, ghehati neke gnokro soru pari ka geri khoꞌu na neke diꞌanagnafa kolho. Aonu ghehati fagefe haghe nomi gitare ka grege gajure kligna ne tanhi nomi kolho, naugna ghehati neke ghatho fapulo Saion.

Profet Jeremaea 42:3

Iagho toreni Lord nou God mala falalase ka tahati unha nabrou nate leghuni tahati na, nei unha te magnahaghei nei eni teu tahati na.”

Profet Daniel 9:3

Iara theome ghamu, aonu iara ne pipichi ka pohe te thona, eghuteuna iara gnokro pari ke kligna nakrofu, fagaglana gna nogu diꞌanagnafa na. Aonu iara tarai ne cheke eghu ka Lord nogu God, “God, iagho nomi funei ghehati. Iagho thofno fnakno fara. Iagho tajini fabrahu nou nhaꞌa cheke teke eni iagho baludi nou naiknore. Eghuteuna iagho namhadi iheire te namha nighore, ba iheire te leghudi nou cheke re.