Esra 8:18 - Buka Blahi Ka Cheke Holo

¹⁸ Naugna noda God tahati gne mana fablahi ghami ghehati fara, aonu mare kuru meini kaisei mae Livaet, nanghagna na mae Serebaea, kaisei mae ka vikegna mae Mali. Mana kaisei mae lase loku fara, eghuteuna thugna nei kheragna teu mana igre nabotho nhana mae khaputudi re, mare ne kafe mei balugna mae Serebaea.

Esra 8:18 ပူးပေါင်းရင်းမြစ်များ

Profet Jeremaea 3:15

Iara ginauna vavahi keha mae te keli ka iheire te leghuni puhigu iara na mala batu ghami ghotilo.

Nehemaea 2:8

Iara jaola toreni king mala rioriso kaisei letas ka mae Asaf, mae ihei te mala fiofilodi gaju ka nogna namhata king re, mala alha thaba mala ke horo fakeli grengathagna vido mala toetoegna nogna Sugablahi God, baludi grengathagna namono igne, eghuteuna mala jaola eni kaisei suga mala au iara. King ne famei ka iara gobigna lepo teke toredi iara re, naugna God na au balugu iara.

Esra 7:28

Lord ghatho tahu ghau fara iara, eghuteuna mana cheke ranghini king balu nogna mae advaesa, eghuteuna nogna mae biꞌo mana re au nodi nolaghi mala keli tadi ka iara. Lord nogu God iara na fablahi ghau iara nei farerhetani gaoghathogu iara na, mala tangomana iara te salo fodu kmana lida di Israel mala ke pulo mei balugu iara.”

Esra 8:22

Iara mamaja nogu fara te toreni king te mala kuru nogna soldia nei mae te saghe ka hose te mala reireghi ghami ghehati ka nabrou na. Iara mamaja nogu naugna iara neke cheke eghuhi ka king, “Nomi God ghehati gne thofno fablahidi fabrahu iheire te fatutuanini mana re, nu thono diꞌatagna fara ka iheire te figri tagruni mana re.”

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.

Ululahu Kronikols 6:19

Nanghadi phei thugna mae Merari re neke mae Mali ghe mae Musi. Mae igre neke karha ka vikegna mae Livae.

Ululahu Korin 14:20

Kheraguro, puhimi ghotilo re mala klino jateula sua eghu. Thosei edi glepo te diꞌare. Nu ghotilo mala au jateula mae tela biꞌohi eghu ka puhimire ka khiloau gne, thosei ghaoghatho jateula mae sua eghu.

Proveb 24:3

Mae ihei te autagna famane gaoghatho te keli nei glalase teuna, mana ginauna au nogna famane suga, eghuteuna tharaknagna mana na ginauna au fakeli.

Proveb 3:6

Ghathoni Lord ka gobigna lepo fateote'o, eghuteuna mana ginauna fadoglini nou nabrou iagho na.

Nehemaea 12:24

Eghuteuna jaola ka narane tuare, nanghadi phaꞌu maedi vikegna mae Livaet na igre: mae Hasabaea, mae Serebaea nei mae Jesua thugna mae Kadmiel. Mae igre kegra ka kaisei phile ka Sugablahi na mala koje kilo fnaknoni God, eghuteuna kheradi mae igre, mare kegra ka keha phile na mala cheke tughugna khoje igne balu tegioni mana, leghuni nogna cheke King Devet nogna mae gloku God ranghidi hatimare mae Livaet tifa ra.

Nehemaea 10:12

nei mae Sakua, nei mae Serebaea, nei mae Sebanaea,

Nehemaea 8:7

Kate kegra teu naiknore ka glalaba igne, mae Livaet nanghadire mae Jesua, nei mae Bani, nei mae Serabaea, nei mae Jamin, nei mae Akub, nei mae Sabetae, nei mae Hodaea, nei mae Masea, nei mae Kelita, nei mae Asaraea, nei mae Josabad, nei mae Hanan, nei mae Pelaea, mae igre toghodi naiknore mala laseni Vetula igne.

Esra 8:24

Iara neke ehadi phei mae Livaet, mae Serabaea ghe mae Hasabaea baludi keha nabotho nodi lida hatimare mae pris mala mei.

Esra 8:16

Aonu iara ne kilodi nheva mae lida igre mala mei filo ghau iara: Mae Eliesa, mae Ariel, mae Semaea, mae Elnatan, mae Jarib, nei keha mae Elnatan, mae Natan, mae Sekaraea nei mae Mesulam. Iara jaola neke kilodi phei mae velepuhi igre, phia mae igre mae glalase fara, mae Jarib ghe mae Elnatan.

Fapea Kronikols 30:22

Eghuteuna Hesekaea ne kelitagna fara ka mae pris nei ka mae Livaet teu gre eigna nodi gloku mare na, naugna laseni fara puhi te mala batudi naiknore te mala tufru soruni Lord. Ka fitu narane igre, mae pris nei mae Livaet teu gre mare cheke fakelini Lord nodi God kuꞌedi tifa ra, eghuteuna mare ghamu gano teke fafara mare ra mala au ka pharikeli balugna Lord.

Esra 8:19

Eghuteuna mare ne kurudi mae Hasabaea ghe mae Jesaea, phei mae ka vikegna mae Merari, thugna mae Livae, baludi varadaki mae ka tharaknadi phiamare.

Ululahu Kronikols 6:1

Mae Livae neke au thilo thugna nalhaꞌu, nanghadi thilo mae igre, mae Geson, mae Kohat nei mae Merari.

Ululahu Kronikols 6:4

Mae Eleasa neke kmagna mae Finehas, eghuteuna mae Finehas neke kmagna mae Abisua.