Esra 8:17 - Buka Blahi Ka Cheke Holo

¹⁷ Iara neke kurudi mare mala tei filoni Ido, mae ihei te lida ka mae te loku ka nogna Sugablahi God te au ka namono Kasifia. Iara cheke ka mare unha te mala chekeni mare ka mana baludi kheragna mana re, mala tangomana mare te kuru mei keha ka mare mala mei balumi ghehati mala loku ka nogna Sugablahi noda God.

Esra 8:17 ပူးပေါင်းရင်းမြစ်များ

Esra 2:43

Mae Livaet te loku ka Sugablahi na, mae igre neke karha mei ka tharaknadi mae Siha, nei mae Hasufa, nei mae Tabaot,

Taetus 1:5

Iara neke lilisei fapulo nigho ka moumolu Krit naugna iara magnahaghe nigho te mala ke edi fagnafa keha glepo teke theome edi fagnafa nga teku ra. Nu iara magnahaghei nigho te mala vavahi keha mae mala baubatu ka khiloau gne leuleghu namono. Leghudi unha teke chekedi iara ka iagho ra.

Profet Jeremaea 15:19

Aonu Lord ne cheke eghu ka iara, “Nou cheke iagho igre fameomekro kolho. Jame figri iagho gaoghathomu na teke figri mei ka iara na, iagho ginauna nake nogu mae gloku iara. Eghuteuna jame te toutonuni iagho chekegu iara te keli igne ka naiknore, iagho ginauna na jateula foflogu eghu iara.

Profet Jeremaea 1:9

Aonu, Lord ne habo ka foflogu iara na, ne cheke eghu, “Filo sagho! Iara gognarona tusu ari ka iagho nogu cheke na mala tei toutonu iagho ka naiknore.

Esra 2:58

Tharaknadi mae te loku ka Sugablahi na baludi tharaknadi mae te loku ka King Solomon tifa ra, khaputudi re 392.

Fapea Samuel 14:19

Aonu king ne cheke eghu, “Ba? Mae Joab teke cheke nigho iagho te mala mei chekedi iagho glepo igre?” Naikno biꞌo igne ne cheke eghu, “Nogu funei, iara thofno cheke kate tutuani. Iagho lalase fara, eghuteuna theo kaisei naikno te poruni kaisei glepo ka iagho na. Uve, tutuani fara, mae Joab nou mae gloku iagho ia neke edi cheke igre ka iara.

Fapea Samuel 14:3

Aonu iagho tei filoni king mala toutonu ka mana u thoutonu nate toutonu ari iara ka iagho igne!” Aonu, mae Joab ne funu toutonu ka naꞌa u thoutonu te mala toutonu naꞌa ka mae king na.

Diutronomi 18:18

Uve, iara ginauna kuru mei kaisei mae profet jateula iagho eghu, eghuteuna mana ginauna kaisei mae kheradi thedi. Iara ginauna cheke lao ka mana nogu chekere, eghuteuna mana ginauna cheke ka naiknore gobigna lepo teke chekedi iara ka mana ra.

Naba 18:6

Iara ngala teke vahidi mae kheramu iagho, mae ka vikegna Livae gre. Iara ngala teke vahi fajifladi mare ka keha vikegna Israel are. Mare nogu iara, eghume iara tusu ari ka ghotilo mae pris mala togho ghami ghotilo nei mala edi nodi gloku mare ka Suga Thapuale te blahi igne.

Eksodas 4:15

Iara ginauna togho ghami ghopa mala cheke, eghuteuna iara ginauna fagriu ghami unha te mala eni ghopa na. Iagho ginauna chekedi cheke igre ka mana, iagho jateula God eghu ka mana. Eghuteuna Eron ginauna mala cheke ka naiknore tughu nigho iagho, mana mala jateula foflomu eghu iagho.

Ululahu Kronikols 9:2

Naikno teke kulu pulo mei teke au ka nodi namono nei nodi vido glose tekure neke hatimare mae pris, hatimare mae Livaet, nei hatimare mae mala loku ka Sugablahi.

Esra 8:16

Aonu iara ne kilodi nheva mae lida igre mala mei filo ghau iara: Mae Eliesa, mae Ariel, mae Semaea, mae Elnatan, mae Jarib, nei keha mae Elnatan, mae Natan, mae Sekaraea nei mae Mesulam. Iara jaola neke kilodi phei mae velepuhi igre, phia mae igre mae glalase fara, mae Jarib ghe mae Elnatan.