Esra 8:16 - Buka Blahi Ka Cheke Holo

¹⁶ Aonu iara ne kilodi nheva mae lida igre mala mei filo ghau iara: Mae Eliesa, mae Ariel, mae Semaea, mae Elnatan, mae Jarib, nei keha mae Elnatan, mae Natan, mae Sekaraea nei mae Mesulam. Iara jaola neke kilodi phei mae velepuhi igre, phia mae igre mae glalase fara, mae Jarib ghe mae Elnatan.

Esra 8:16 ပူးပေါင်းရင်းမြစ်များ

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Fapea Timoti 2:7

Hironi sagho gaoghathodi cheke te edi iara igre. Lord ginauna togho nigho mala lasedi glepo igre.

Profet Daniel 2:21

God na funei frunidi narane, nei naprai, nei nakhete. Mana tusu lao nolaghi ka hatimare mae king, eghuteuna mana jaola hata koko nolaghi na ka mare. Mana ngala te tusu lao gaoghatho te keli nei glalase biꞌo teu ka naikno na.

Proveb 28:2

Kate magra farithedi naikno gna kaisei kantri, ginauna au kmana mae biꞌo, nu mae te autagna gaoghatho te keli nei lalase teuna ngala te mae biꞌo kantri na, mana ginauna eni kantri igne mala kegra heta.

Proveb 20:5

Gaoghathogna mae te autagna gaoghatho te keli na thono mamhara fara. Nu mae te autagna glalase te keli na ngala nate hiro deni na.

Proveb 2:6

Naugna, Lord ngala nafugna gaoghatho te keli na, eghuteuna chekegna na tusu ranghi nigho u glalase.

Esra 10:21

Ka tharaknagna mae Harim: mae Masea, nei mae Elija, nei mae Semaea, nei mae Jehiel nei mae Usaea.

Esra 8:18

Naugna noda God tahati gne mana fablahi ghami ghehati fara, aonu mare kuru meini kaisei mae Livaet, nanghagna na mae Serebaea, kaisei mae ka vikegna mae Mali. Mana kaisei mae lase loku fara, eghuteuna thugna nei kheragna teu mana igre nabotho nhana mae khaputudi re, mare ne kafe mei balugna mae Serebaea.

Esra 8:13

Ka vikegna Adonikam: Elifelet, nei Juel nei Semaea, thilo mae leghu lahu ka vike igne, baludi namnosalei mae.

Fapea Kronikols 2:12

Tahati cheke fakelini Lord nodi God mae Israel! Mana neke vuavuha maloa kligna ghe nauthoglu pari igne! Lord neke tusu ranghini King Devet kaisei mae thugna te lalase fara nei au tagna gaoghatho te keli. Iagho tangomana te horo kaisei Sugablahi malagna Lord, nei kaisei suga biꞌo malamu themu.

Ululahu Kronikols 26:14

Mare ne lalahu khale mala laseni tharakna aheva gne nate reireghi grengatha ke maghati na, igne ne soru ka tharakna gna mae Meselemaea te mala reireghi grengatha ke maghati na. Ke leghugna igne mare neke lalahu khale mala laseni tharakna aheva gne nate reireghi grengatha ke raru na, igne jaola ne soru ka tharaknagna mae Sekaraea thugna mae Meselemaea te mala reireghi grengatha ke raru na. Mae Sekaraea gne kaisei mae te au tagna gaoghatho te keli.

Ululahu Kronikols 12:32

Ka vikegna mae Isaka, mare au phei gobi ofisa balu nodi soldia. Mae ofisa igre au tadi gaoghatho te keli, nei lasedi unha glepo te thoke mei ba unha glepo te edi naiknodi Israel.

Ululahu Kings 3:11

Aonu God ne cheke eghu ka mana, “Iara keli tagu fara ka iagho, naugna iagho theome toreni nakarha brahu na, ba dedei na, ba te mala falehedi iara nou naokare. Nu iagho toreni kolho gaoghatho te keli na mala tangomana iagho te funei frunidi naiknore ka puhi te doglo.

Esra 8:15

Iara Esra neke loku fodudi naikno iheire te magnahaghei mei balugu iara re ne salo fodu ka geri khoꞌu ikoi te loloro te tei ka namono Ahava, eghuteuna ghehati au neu ka vido igne nabagna thilo narane. Te filoni iara ka naikno igre na, mae pris kolho te au teu balumi ghehati na, nu theo kaisei mae Livaet te au jare na.

Esra 8:17

Iara neke kurudi mare mala tei filoni Ido, mae ihei te lida ka mae te loku ka nogna Sugablahi God te au ka namono Kasifia. Iara cheke ka mare unha te mala chekeni mare ka mana baludi kheragna mana re, mala tangomana mare te kuru mei keha ka mare mala mei balumi ghehati mala loku ka nogna Sugablahi noda God.