Esra 8:1 - Buka Blahi Ka Cheke Holo

¹ Igre nanghadi phaꞌu maedi ka soasopai kokholo teke tei pulo mei funu Babilonia balugu iara, ka narane teke funei fruni King Atasekses Babilonia. Keha mae ka kokholo jaola teke pulo mei balumi ghehati. Nanghadire:

Esra 8:1 ပူးပေါင်းရင်းမြစ်များ

Esra 7:13

“Ka letas igne iara cheke faheta ka nogu mae ofisa iara ra. Cheke igne, jame ihei ka naiknodi Israel ra te magnahaghei jifla ka nogu kantri iara gne teke pulo Jerusalem balumu iagho na, mare tangomana te tei na. Neubane mae pris, ba mae Livaet, ba ihei ka vikegna Israel, mare keliu kolho teke pulo Jerusalem.

Esra 2:62

Aonu mae pris igre ne filo ka buka susurei na mala laseni mae igre thofno au ka tharakna igne, nu mare ne theome filoni. Eghume mae biꞌodi mae pris gre theome snakredi mare te eni nogna gloku pris na.

Esra 1:5

Ka narane tuare, Lord ne loku ka gaoghathodi naikno kmana mala ke figri ke babana nogna Sugablahi mana na. Aonu phaꞌu maedi vikegna Juda nei vikegna Benjamin, nei hatimare mae pris nei hatimare mae Livaet teu igre, mare tarabana mala ke figri Jerusalem.

Fapea Kronikols 26:12

Iusaea au thilo gobi fitu thogha glima gobi soldia tarabana fabrahu mala tei magra ka nogna naoka re. Eghuteuna mana au phia thogha namno gobi mae biꞌo ka vike igne, mae igre te mala batudi mae soldia te tei ka magra na.

Ululahu Kronikols 26:32

Aonu King Devet ne vahidi phei thogha fitu gobi kheragna mae Jeria mala batuni nogna gloku God, nei nogna gloku king langau eghu, ka nodi kantri mae Israel ke maghati Khoꞌu biꞌo Jordan ka nogna nohi mae Ruben, nei ka nogna nohi mae Gad, nei ka nogna nohi mae Manase.

Ululahu Kronikols 24:31

Mae biꞌodi tharakna te gnafa nei thabusidi mare te majaghani igre eghu ne lalahu khale mala laseni nodi gloku mae igre jateula te edi mare ka kheradi pris ka tharaknagna mae Eron tifa ra. King Devet, Pris Sadok, Pris Ahimelek, nei mae biꞌo ka tharaknadi hatimare mae pris, nei hatimare mae Livaet, mare te gnafa na ne filoni te lalahu khale mare igne.

Ululahu Kronikols 9:34

Ka susureidi mae Livaet igre falaseni te mae igre mare lida ka nodi vike na. Eghuteuna mare mei au Jerusalem.

Ululahu Kronikols 9:1

Igre nanghadi hatimare mae Israel te gnafa teke rioriso mare ka buka eidi hatimare mae King di Israel.

Ululahu Kronikols 4:33

Eghuteuna kehare jaola ne au ka namono ikodi te au rhegna namono biꞌo Balat. Igre nodi namono vikegna mae Simion leghuni nodi susurei thedi na.

Esra 7:28

Lord ghatho tahu ghau fara iara, eghuteuna mana cheke ranghini king balu nogna mae advaesa, eghuteuna nogna mae biꞌo mana re au nodi nolaghi mala keli tadi ka iara. Lord nogu God iara na fablahi ghau iara nei farerhetani gaoghathogu iara na, mala tangomana iara te salo fodu kmana lida di Israel mala ke pulo mei balugu iara.”

Esra 8:2

Ka vikegna Finehas: Geson. Ka vikegna Itama: Daniel. Ka vikegna Devet: Hatus ka tharaknagna Sekanaea. Ka vikegna Paros: Sekaraea balugna kaisei gobi glimafulu mae te au ka thura vikegna mana.

Esra 2:2

Nanghadi mae iheire teke batudi mare teke figri re igre: Mae Serubabel, nei mae Jesua, nei mae Nehemaea, nei mae Seraea, nei mae Relaea, nei mae Modikae, nei mae Bilsan, nei mae Mispa, nei mae Bigvae, nei mae Rehum nei mae Bana. Khaputudi naikno nei tharakna gna Israel teu teke figri re igre:

Esra 2:3

Ka tharaknagna mae Paros: 2,172.

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.