Esra 7:25 - Buka Blahi Ka Cheke Holo

²⁵ “Iagho ghema Esra, loku ka famane gaoghatho te keli teke tusu ranghi nigho nou God na mala vavahi mae funei nei mae mala fate mala tangomana mare te fate ka puhi te doglo. Naikno te au ka provins ke mosu Khoꞌu biꞌo Iufretis igre mare leghudi nogna Vetula nou God iagho na. Eghuteuna jame ihei te theome lasedi Vetula igre na, te keli na, iagho mala farirhiudi.

Esra 7:25 ပူးပေါင်းရင်းမြစ်များ

Esra 7:10

Lord ne toghodi naiknodi Israel, naugna Esra neke loku heta fara kate hiro posidi nei leghudi teu nogna Vetula Lord. Eghuteuna mana neke farirhiudi naiknodi Israel igre u vetula nei cheke teu te au ka buka vetula na igre.

Diutronomi 16:18

Aonu mae Moses ne cheke eghu, “Ghotilo ginauna vavahi keha mae mala fate, eghuteuna keha mae mala mae biꞌo ka namono te gnafa aheva nate tusu ari Lord ka ghotilo na. Mae igre mala fatedi gobigna lepo ka puhi te doglo ka fate na.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.

Nodi Khoje Hatimare Mae Jiu 19:7

Nogna vetula Lord na thofno doglo fara, eghuteuna tangomana te tusu mei nakarha majaghani ka tahati. Tahati tangomana te fatutuanidi nogna cheke mana re. Eghuteuna nogna cheke mana igre tangomana te tusu lao gaoghatho te keli ka iheire te theome lalase.

Nonomho Te Keli Teke Risoi Mae Mak 6:34

Kate longa mae Jisas mata na, mana ne filoni kaisei nakhapru biꞌo ofo neu jare. Mae Jisas ne kokhoni nognadi, naugna mare ne jateula sipu te theo kaisei naikno te reireghidi ra neu. Aonu mana ne funu farirhiudi kmana glepo naba te mala lasedi mare re.

Matiu 13:52

Aonu mae Jisas neke cheke eghu ka mare, “Hatimare mae velepuhigna vetula nogna mae Moses gre au fari hoteidi naikno God te funei frunidire. Mare jateula mae khoto suga te hata fajifla glepo te majaghani ba glepo te tiatifa ka nogna chogho te au nogna glepo te keli ra eghu.”

Proveb 6:23

Chekedi idomu kmamu are jateula kaisei juta eghu mala fadoglini nakarhamu iagho na.

Proveb 2:6

Naugna, Lord ngala nafugna gaoghatho te keli na, eghuteuna chekegna na tusu ranghi nigho u glalase.

Nehemaea 9:3

Kate kegra teu ka vido igne, mare iuꞌiju ka buka nogna Vetula nodi Lord God na nabagna thilo aoa, aonu mare cheke thakledi nakhibodi re eghuteuna tarai ka nodi Lord God keha thilo aoa re.

Esra 7:14

Nou God iagho na neke lisa arihi nogna Vetula na ka khamemu iagho. Iara baludi fitu nogu mae advaesa igre na kuru tei nigho iagho Jerusalem, nei Juda mala lasedi iagho iheire te leghudi vetula igre, ba theo.

Esra 6:6

Aonu King Darius ne fatei nogna cheke tughu na ka mare, ne cheke eghu, “Ka iagho Tatenae, gavana gna provins ke mosu Khoꞌu biꞌo Iufretis, nei ka iagho Seta-Bosenae baludi keha mae biꞌo gna provins igne. Ghotilo au fadelei ka mare!

Ululahu Kronikols 23:4

Aonu mae Devet ne cheke eghu, “Varadaki fati thogha mae mala fiofilogna gloku te eni mare ka nogna Sugablahi Lord na. Eghuteuna namno thogha mae te mala fanomho ka fate te mala rioriso soru nodi cheke hatimare mae king.

Ululahu Kronikols 22:12

Iara magnahagheini Lord te tusu ranghi nigho gaoghatho te keli nei glalase, mala tangomana iagho te lasedi gobigna lepo te mala funei fruni Israel. Ka puhi igre, iagho ginauna tangomana te leghudi nogna vetula Lord noda God.

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Kolose 1:28

Eghume, ghehati toutonuni u Nonomho te Keli eigna mae Kraes na koba ranghidi naikno te gnafare, nei ghehati cheke faheta nei famane farirhiudi eghu koba. Ghehati cheke ka gaoghatho te keli mala tangomana te toghodi mare te gnafa na mala kotu haghe nei nheta ka nodi fatutuani na ka mae Kraes.

Jenesis 41:38

Eghuteuna mae king ne cheke eghu ka hatimare mae ofisa re, “Tharunga gna God na au ka mae igne. Iara theome filoni kaisei mae te nabagna te mala hata u gloku igne na.”

Jenesis 41:39

Aonu mae king ne cheke eghu ka mae Josep, “God na la falalasehi ka iagho glepo igre, eghume theo kaisei mae te au gaoghatho te keli nei lalase teu jateula iagho teuna.

Fapea Kings 17:27

Aonu king ne cheke eghu ka nogna naiknore, “Ghotilo kuru fapuloni kaisei mae pris gna Samaria teke hata teke fasosolodi tahati ra, ghotilo snakreni mana mala ke pulo au jare, mala tangomana mana te farirhiudi naiknore nogna vetula God gna namono tuana.”

Esra 10:4

Nou gloku iagho te mala fadoglidi puhi biꞌo igre. Eghume, iagho thosei mhaghu. Kegra haghe faghose fadoglidi puhi igre. Eghuteuna ghehati ginauna au ka pharikeli balumu iagho mala leghudi nou cheke iagho re.”